ವರದಕ್ಷಿಣೆಗೆಂದು ಕೂಡಿಟ್ಟ ₹75 ಲಕ್ಷ ಬಾಲಕಿಯರ ವಸತಿಗೃಹ ನಿರ್ಮಾಣಕ್ಕೆ ಕೊಟ್ಟ ವಧು

ಜೈಪುರ: ವರದಕ್ಷಿಣೆಗೆಂದುಕೂಡಿಟ್ಟ ಸುಮಾರು ₹75 ಲಕ್ಷವನ್ನು ಬಾಲಕಿಯರ ವಸತಿಗೃಹ ನಿರ್ಮಿಸಲು ಕೊಡುವಂತೆ ವಧುವೊಬ್ಬರು ತಂದೆಗೆ ಕೋರಿದ ಅಪರೂಪದ ಘಟನೆ ರಾಜಸ್ಥಾನದ ಬಾರ್ಮೆರ್ನಲ್ಲಿ ನಡೆದಿದೆ.

. ಹೆಣ್ಣು ಮಕ್ಕಳಿಗೆ ಶಿಕ್ಷಣವನ್ನು ಉತ್ತೇಜಿಸುವ ಸಲುವಾಗಿ ಬಾರ್ಮೆರ್ ನಗರದ ವಧು ಅಂಜಲಿ ಕನ್ವರ್, ವರದಕ್ಷಿಣೆಯ ದುಡ್ಡನ್ನು ವಸತಿಗೃಹ ನಿರ್ಮಾಣಕ್ಕೆ ಬಳಕೆ ಮಾಡಲು ನಿರ್ಧರಿಸಿದ್ದಾರೆ. ಕಿಶೋರ್ ಸಿಂಗ್ ಕಾನೊಡ್ ಅವರ ಮಗಳಾದ ಅಂಜಲಿ ಕನ್ವರ್ ನವೆಂಬರ್ 21ರಂದು ಪ್ರವೀಣ್ ಸಿಂಗ್ರನ್ನು ಮದುವೆಯಾಗಿದ್ದಾರೆ.

. 'ದೈನಿಕ್ ಭಾಸ್ಕರ್' ಪತ್ರಿಕೆ ವರದಿ ಪ್ರಕಾರ, ಮದುವೆಗೆ ಮುನ್ನ ವರದಕ್ಷಿಣೆಗೆಂದು ತೆಗೆದಿರಿಸಿದ್ದ ದುಡ್ಡನ್ನು ಬಾಲಕಿಯರ ವಸತಿ ಗೃಹಕ್ಕೆ ನೀಡಬೇಕು ಎಂದು ತಂದೆ ಕಿಶೋರ್ ಸಿಂಗ್ ಕಾನೊಡ್ ಅವರಿಗೆ ಮಗಳು ಬೇಡಿಕೆ ಇಟ್ಟಿದ್ದಾರೆ. ಅದರಂತೆ ₹75 ಲಕ್ಷವನ್ನು ಮಗಳ ಕೋರಿಕೆಯಂತೆ ಬಾಲಕಿಯ ವಸತಿ ಗೃಹ ನಿರ್ಮಾಣ ಮಾಡಲು ದಾನ ಮಾಡಿದ್ದಾರೆ.

. ವಿವಾಹದ ದಿನ ಸ್ಥಳೀಯ ಮಠದ ಮಹಾಂತ ಪ್ರತಾಪ್ ಪುರಿ ಅವರನ್ನು ಭೇಟಿ ಮಾಡಿದ ಅಂಜಲಿ ಪತ್ರದ ಮೂಲಕ ತನ್ನ ಕೋರಿಕೆಯನ್ನು ತಿಳಿಸಿದ್ದರು. ಸಮಾರಂಭದಲ್ಲೇ ಅದನ್ನು ಎಲ್ಲರ ಎದುರು ಮಹಾಂತ ಪುರಿ ಓದಿದರು. ನೆರೆದಿದ್ದ ಎಲ್ಲರೂ ದೊಡ್ಡ ಚಪ್ಪಾಳೆಯೊಂದಿಗೆ ಅಂಜಲಿ ಅವರನ್ನು ಪುರಸ್ಕರಿಸಿದರು.

. ನಂತರ ತಂದೆ ಮಗಳಿಗೆ ಖಾಲಿ ಬ್ಯಾಂಕ್ ಚೆಕ್ ಹಾಳೆಯನ್ನು ನೀಡಿ, ದಾನದ ಮೊತ್ತವನ್ನು ಬರೆಯುವಂತೆ ಸೂಚಿಸಿದ್ದರು. ಇದಕ್ಕೂ ಮೊದಲು ಕಾನೊಡ್ ಅವರು ಎನ್ಎಚ್68ನಲ್ಲಿ ನಿರ್ಮಾಣಗೊಳ್ಳುತ್ತಿರುವ ಬಾಲಕಿಯರ ವಸತಿ ಗೃಹಕ್ಕೆ ₹1 ಕೋಟಿ ನೀಡಿದ್ದರು. ಕಾಮಗಾರಿ ಪೂರ್ಣಗೊಳ್ಳಲು ₹50-75 ಲಕ್ಷ ಅಗತ್ಯವಿತ್ತು. ಇದೀಗ ವರದಕ್ಷಿಣೆಗೆಂದು ತೆಗೆದಿರಿಸಿದ ಮೊತ್ತವನ್ನು ನೀಡಿದ್ದರಿಂದ ಹಾಸ್ಟೆಲ್ ನಿರ್ಮಾಣ ಕಾರ್ಯ ಸುಗಮವಾಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಬಾಲಕಿಯರ ವಸತಿ ಗೃಹ ನಿರ್ಮಾಣಕ್ಕೆ ಕಾನೊಡ್ ಅವರು ಒಟ್ಟು ₹1 ಕೋಟಿ 75 ಲಕ್ಷ ನೀಡಿದ್ದಾರೆ.

. ಕಿಶೋರ್ ಸಿಂಗ್ ಕಾನೊಡ್ ನಿರ್ಧಾರಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಪ್ರಶಂಸೆ ವ್ಯಕ್ತವಾಗಿದ್ದು, ಪತ್ರಿಕೆಯ ವರದಿ ವೈರಲ್ ಆಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವರದಕ್ಷಿಣೆಗೆಂದು ಕೂಡಿಟ್ಟ ₹75 ಲಕ್ಷ ಬಾಲಕಿಯರ ವಸತಿಗೃಹ ನಿರ್ಮಾಣಕ್ಕೆ ಕೊಟ್ಟ ವಧು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ