ಭಾರತಕ್ಕೆ ಬೀಗನ್‌ ಭೇಟಿ

ಚೆನ್ನೈ: ಅಮೆರಿಕದ ವಿದೇಶಾಂಗ ಇಲಾಖೆಯ ಉಪಕಾರ್ಯದರ್ಶಿ ಸ್ಟೀಫನ್‌ ಇ. ಬೀಗನ್ ಅವರು ಅಕ್ಟೋಬರ್‌ 12ರಿಂದ 16ರವರೆಗೆ ಭಾರತ ಮತ್ತು ಬಾಂಗ್ಲಾದೇಶ ಪ್ರವಾಸ ಕೈಗೊಳ್ಳಲಿದ್ದಾರೆ. ಅ. 12ರಿಂದ 14ರವರೆಗೆ ಭಾರತ ಪ್ರವಾಸ ಮಾಡಲಿರುವ ಅವರು, ಹಿರಿಯ ಅಧಿಕಾರಿಗಳನ್ನು ಭೇಟಿಯಾಗುವರಲ್ಲದೆ, ಭಾರತ– ಅಮೆರಿಕ ಫೋರಂನಲ್ಲಿ ಭಾಷಣ ಮಾಡಲಿದ್ದಾರೆ.

ಈ ವರ್ಷಾಂತ್ಯದಲ್ಲಿ ನಡೆಯಲಿರುವ ಅಮೆರಿಕ- ಭಾರತ ಸಚಿವ ಮಟ್ಟದ ಮಾತುಕತೆ ಮತ್ತು ಅಮೆರಿಕ- ಭಾರತ ನಡುವಿನ ಜಾಗತಿಕ ವ್ಯೂಹಾತ್ಮಕ ಸಹಭಾಗಿತ್ವದ ವಿಚಾರಗಳತ್ತ ಬೀಗನ್‌ ಅವರ ಭೇಟಿ ಒತ್ತು ಕೊಡಲಿದೆ. ಇಂಡೋ- ಪೆಸಿಫಿಕ್‌ ಪ್ರಾಂತ್ಯದಲ್ಲಿ ಶಾಂತಿ, ಸಮೃದ್ಧಿ, ಮತ್ತು ಭದ್ರತೆಯನ್ನು ಸ್ಥಾಪಿಸುವಲ್ಲಿ ಅಮೆರಿಕ ಮತ್ತು ಭಾರತ ಹೇಗೆ ಜತೆಯಾಗಿ ಕೆಲಸ ಮಾಡಬಹುದು ಎಂಬ ಬಗ್ಗೆ ಚರ್ಚಿಸಲಿದ್ದಾರೆ.