ಶನಿವಾರ, ಜನವರಿ 23, 2021
24 °C

ಚಾಂದನಿ ಚೌಕ್‌ನ ಹನುಮ ದೇಗುಲ ನೆಲಸಮ: ಭಜರಂಗದಳ, ವಿಎಚ್‌ಪಿಯಿಂದ ಪ್ರತಿಭಟನೆ, ಬಂಧನ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ದೆಹಲಿಯ ಚಾಂದನಿ ಚೌಕ್‌ನಲ್ಲಿರುವ ಹನುಮಾನ್‌ ದೇಗುಲವನ್ನು ನೆಲಸಮಗೊಳಿಸಲಾಗಿದ್ದು, ಇದನ್ನು ವಿರೋಧಿಸಿ ಪ್ರತಿಭಟಿಸಿದ ವಿಶ್ವ ಹಿಂದೂ ಪರಿಷತ್ ಮತ್ತು ಬಜರಂಗ ದಳದ ಕಾರ್ಯಕರ್ತರನ್ನು ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ನ್ಯಾಯಾಲಯದ ಆದೇಶದ ಮೇರೆಗೆ ಉತ್ತರ ದೆಹಲಿ ಮಹಾನಗರ ಪಾಲಿಕೆಯು ಹನುಮಾನ್‌ ದೇವಸ್ಥಾನವನ್ನು ಭಾನುವಾರ ನೆಲಸಮಗೊಳಿಸಿತ್ತು. ಚಾಂದನಿ ಚೌಕ್‌ ಸುಂದರೀಕರಣ ಯೋಜನೆಗಾಗಿ ದೇಗುಲವನ್ನು ನೆಲಸಮಗೊಳಿಸುವಂತೆ ನ್ಯಾಯಾಲಯವು ಆದೇಶಿಸಿತ್ತು.

ಪ್ರತಿಭಟನಕಾರರು ಗೌರಿ ಶಂಕರ್‌ ಮಂದಿರದಿಂದ ಹನುಮಾನ್‌ ದೇಗುಲವಿದ್ದ ಸ್ಥಳದವರೆಗೆ ಮೆರವಣಿಗೆ ನಡೆಸಿದರು. ಈ ವೇಳೆ ಪೊಲೀಸರು ಬ್ಯಾರಿಕೇಡ್‌ಗಳನ್ನು ಹಾಕಿ, ಅವರನ್ನು ತಡೆದಿದ್ದಾರೆ.

‘ವಿಎಚ್‌ಪಿಯ ದೆಹಲಿ ಘಟಕದ ಅಧ್ಯಕ್ಷ ಕಪಿಲ್ ಖನ್ನಾ, ಉಪಾಧ್ಯಕ್ಷ ಸುರೇಂದ್ರ ಗುಪ್ತಾ, ಕಾರ್ಯದರ್ಶಿ ರವಿಜೀ ಮತ್ತು ಭಜರಂಗದಳದ ಕಾರ್ಯಕರ್ತ ಭರಾರ್ ಬಾತ್ರಾ ಸೇರಿದಂತೆ ಸುಮಾರು 15ರಿಂದ 20 ಕಾರ್ಯಕರ್ತರು ಮತ್ತು ಮುಖಂಡರನ್ನು ಪ್ರತಿಭಟನೆ ವೇಳೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ’ ಎಂದು ವಿಎಚ್‌ಪಿ ವಕ್ತಾರ ಮಹೇಂದ್ರ ರಾವತ್ ಅವರು ಮಾಹಿತಿ ನೀಡಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು