ಭಾನುವಾರ, ಸೆಪ್ಟೆಂಬರ್ 27, 2020
26 °C
ಪಿಎಂ ಕೇರ್ಸ್‌ ನಿಧಿಗೆ ₹2.5 ಲಕ್ಷ, ‘ನಮಾಮಿ ಗಂಗಾ‘ಕ್ಕೆ ಸಿಯೋಲ್ ಪುರಸ್ಕಾರದ ₹1.3 ಕೋಟಿ

ಸಾರ್ವಜನಿಕ ಕಾರ್ಯಗಳಿಗೆ ಮೋದಿ ನೀಡಿದ ದೇಣಿಗೆ ₹103 ಕೋಟಿ !

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಹೆಣ್ಣು ಮಕ್ಕಳಿಗೆ ಶಿಕ್ಷಣ ನೀಡುವ ಯೋಜನೆಯಿಂದ ಹಿಡಿದು ಗಂಗಾನದಿ ಸ್ವಚ್ಚಗೊಳಿಸಲು ರೂಪಿಸಿರುವ ‘ನಮಾಮಿ ಗಂಗಾ ಯೋಜನೆ‘ವರೆಗೆ ಸಾರ್ವಜನಿಕ ಕಾರ್ಯಗಳಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಉಳಿತಾಯ ಮತ್ತು ತಮಗೆ ದೊರೆತ ಉಡುಗೊರೆಗಳ ಹರಾಜಿನಿಂದ ಬಂದ ₹103 ಕೋಟಿಗೂ ಹೆಚ್ಚು ಹಣವನ್ನು ದೇಣಿಗೆಯಾಗಿ ನೀಡಿದ್ದಾರೆ!

ಕೋವಿಡ್ 19 ಸೋಂಕಿನ ಹಿನ್ನೆಲೆಯಲ್ಲಿ ‘ತುರ್ತು ಸಂದರ್ಭಗಳಿಗೆ’ ನೆರವಾಗುವುದಕ್ಕಾಗಿ ಮಾರ್ಚ್‌ನಲ್ಲಿ ಆರಂಭವಾದ ‘ಪಿಎಂ ಕೇರ್ಸ್‌’ ನಿಧಿಗೆ ಆರಂಭಿಕ ಹಣವಾಗಿ ಪ್ರಧಾನಿಯವರು ₹2.5 ಲಕ್ಷ ದೇಣಿಗೆ ನೀಡಿದ್ದಾರೆ. ಇದು ಅವರು ಇತ್ತೀಚೆಗೆ ನೀಡಿರುವ ದೇಣಿಗೆಯಾಗಿದೆ ಎಂದು ಪ್ರಧಾನಿ ಕಚೇರಿಯ ಮೂಲಗಳು ತಿಳಿಸಿವೆ.

2019ರಲ್ಲಿ ಕುಂಭಮೇಳದಲ್ಲಿ ಸ್ವಚ್ಛತೆಯಲ್ಲಿ ತೊಡಗಿದ್ದ ಕಾರ್ಮಿಕರ ಕಲ್ಯಾಣಕ್ಕಾಗಿ ಮೋದಿಯವರು ತಮ್ಮ ಉಳಿತಾಯದ ಹಣದಿಂದ ₹21 ಲಕ್ಷ ನೀಡಿದ್ದರು. ಇದೇ ವರ್ಷದಲ್ಲಿ ದಕ್ಷಿಣ ಕೋರಿಯಾ ಸರ್ಕಾರ  ‘ಸಿಯೋಲ್ ಪ್ರೈಜ್‌‘ ಪುರಸ್ಕಾರದ ಜತೆಗೆ  ₹1.30 ಕೋಟಿ ನಗದನ್ನು ಪ್ರಧಾನಿ ಅವರಿಗೆ ನೀಡಿತ್ತು. ‘ಈ ಪುರಸ್ಕಾರದ ಪೂರ್ಣ ಹಣವನ್ನು ನಮಾಮಿ ಗಂಗಾ ಯೋಜನೆಗೆ ನೀಡುತ್ತಿದ್ದೇನೆ‘ ಎಂದು ಪ್ರಧಾನಿಯವರು ಘೋಷಿಸಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು