ಅಂಬಾನಿ ನಿವಾಸದ ಬಳಿ ಸ್ಫೋಟಕ: ‘ಜೈಷ್‌ ಉಲ್‌ ಹಿಂದ್‌’ ಹೆಸರಲ್ಲಿ ನಕಲಿ ಪತ್ರ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ: ಖ್ಯಾತ ಉದ್ಯಮಿ ಮುಕೇಶ್ ಅಂಬಾನಿ ಅವರ ಮನೆ ಬಳಿ ಸ್ಫೋಟಕಗಳಿದ್ದ ವಾಹನ ನಿಲ್ಲಿಸಿದ್ದ ಹೊಣೆಯನ್ನು ಹೊತ್ತುಕೊಂಡು ‘ಜೈಷ್‌ ಉಲ್‌’ ಹಿಂದ್‌’ ಹೆಸರಿನಲ್ಲಿ ಬರೆದಿದ್ದ ಪತ್ರ ನಕಲಿ ಎಂದು ಮುಂಬೈ ಪೊಲೀಸರು ತಿಳಿಸಿದ್ದಾರೆ.
ಭಾನುವಾರ ಟೆಲಿಗ್ರಾಂ ಆ್ಯಪ್ ಮೂಲಕ ಈ ಸಂಘಟನೆ ಹೆಸರಿನಲ್ಲಿ ಪತ್ರ ಕಳುಹಿಸಲಾಗಿತ್ತು. ಕ್ರಿಪ್ಟೊ ಕರೆನ್ಸಿ ಮೂಲಕ ಹಣ ಪಾವತಿಸುವಂತೆ ಸೂಚಿಸಿ ವೆಬ್‌ಪೇಜ್‌ನ ಲಿಂಕ್‌ ನೀಡಲಾಗಿತ್ತು.
ಅದೇ ದಿನ ಸಂಜೆ, ನಿಜವಾದ ‘ಜೈಷ್‌ ಉಲ್‌ ಹಿಂದ್‌’ ಸಂಘಟನೆ ತಮ್ಮದು ಎಂದು ಹೇಳಿಕೊಂಡು ಪತ್ರವೊಂದನ್ನು ಪೋಸ್ಟ್‌ ಮಾಡಲಾಗಿದೆ. ಅಂಬಾನಿ ಮನೆ ಬಳಿಕ ಪತ್ತೆಯಾದ ಕಾರಿಗೂ ಸಂಘಟನೆಗೂ ಯಾವುದೇ ರೀತಿ ಸಂಬಂಧವಿಲ್ಲ ಮತ್ತು ಹಣ ಪಾವತಿಯ ಬಗ್ಗೆ ಯಾವುದೇ ಸಂದೇಶ ಪೋಸ್ಟ್‌ ಮಾಡಿಲ್ಲ ಎಂದು ತಿಳಿಸಿದೆ.
ಈ ಬಗ್ಗೆ ತನಿಖೆ ನಡೆಸಿದ ಮುಂಬೈ ಅಪರಾಧ ವಿಭಾಗದ ಅಧಿಕಾರಿಗಳು, ಮೊದಲನೇ ಪತ್ರದಲ್ಲಿ ನಮೂದಿಸಲಾಗಿದ್ದ ಲಿಂಕ್‌ನಿಂದ ಯಾವುದೇ ವೆಬ್‌ಪೇಜ್‌ ಪತ್ತೆಯಾಗಲಿಲ್ಲ. ಹೀಗಾಗಿ, ಮೊದಲ ಪತ್ರ ನಕಲಿಯಾಗಿತ್ತು ಎಂದು ಹಿರಿಯ ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.
ಜೆಲೆಟಿನ್‌ ಕಡ್ಡಿಗಳಿದ್ದ ವಾಹನವೊಂದು ಅಂಬಾನಿ ಮನೆ ಬಳಿ ಗುರುವಾರ ಪತ್ತೆಯಾಗಿತ್ತು.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
