ಲೋಟಸ್‌ ಡಾಟ್‌ಕಾಮ್‌ ಎಂಬ ಮೊಬೈಲ್‌ ಆ್ಯಪ್ ಹಾಗೂ ವೆಬ್‌ಸೈಟ್‌ ಮೂಲಕ ಬೆಟ್ಟಿಂಗ್ ನಡೆಸುತ್ತಿದ್ದ ಆರೋಪಿ, ಫೋನ್‌ ಪೇ, ಗೂಗಲ್‌ ಪೇ ಮೂಲಕ ಜನರಿಂದ ಹಣ ಕಟ್ಟಿಸಿಕೊಳ್ಳುತ್ತಿದ್ದ. ಕೆಲವರಿಂದ ನಗದು ರೂಪದಲ್ಲೂ ಹಣ ಕಟ್ಟಿಸಿಕೊಳ್ಳುತ್ತಿದ್ದ. ಗೆದ್ದವರಿಗೆ ಹಣ ಕೊಡಲು ಆರೋಪಿ ನಾಗರಬಾವಿ ಮುಖ್ಯರಸ್ತೆಯ ಬೈರವೇಶ್ವರ ನಗರದ ಕಟ್ಟಡವೊಂದರ ಬಳಿಗೆ ಬರುವ ಖಚಿತ ಮಾಹಿತಿ ಸಿಸಿಬಿ ವಿಶೇಷ ವಿಚಾರಣಾ ದಳಕ್ಕೆ ಸಿಕ್ಕಿತ್ತು. ಇದನ್ನು ಆಧರಿಸಿ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಆರೋಪಿ ಸಿಕ್ಕಿಬಿದ್ದಿದ್ದಾನೆ.
