<p><strong>ಔರಂಗಾಬಾದ್: </strong>ಔರಂಗಾಬಾದ್ ನಗರಕ್ಕೆ ಸಂಭಾಜಿನಗರ ಎಂದು ಮರುನಾಮಕರಣ ಮಾಡುವಂತೆ ಶಿವಸೇನೆ ಒತ್ತಾಯಿಸಿದ್ದು, ಈ ವಿಷಯ ಮಹಾ ವಿಕಾಸ್ ಅಘಾಡಿ ಸರ್ಕಾರದಲ್ಲಿ ಭಿನ್ನಾಭಿಪ್ರಾಯಕ್ಕೆ ಕಾರಣವಾಗಿದೆ ಎಂದು ಮೂಲಗಳು ಹೇಳಿವೆ</p>.<p>ಈ ಮಧ್ಯೆ, ಇತಿಹಾಸಕಾರರಾದ ಡಾ.ದುಲಾರಿ ಖುರೇಷಿ ಅವರು, ‘ಔರಂಗಾಬಾದ್ ಅನ್ನು ಶತಮಾನಗಳಿಂದ ರಾಜ್ ತಡಾಕ್, ಖಡಕಿ ಮತ್ತು ಫತೇನಗರ ಎಂದೂ ಕರೆಯಲಾಗುತ್ತಿದೆ’ ಎಂದು ತಿಳಿಸಿದರು.</p>.<p>‘ಔರಂಗಾಬಾದ್ ಅನ್ನು ರಾಜ್ ತಡಾಗ್ ಎಂದು ಕರೆಯಲಾಗುತ್ತಿತ್ತು. ಕನ್ಹೇರಿ ಗುಹೆಯಲ್ಲಿರುವ ಶಾಸನದಲ್ಲಿ ಈ ಉಲ್ಲೇಖವಿದೆ. ಲೇಖಕ ಡಾ.ರಮೇಶ್ ಶಂಕರ್ ಗುಪ್ಟೆ ಕೂಡ ತಮ್ಮ ಕೃತಿಯಲ್ಲಿ ಈ ಬಗ್ಗೆ ಪ್ರಸ್ತಾಪಿಸಿದ್ದಾರೆ’ ಎಂದೂ ಹೇಳಿದರು.</p>.<p>ಸಂಭಾಜಿನಗರ ಹೆಸರನ್ನು ಶಿವಸೇನೆ ಸ್ಥಾಪಕ ಭಾಳಾಠಾಕ್ರೆ ನೀಡಿದ್ದರು ಎಂದು ಶಿವಸೇನೆ ಶಾಸಕ ಅಂಬಾದಾಸ್ ದಾನ್ವೆ ಹೇಳಿದರು. ಸಂಭಾಜಿ ರಾಜೆ ಅಂತ್ಯಕ್ರಿಯೆ ನಗರ ಸಮೀಪ ನಡೆದಿದೆ.ಇದೆ ಹೆಸರು ಸೂಕ್ತ ಎಂದು ಪ್ರತಿಪಾದಿಸುತ್ತಾರೆ.</p>.<p>ಎಐಎಂಐಎಂ ಸಂಸದ ಇಮ್ತಿಯಾಜ್ ಜಲೀಲ್ ಅವರು, ಹೆಸರು ಬದಲಿಸುವ ಮೂಲಕ ಇತಿಹಾಸ ಬದಲಿಸಲಾಗದು. ಹೆಸರು ಬದಲಿಸಲು ಮಾಡುವ ಹಣವನ್ನು ಅಭಿವೃದ್ಧಿ ಕಾರ್ಯಗಳಿಗೇಕೆ ಬಳಸಬಾರದು ಎಂದು ಪ್ರಶ್ನಿಸಿದರು.</p>.<p>ಬಿಜೆಪಿ ಶಾಸಕಕ ಅತುಲ್ ಸಾವೆ ಅವರು, ಯಾರೊಬ್ಬ ಮುಸಲ್ಮಾನರು ತಮ್ಮ ಮಕ್ಕಳಿಗೆ ಔರಂಗಜೇಬ್ ಹೆಸರಿಡುವುದಿಲ್ಲ. ಇನ್ನು ಆ ಹೆಸರಿನಿಂದ ಸಿಟಿಯನ್ನು ಏಕೆ ಗುರುತಿಸಬೇಕು ಎಂದು ಪ್ರಶ್ನಿಸುತ್ತಾರೆ.</p>.<p>ಹೆಸರು ಬದಲಾವಣೆ ಕುರಿತು ಶಿವಸೇನೆ 1995ರಲ್ಲಿ ಮೊದಲು ಒತ್ತಾಯಿಸಿತ್ತು. ಔರಂಗಾಬಾದ್ ನಗರಪಾಲಿಕೆಯು ಅದೇ ವರ್ಷ ನಿರ್ಣಯ ಕೈಗೊಂಡಿತ್ತುಉ. ಇದನ್ನು ಕಾಂಗ್ರೆಸ್ ಸದಸ್ಯ ಹೈಕೋರ್ಟ್, ಬಳಿಕ ಸುಪ್ರೀಂ ಕೋರ್ಟ್ನಲ್ಲಿ ಪ್ರಶ್ನಿಸಿದ್ದರು. ಹೆಸರು ಬದಲಾವಣೆಗೆ ಕಾಂಗ್ರೆಸ್ ಪಕ್ಷದ ವಿರೋಧವಿದೆ.</p>.<p>‘ಹೆಸರು ಬದಲಿಸುವ ನಗರದ ಗುರುತು ಬದಲಿಸಲಾಗದು. ಔರಂಗಾಬಾದ್ ಹೆಸರು ಪ್ರಸಿದ್ಧವಾಗಿದೆ. ಏನೇ ಹೆಸರಿಟ್ಟರೂ ಜನರು ಔರಂಗಾಬಾದ್ ಎಂದೇ ಗುರುತಿಸುತ್ತಾರೆ’ ಎಂದು ಡಾ. ಬಾಬಾಸಾಹೇಬ್ ಅಂಬೇಡ್ಕರ್ ಮರಾಠಾವಾಡ ವಿಶ್ವವಿದ್ಯಾಲಯದ ಇತಿಹಾಸ ವಿಭಾಗದ ಮಾಜಿ ಮುಖ್ಯಸ್ಥೆ ಡಾ. ಪುಷ್ಪಾ ಗಾಯಕ್ವಾಡ್ ಅವರು ಅಭಿಪ್ರಾಯಪಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಔರಂಗಾಬಾದ್: </strong>ಔರಂಗಾಬಾದ್ ನಗರಕ್ಕೆ ಸಂಭಾಜಿನಗರ ಎಂದು ಮರುನಾಮಕರಣ ಮಾಡುವಂತೆ ಶಿವಸೇನೆ ಒತ್ತಾಯಿಸಿದ್ದು, ಈ ವಿಷಯ ಮಹಾ ವಿಕಾಸ್ ಅಘಾಡಿ ಸರ್ಕಾರದಲ್ಲಿ ಭಿನ್ನಾಭಿಪ್ರಾಯಕ್ಕೆ ಕಾರಣವಾಗಿದೆ ಎಂದು ಮೂಲಗಳು ಹೇಳಿವೆ</p>.<p>ಈ ಮಧ್ಯೆ, ಇತಿಹಾಸಕಾರರಾದ ಡಾ.ದುಲಾರಿ ಖುರೇಷಿ ಅವರು, ‘ಔರಂಗಾಬಾದ್ ಅನ್ನು ಶತಮಾನಗಳಿಂದ ರಾಜ್ ತಡಾಕ್, ಖಡಕಿ ಮತ್ತು ಫತೇನಗರ ಎಂದೂ ಕರೆಯಲಾಗುತ್ತಿದೆ’ ಎಂದು ತಿಳಿಸಿದರು.</p>.<p>‘ಔರಂಗಾಬಾದ್ ಅನ್ನು ರಾಜ್ ತಡಾಗ್ ಎಂದು ಕರೆಯಲಾಗುತ್ತಿತ್ತು. ಕನ್ಹೇರಿ ಗುಹೆಯಲ್ಲಿರುವ ಶಾಸನದಲ್ಲಿ ಈ ಉಲ್ಲೇಖವಿದೆ. ಲೇಖಕ ಡಾ.ರಮೇಶ್ ಶಂಕರ್ ಗುಪ್ಟೆ ಕೂಡ ತಮ್ಮ ಕೃತಿಯಲ್ಲಿ ಈ ಬಗ್ಗೆ ಪ್ರಸ್ತಾಪಿಸಿದ್ದಾರೆ’ ಎಂದೂ ಹೇಳಿದರು.</p>.<p>ಸಂಭಾಜಿನಗರ ಹೆಸರನ್ನು ಶಿವಸೇನೆ ಸ್ಥಾಪಕ ಭಾಳಾಠಾಕ್ರೆ ನೀಡಿದ್ದರು ಎಂದು ಶಿವಸೇನೆ ಶಾಸಕ ಅಂಬಾದಾಸ್ ದಾನ್ವೆ ಹೇಳಿದರು. ಸಂಭಾಜಿ ರಾಜೆ ಅಂತ್ಯಕ್ರಿಯೆ ನಗರ ಸಮೀಪ ನಡೆದಿದೆ.ಇದೆ ಹೆಸರು ಸೂಕ್ತ ಎಂದು ಪ್ರತಿಪಾದಿಸುತ್ತಾರೆ.</p>.<p>ಎಐಎಂಐಎಂ ಸಂಸದ ಇಮ್ತಿಯಾಜ್ ಜಲೀಲ್ ಅವರು, ಹೆಸರು ಬದಲಿಸುವ ಮೂಲಕ ಇತಿಹಾಸ ಬದಲಿಸಲಾಗದು. ಹೆಸರು ಬದಲಿಸಲು ಮಾಡುವ ಹಣವನ್ನು ಅಭಿವೃದ್ಧಿ ಕಾರ್ಯಗಳಿಗೇಕೆ ಬಳಸಬಾರದು ಎಂದು ಪ್ರಶ್ನಿಸಿದರು.</p>.<p>ಬಿಜೆಪಿ ಶಾಸಕಕ ಅತುಲ್ ಸಾವೆ ಅವರು, ಯಾರೊಬ್ಬ ಮುಸಲ್ಮಾನರು ತಮ್ಮ ಮಕ್ಕಳಿಗೆ ಔರಂಗಜೇಬ್ ಹೆಸರಿಡುವುದಿಲ್ಲ. ಇನ್ನು ಆ ಹೆಸರಿನಿಂದ ಸಿಟಿಯನ್ನು ಏಕೆ ಗುರುತಿಸಬೇಕು ಎಂದು ಪ್ರಶ್ನಿಸುತ್ತಾರೆ.</p>.<p>ಹೆಸರು ಬದಲಾವಣೆ ಕುರಿತು ಶಿವಸೇನೆ 1995ರಲ್ಲಿ ಮೊದಲು ಒತ್ತಾಯಿಸಿತ್ತು. ಔರಂಗಾಬಾದ್ ನಗರಪಾಲಿಕೆಯು ಅದೇ ವರ್ಷ ನಿರ್ಣಯ ಕೈಗೊಂಡಿತ್ತುಉ. ಇದನ್ನು ಕಾಂಗ್ರೆಸ್ ಸದಸ್ಯ ಹೈಕೋರ್ಟ್, ಬಳಿಕ ಸುಪ್ರೀಂ ಕೋರ್ಟ್ನಲ್ಲಿ ಪ್ರಶ್ನಿಸಿದ್ದರು. ಹೆಸರು ಬದಲಾವಣೆಗೆ ಕಾಂಗ್ರೆಸ್ ಪಕ್ಷದ ವಿರೋಧವಿದೆ.</p>.<p>‘ಹೆಸರು ಬದಲಿಸುವ ನಗರದ ಗುರುತು ಬದಲಿಸಲಾಗದು. ಔರಂಗಾಬಾದ್ ಹೆಸರು ಪ್ರಸಿದ್ಧವಾಗಿದೆ. ಏನೇ ಹೆಸರಿಟ್ಟರೂ ಜನರು ಔರಂಗಾಬಾದ್ ಎಂದೇ ಗುರುತಿಸುತ್ತಾರೆ’ ಎಂದು ಡಾ. ಬಾಬಾಸಾಹೇಬ್ ಅಂಬೇಡ್ಕರ್ ಮರಾಠಾವಾಡ ವಿಶ್ವವಿದ್ಯಾಲಯದ ಇತಿಹಾಸ ವಿಭಾಗದ ಮಾಜಿ ಮುಖ್ಯಸ್ಥೆ ಡಾ. ಪುಷ್ಪಾ ಗಾಯಕ್ವಾಡ್ ಅವರು ಅಭಿಪ್ರಾಯಪಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>