ಅಫ್ಗನ್ ಕುರಿತು ನಾಳೆ ಜಿ–20 ಸಭೆ: ವರ್ಚುವಲ್ ಆಗಿ ಭಾಗಿಯಾಗಲಿರುವ ಪ್ರಧಾನಿ ಮೋದಿ

ನವದೆಹಲಿ: ಆಫ್ಗಾನಿಸ್ತಾನದ ವಿಚಾರವಾಗಿ ಮಂಗಳವಾರ ನಡೆಯುತ್ತಿರುವ ಜಿ–20 ಪ್ರಮುಖ ಮುಖಂಡರ ಶೃಂಗ ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ವರ್ಚುವಲ್‌ ಆಗಿ ಭಾಗಿಯಾಗಲಿದ್ದಾರೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ (ಎಇಎ) ಸೋಮವಾರ ತಿಳಿಸಿದೆ.

ಇಟಲಿ ಸರ್ಕಾರದಿಂದ ಬಂದಿರುವ ಆಹ್ವಾನದ ಮೇರೆಗೆ ಪ್ರಧಾನಿ ಮೋದಿ ಜಿ–20 ಸಭೆಯಲ್ಲಿ ಭಾಗಿಯಾಗುತ್ತಿರುವುದಾಗಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಹೇಳಿದೆ.

At the invitation of the Italian Presidency of the G-20, PM Narendra Modi will participate in the upcoming G20 Extraordinary Leaders’ Summit on Afghanistan on 12 October in virtual format: Ministry of External Affairs pic.twitter.com/2CXd3ARHF3

— ANI (@ANI) October 11, 2021

ಈ ವರ್ಷ ಆಗಸ್ಟ್‌ನಲ್ಲಿ ತಾಲಿಬಾನ್‌ ಆಡಳಿತದ ಹಿಡಿತಕ್ಕೆ ಸಿಲುಕಿದ ಆಫ್ಗಾನಿಸ್ತಾನಕ್ಕೆ ಅಗತ್ಯವಿರುವ ಮೂಲಭೂತ ಸೇವೆಗಳು, ಸೌಲಭ್ಯಗಳು ಹಾಗೂ ಜೀವನೋಪಾಲಯಕ್ಕೆ ಅಗತ್ಯ ನೆರವಿನ ಕುರಿತು ಸಭೆಯಲ್ಲಿ ಚರ್ಚೆ ನಡೆಯಲಿದೆ.

ಇದನ್ನೂ ಓದಿ–ಭಾರತೀಯ ಬಾಹ್ಯಾಕಾಶ ಸಂಘ ಉದ್ಘಾಟಿಸಿದ ಪ್ರಧಾನಿ ಮೋದಿ

ಭಯೋತ್ಪಾದನೆಯ ಕುರಿತು ಹೋರಾಟ, ಭದ್ರತೆ, ವಲಸೆ ಹಾಗೂ ಮಾನವ ಹಕ್ಕುಗಳ ಕುರಿತೂ ಸಭೆಯಲ್ಲಿ ಚರ್ಚಿಸಲು ಉದ್ದೇಶಿಸಲಾಗಿದೆ ಎಂದು ತಿಳಿಸಿದೆ.