<p><strong>ಕೊಯಮತ್ತೂರು:</strong> ದೇಶವನ್ನು ಕಾಡುತ್ತಿರುವ ಕೋವಿಡ್–19 ಸಾಂಕ್ರಾಮಿಕ ಪಿಡುಗನ್ನು ಕೊನೆಗಾಣಿಸಲು ದೈವಿಕ ಹಸ್ತಕ್ಷೇಪದ ಅಗತ್ಯವಿದೆ ಎಂದು ಮನಗಂಡು ಇಲ್ಲಿನ ಮಠವೊಂದು ‘ಕೊರೊನಾ ದೇವಿ’ ದೇವಾಲಯ ನಿರ್ಮಿಸಿ, ನಿತ್ಯ ಪೂಜಾ ವಿಧಿಗಳನ್ನು ನೆರವೇರಿಸುತ್ತಿದೆ.</p>.<p>ಕಮಾಚಿಪುರಿ ಅಧೀನಂ ಮಠವು ನಗರದ ಹೊರವಲಯ ಇರುಗೂರಿನಲ್ಲಿ ಇತ್ತೀಚೆಗೆ ದೇವಾಲಯ ನಿರ್ಮಿಸಿ, 1.5 ಅಡಿ ಎತ್ತರದ ಕಪ್ಪು ಕಲ್ಲಿನ ದೇವಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ‘ಕೊರೊನಾ ದೇವಿ’ ಎಂದು ನಾಮಕರಣ ಮಾಡಿದೆ.</p>.<p>150 ವರ್ಷಗಳ ಹಿಂದೆ ಪ್ಲೇಗ್ ಕಾಯಿಲೆಯಿಂದ ಸಾಕಷ್ಟು ಜನರ ಪ್ರಾಣ ಹಾನಿಗಳು ಆದಾಗ ಕೊಯಮತ್ತೂರಿನಲ್ಲಿ ‘ಪ್ಲೇಗ್ ಮಾರಿಯಮ್ಮ ದೇವಾಲಯ’ ನಿರ್ಮಿಸಲಾಗಿತ್ತು. ಈಗ ಇದೇ ಹಾದಿಯಲ್ಲಿ ಕೊರೊನಾ ದೇವಿ ದೇವಾಲಯವನ್ನು ನಿರ್ಮಿಸಲಾಗಿದೆ.</p>.<p>‘ಕೊಯಮತ್ತೂರು ಸೇರಿದಂತೆ ಇಡೀ ದೇಶದ ಜನರನ್ನು ಕೋವಿಡ್ ಸಾಂಕ್ರಾಮಿಕ ರೋಗ ಕಾಡುತ್ತಿದೆ. ಹೀಗಾಗಿ ಮಠದ ಆವರಣದಲ್ಲಿ ಕೊರೊನಾ ದೇವಿ ದೇವಾಲಯ ನಿರ್ಮಿಸಲಾಗಿದೆ. ಈ ವೈರಾಣುವಿನಿಂದ ಜನರನ್ನು ಕಾಪಾಡುವಂತೆ ದೇವಿಯನ್ನು ನಿತ್ಯ ಪ್ರಾರ್ಥಿಸಿ, ಪೂಜೆಗಳನ್ನು ನೆರವೇರಿಸಲಾಗುತ್ತದೆ. 48 ದಿನಗಳು ವಿಶೇಷ ಪೂಜೆಗಳು ನಡೆಯಲಿವೆ’ ಎಂದು ಮಠದ ಮೂಲಗಳು ತಿಳಿಸಿವೆ.</p>.<p>‘ಸಾಂಕ್ರಾಮಿಕದ ಕಾರಣ ಅರ್ಚಕರು ಮತ್ತು ಮಠದ ಅಧಿಕಾರಿಗಳಿಗೆ ಮಾತ್ರ ಕೊರೊನಾ ದೇವಿ ದೇವಾಲಯ ಪ್ರವೇಶಕ್ಕೆ ಅವಕಾಶ ನೀಡಲಾಗಿದ್ದು, ವೈಯಕ್ತಿಕ ಅಂತರವನ್ನು ಕಾಯ್ದುಕೊಳ್ಳ ಲಾಗುತ್ತಿದೆ’ ಎಂದು ಮೂಲಗಳು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೊಯಮತ್ತೂರು:</strong> ದೇಶವನ್ನು ಕಾಡುತ್ತಿರುವ ಕೋವಿಡ್–19 ಸಾಂಕ್ರಾಮಿಕ ಪಿಡುಗನ್ನು ಕೊನೆಗಾಣಿಸಲು ದೈವಿಕ ಹಸ್ತಕ್ಷೇಪದ ಅಗತ್ಯವಿದೆ ಎಂದು ಮನಗಂಡು ಇಲ್ಲಿನ ಮಠವೊಂದು ‘ಕೊರೊನಾ ದೇವಿ’ ದೇವಾಲಯ ನಿರ್ಮಿಸಿ, ನಿತ್ಯ ಪೂಜಾ ವಿಧಿಗಳನ್ನು ನೆರವೇರಿಸುತ್ತಿದೆ.</p>.<p>ಕಮಾಚಿಪುರಿ ಅಧೀನಂ ಮಠವು ನಗರದ ಹೊರವಲಯ ಇರುಗೂರಿನಲ್ಲಿ ಇತ್ತೀಚೆಗೆ ದೇವಾಲಯ ನಿರ್ಮಿಸಿ, 1.5 ಅಡಿ ಎತ್ತರದ ಕಪ್ಪು ಕಲ್ಲಿನ ದೇವಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ‘ಕೊರೊನಾ ದೇವಿ’ ಎಂದು ನಾಮಕರಣ ಮಾಡಿದೆ.</p>.<p>150 ವರ್ಷಗಳ ಹಿಂದೆ ಪ್ಲೇಗ್ ಕಾಯಿಲೆಯಿಂದ ಸಾಕಷ್ಟು ಜನರ ಪ್ರಾಣ ಹಾನಿಗಳು ಆದಾಗ ಕೊಯಮತ್ತೂರಿನಲ್ಲಿ ‘ಪ್ಲೇಗ್ ಮಾರಿಯಮ್ಮ ದೇವಾಲಯ’ ನಿರ್ಮಿಸಲಾಗಿತ್ತು. ಈಗ ಇದೇ ಹಾದಿಯಲ್ಲಿ ಕೊರೊನಾ ದೇವಿ ದೇವಾಲಯವನ್ನು ನಿರ್ಮಿಸಲಾಗಿದೆ.</p>.<p>‘ಕೊಯಮತ್ತೂರು ಸೇರಿದಂತೆ ಇಡೀ ದೇಶದ ಜನರನ್ನು ಕೋವಿಡ್ ಸಾಂಕ್ರಾಮಿಕ ರೋಗ ಕಾಡುತ್ತಿದೆ. ಹೀಗಾಗಿ ಮಠದ ಆವರಣದಲ್ಲಿ ಕೊರೊನಾ ದೇವಿ ದೇವಾಲಯ ನಿರ್ಮಿಸಲಾಗಿದೆ. ಈ ವೈರಾಣುವಿನಿಂದ ಜನರನ್ನು ಕಾಪಾಡುವಂತೆ ದೇವಿಯನ್ನು ನಿತ್ಯ ಪ್ರಾರ್ಥಿಸಿ, ಪೂಜೆಗಳನ್ನು ನೆರವೇರಿಸಲಾಗುತ್ತದೆ. 48 ದಿನಗಳು ವಿಶೇಷ ಪೂಜೆಗಳು ನಡೆಯಲಿವೆ’ ಎಂದು ಮಠದ ಮೂಲಗಳು ತಿಳಿಸಿವೆ.</p>.<p>‘ಸಾಂಕ್ರಾಮಿಕದ ಕಾರಣ ಅರ್ಚಕರು ಮತ್ತು ಮಠದ ಅಧಿಕಾರಿಗಳಿಗೆ ಮಾತ್ರ ಕೊರೊನಾ ದೇವಿ ದೇವಾಲಯ ಪ್ರವೇಶಕ್ಕೆ ಅವಕಾಶ ನೀಡಲಾಗಿದ್ದು, ವೈಯಕ್ತಿಕ ಅಂತರವನ್ನು ಕಾಯ್ದುಕೊಳ್ಳ ಲಾಗುತ್ತಿದೆ’ ಎಂದು ಮೂಲಗಳು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
