ಗುರುವಾರ , ಅಕ್ಟೋಬರ್ 22, 2020
21 °C

2021ಕ್ಕೆ ವರವರ ರಾವ್ ಕವನ ಸಂಕಲನ ಪ್ರಕಟ ‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮುಂಬೈ: ಖ್ಯಾತ ಹೋರಾಟಗಾರ, ಲೇಖಕ ವರವರ ರಾವ್‌ ಅವರ ಕವನ ಸಂಕಲನವನ್ನು 2021ರಲ್ಲಿ ಪೆಂಗ್ವಿನ್‌ ರ್‍ಯಾಂಡಮ್‌ ಹೌಸ್‌ ಪ್ರಕಾಶನವು ಪ್ರಕಟಿಸಲಿದೆ. 

ಎನ್‌.ವೇಣುಗೋಪಾಲ್‌ ಮತ್ತು ಮೀನಾ ಕಂದಸಾಮಿ ಅವರು ‘ವರವರ ರಾವ್‌: ಇಂಡಿಯಾಸ್‌ ರೆವಲ್ಯೂಷನರಿ ಪೊಯೆಟ್‌’ ಹೆಸರಿನ ಈ ಕೃತಿಯ ಸಂಪಾದಕರಾಗಿದ್ದಾರೆ. ಎಲ್ಗಾರ್‌ ಪರಿಷದ್‌ ಹಾಗೂ ಭೀಮಾ ಕೋರೆಗಾಂವ್‌ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿರುವ 81 ವರ್ಷದ ವರವರ ರಾವ್‌ ಅವರು ಪ್ರಸ್ತುತ ಜೈಲಿನಲ್ಲಿ ಇದ್ದಾರೆ.    

ಈ ಕವನ ಸಂಕಲನವು ಇಂಗ್ಲಿಷ್‌‌ ಅನುವಾದವಾಗಿದ್ದು, ಅವರ ರಾಜಕೀಯ ನಂಬಿಕೆಗಳು ಹಾಗೂ ಜನರ ಹಕ್ಕುಗಳ ಶ್ರೇಷ್ಠತೆಯ ಪ್ರತಿಪಾದನೆಯನ್ನು ಇವುಗಳಲ್ಲಿ ಕಾಣಬಹುದಾಗಿದೆ. ಕೃತಿಯಲ್ಲಿನ ಬಹುತೇಕ ಕವನಗಳನ್ನು ಬಂಧನವಾಗುವ ಮುನ್ನ ವರವರ ರಾವ್‌ ಅವರೇ ಆಯ್ಕೆ ಮಾಡಿದ್ದರು. ‘ವರವರ ರಾವ್‌ ಅವರು ಶಿಕ್ಷಕ, ಪತ್ರಕರ್ತ, ಅನುವಾದಕ, ಕ್ರಾಂತಿಕಾರಿ ಲೇಖಕರಾಗಿದ್ದಾರೆ. ತೆಲುಗಿನಲ್ಲಿ ಅವರು 13 ಕವನ ಸಂಕಲನಗಳನ್ನು ತಂದಿದ್ದಾರೆ’ ಎಂದು ಪೆಂಗ್ವಿನ್‌ ಪ್ರಕಾಶನವು ಪ್ರಕಟಣೆಯಲ್ಲಿ ತಿಳಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು