<p>ನವದೆಹಲಿ: ಭಾರತವು ಜಿ 20 ಶೃಂಗಸಭೆ ಅಧ್ಯಕ್ಷತೆಯನ್ನು ವಹಿಸಿಕೊಂಡ ಬಳಿಕ ಜಿ 20 ಶೃಂಗದ ಸದಸ್ಯ ರಾಷ್ಟ್ರಗಳ ಮೊದಲ ಪ್ರಮುಖ ಸಭೆ ಬೆಂಗಳೂರಿನಲ್ಲಿ ನಡೆಯುತ್ತಿದ್ದು, ಸಿದ್ಧತೆಗಳು ನಡೆದಿವೆ.</p>.<p>ಫೆ. 24, 25ರಂದು ನಡೆಯುವ ಸಭೆಯಲ್ಲಿ ಸದಸ್ಯ ರಾಷ್ಟ್ರಗಳ ಹಣಕಾಸು ಸಚಿವರು ಭಾಗವಹಿಸುತ್ತಿದ್ದಾರೆ. ಉಕ್ರೇನ್ –ರಷ್ಯಾ ಯುದ್ಧ ಆರಂಭವಾಗಿ ವರ್ಷವಾಗುತ್ತಿರುವ ಹೊತ್ತಿನಲ್ಲಿಯೇ ಈ ಸಭೆ ನಡೆಯುತ್ತಿದೆ.</p>.<p>ಮಹತ್ವದ ಈ ಸಭೆಗೆ ರಷ್ಯಾ ತನ್ನ ಹಣಕಾಸು ಸಚಿವರನ್ನು ಕಳುಹಿಸುವುದನ್ನು ದೃಢಪಡಿಸಿಲ್ಲ. ಮೂಲಗಳ ಪ್ರಕಾರ, ರಷ್ಯಾ ಸರ್ಕಾರ ಬಹುತೇಕ ಕೆಳಹಂತದ ಅಧಿಕಾರಿಯೊಬ್ಬರನ್ನು ಕಳುಹಿಸುವ ಸಾಧ್ಯತೆಗಳಿವೆ.</p>.<p>ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮತ್ತು ರಿಸರ್ವ್ ಬ್ಯಾಂಕ್ನ ಗವರ್ನರ್ ಶಕ್ತಿಕಾಂತ ದಾಸ್ ಸದಸ್ಯ ರಾಷ್ಟ್ರಗಳ ಅತಿಥಿಗಳನ್ನು ಬರಮಾಡಿಕೊಳ್ಳುವರು. </p>.<p>ಉಕ್ರೇನ್ ಮೇಲಿನ ರಷ್ಯಾದ ಸೇನಾ ಅತಿಕ್ರಮಣ, ಜಾಗತಿಕ ಆರ್ಥಿಕತೆಯ ಮೇಲೆ ಇದರ ಪರಿಣಾಮ ಕುರಿತು ಚರ್ಚಿಸಲು ಅಮೆರಿಕ ಮತ್ತು ಪಾಶ್ಚಿಮಾತ್ಯ ದೇಶಗಳು ವೇದಿಕೆಯಾಗಿ ಬಳಸಿಕೊಳ್ಳುವ ಸಂಭವವಿದೆ. </p>.<p>ಆತಿಥ್ಯ ವಹಿಸಿರುವ ಭಾರತವು ರಷ್ಯಾ ಜೊತೆಗಿನ ದಶಕಗಳಷ್ಟು ಹಳೆಯ ಬಾಂಧವ್ಯ ಮುಂದುವರಿಸುವುದರ ಜೊತೆಗೆ, ಇತರೆ ರಾಷ್ಟ್ರಗಳ ಜೊತೆಗಿನ ಬಾಂಧವ್ಯ ವೃದ್ಧಿಗೂ ಒತ್ತು ನೀಡುವ ಕಾರ್ಯತಂತ್ರ ಅನುಸರಿಸಲಿದೆ. ಅಲ್ಲದೆ, ರಷ್ಯಾದ ವಿರುದ್ಧ ಟೀಕೆಗಷ್ಟೇ ಸಭೆಯು ಬಳಕೆಯಾಗಬಾರದು ಎಂದು ಬಯಸಿದೆ.</p>.<p>ಅಮೆರಿಕದ ಆರ್ಥಿಕ ಇಲಾಖೆ ಕಾರ್ಯದರ್ಶಿ ಜನೆಟ್ ಎಲ್ ಯೆಲ್ಲೆನ್ ಅವರು ಭಾಗವಹಿಸಲಿದ್ದಾರೆ. ದೃಢ ಮತ್ತು ಪರಿಣಾಮಕಾರಿಯಾದ ಜಾಗತಿಕ ಆರ್ಥಿಕತೆ ರೂಪಿಸಲು ಇರುವ ಸವಾಲುಗಳನ್ನು ಎದುರಿಸಬೇಕಾದ ಅಗತ್ಯ ಕುರಿತು ಅವರು ಮಾತನಾಡುವ ಸಾಧ್ಯತೆಗಳಿವೆ.</p>.<p>ಈ ಸಭೆ ಹಿಂದೆಯೇ ಮಾರ್ಚ್ ಮೊದಲ ವಾರ ಜಿ 20 ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರ ಸಭೆ ನವದೆಹಲಿಯಲ್ಲಿ ನಡೆಯಲಿದೆ. ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕನ್, ರಷ್ಯಾದ ವಿದೇಶಾಂಗ ಸಚಿವ ಸರ್ಗಿ ಲಾವ್ರೊವ್ ಭಾಗವಹಿಸುವರು.</p>.<p>ಭಾರತದ ಆತಿಥ್ಯದಲ್ಲಿ ಜಿ 20 ಶೃಂಗಸಭೆಯು ಸೆಪ್ಟೆಂಬರ್ 9 ಮತ್ತು 10ರಂದು ನಡೆಯಲಿದ್ದು, ಪ್ರಧಾನಮಂತ್ರಿ ನೇತೃತ್ವ ವಹಿಸುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ಭಾರತವು ಜಿ 20 ಶೃಂಗಸಭೆ ಅಧ್ಯಕ್ಷತೆಯನ್ನು ವಹಿಸಿಕೊಂಡ ಬಳಿಕ ಜಿ 20 ಶೃಂಗದ ಸದಸ್ಯ ರಾಷ್ಟ್ರಗಳ ಮೊದಲ ಪ್ರಮುಖ ಸಭೆ ಬೆಂಗಳೂರಿನಲ್ಲಿ ನಡೆಯುತ್ತಿದ್ದು, ಸಿದ್ಧತೆಗಳು ನಡೆದಿವೆ.</p>.<p>ಫೆ. 24, 25ರಂದು ನಡೆಯುವ ಸಭೆಯಲ್ಲಿ ಸದಸ್ಯ ರಾಷ್ಟ್ರಗಳ ಹಣಕಾಸು ಸಚಿವರು ಭಾಗವಹಿಸುತ್ತಿದ್ದಾರೆ. ಉಕ್ರೇನ್ –ರಷ್ಯಾ ಯುದ್ಧ ಆರಂಭವಾಗಿ ವರ್ಷವಾಗುತ್ತಿರುವ ಹೊತ್ತಿನಲ್ಲಿಯೇ ಈ ಸಭೆ ನಡೆಯುತ್ತಿದೆ.</p>.<p>ಮಹತ್ವದ ಈ ಸಭೆಗೆ ರಷ್ಯಾ ತನ್ನ ಹಣಕಾಸು ಸಚಿವರನ್ನು ಕಳುಹಿಸುವುದನ್ನು ದೃಢಪಡಿಸಿಲ್ಲ. ಮೂಲಗಳ ಪ್ರಕಾರ, ರಷ್ಯಾ ಸರ್ಕಾರ ಬಹುತೇಕ ಕೆಳಹಂತದ ಅಧಿಕಾರಿಯೊಬ್ಬರನ್ನು ಕಳುಹಿಸುವ ಸಾಧ್ಯತೆಗಳಿವೆ.</p>.<p>ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮತ್ತು ರಿಸರ್ವ್ ಬ್ಯಾಂಕ್ನ ಗವರ್ನರ್ ಶಕ್ತಿಕಾಂತ ದಾಸ್ ಸದಸ್ಯ ರಾಷ್ಟ್ರಗಳ ಅತಿಥಿಗಳನ್ನು ಬರಮಾಡಿಕೊಳ್ಳುವರು. </p>.<p>ಉಕ್ರೇನ್ ಮೇಲಿನ ರಷ್ಯಾದ ಸೇನಾ ಅತಿಕ್ರಮಣ, ಜಾಗತಿಕ ಆರ್ಥಿಕತೆಯ ಮೇಲೆ ಇದರ ಪರಿಣಾಮ ಕುರಿತು ಚರ್ಚಿಸಲು ಅಮೆರಿಕ ಮತ್ತು ಪಾಶ್ಚಿಮಾತ್ಯ ದೇಶಗಳು ವೇದಿಕೆಯಾಗಿ ಬಳಸಿಕೊಳ್ಳುವ ಸಂಭವವಿದೆ. </p>.<p>ಆತಿಥ್ಯ ವಹಿಸಿರುವ ಭಾರತವು ರಷ್ಯಾ ಜೊತೆಗಿನ ದಶಕಗಳಷ್ಟು ಹಳೆಯ ಬಾಂಧವ್ಯ ಮುಂದುವರಿಸುವುದರ ಜೊತೆಗೆ, ಇತರೆ ರಾಷ್ಟ್ರಗಳ ಜೊತೆಗಿನ ಬಾಂಧವ್ಯ ವೃದ್ಧಿಗೂ ಒತ್ತು ನೀಡುವ ಕಾರ್ಯತಂತ್ರ ಅನುಸರಿಸಲಿದೆ. ಅಲ್ಲದೆ, ರಷ್ಯಾದ ವಿರುದ್ಧ ಟೀಕೆಗಷ್ಟೇ ಸಭೆಯು ಬಳಕೆಯಾಗಬಾರದು ಎಂದು ಬಯಸಿದೆ.</p>.<p>ಅಮೆರಿಕದ ಆರ್ಥಿಕ ಇಲಾಖೆ ಕಾರ್ಯದರ್ಶಿ ಜನೆಟ್ ಎಲ್ ಯೆಲ್ಲೆನ್ ಅವರು ಭಾಗವಹಿಸಲಿದ್ದಾರೆ. ದೃಢ ಮತ್ತು ಪರಿಣಾಮಕಾರಿಯಾದ ಜಾಗತಿಕ ಆರ್ಥಿಕತೆ ರೂಪಿಸಲು ಇರುವ ಸವಾಲುಗಳನ್ನು ಎದುರಿಸಬೇಕಾದ ಅಗತ್ಯ ಕುರಿತು ಅವರು ಮಾತನಾಡುವ ಸಾಧ್ಯತೆಗಳಿವೆ.</p>.<p>ಈ ಸಭೆ ಹಿಂದೆಯೇ ಮಾರ್ಚ್ ಮೊದಲ ವಾರ ಜಿ 20 ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರ ಸಭೆ ನವದೆಹಲಿಯಲ್ಲಿ ನಡೆಯಲಿದೆ. ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕನ್, ರಷ್ಯಾದ ವಿದೇಶಾಂಗ ಸಚಿವ ಸರ್ಗಿ ಲಾವ್ರೊವ್ ಭಾಗವಹಿಸುವರು.</p>.<p>ಭಾರತದ ಆತಿಥ್ಯದಲ್ಲಿ ಜಿ 20 ಶೃಂಗಸಭೆಯು ಸೆಪ್ಟೆಂಬರ್ 9 ಮತ್ತು 10ರಂದು ನಡೆಯಲಿದ್ದು, ಪ್ರಧಾನಮಂತ್ರಿ ನೇತೃತ್ವ ವಹಿಸುವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
