ದೆಹಲಿ: ಜೈಲುಗಳಿಂದ 2.5 ತಿಂಗಳಲ್ಲಿ 348 ಮೊಬೈಲ್ ಫೋನ್ ವಶಕ್ಕೆ

ನವದೆಹಲಿ: ರಾಜಧಾನಿಯ ಜೈಲುಗಳಿಂದ ಕಳೆದ ಎರಡೂವರೆ ತಿಂಗಳಲ್ಲಿ 348 ಮೊಬೈಲ್ ಪೋನ್‌ಗಳನ್ನು ದೆಹಲಿಯ ಕಾರಾಗೃಹ ಇಲಾಖೆಯು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿಯೊಬ್ಬರು ಗುರುವಾರ ತಿಳಿಸಿದ್ದಾರೆ.

ಕಾರಾಗೃಹ ಇಲಾಖೆ ಪೊಲೀಸ್ ನಿರ್ದೇಶಕ ಸಂಜಯ್ ಬನಿವಾಲ್ ಈ ಕುರಿತು ಮಾಹಿತಿ ನೀಡಿದ್ದಾರೆ.

ಬುಧವಾರ ನಡೆಸಿದ ದಾಳಿಯಲ್ಲಿ ಜೈಲುಗಳಿಂದ 18 ಫೋನ್ ಹಾಗೂ ಚಾರ್ಜರ್ ವಶಕ್ಕೆ ಪಡೆಯಲಾಗಿದೆ ಎಂದು ಅವರು ತಿಳಿಸಿದರು.

ಜೈಲಿನ ಒಳಗೆ ಗುಪ್ತಚರ ಜಾರಿಯ ನಂತರ ನಿರಂತರ ದಾಳಿ ನಡೆಸಲಾಗುತ್ತಿದೆ. ಈ ಮೂಲಕ ಸ್ಪಷ್ಟ ಸಂದೇಶ ರವಾನಿಸಲಾಗಿದೆ ಎಂದು ಅವರು ಹೇಳಿದರು.