ಕೋವಿಡ್‌ ಬಿಕ್ಕಟ್ಟು: ಅಕ್ಟೋಬರ್‌ನಿಂದ ಮತ್ತೆ ‘ವಿದ್ಯುತ್ ಶಾಕ್‘ !

ಬೆಂಗಳೂರು: ಏನಿದು, ಪ್ರತಿ ತಿಂಗಳಿಗಿಂತ ಈಗ ₹150ರಿಂದ ₹300 ರವರೆಗೆ ಕಡಿಮೆ ವಿದ್ಯುತ್ ಶುಲ್ಕ ಬರುತ್ತಿದೆ ಎಂದು ನೀವು ಖುಷಿ ಪಡುತ್ತಿರಬಹುದು. ಆದರೆ, ಈ ಸಂಭ್ರಮ ಸೆಪ್ಟೆಂಬರ್ವರೆಗೆ ಮಾತ್ರ. ಅಕ್ಟೋಬರ್ನಿಂದ ವಿದ್ಯುತ್ ದರವೂ ಏರಿಕೆಯ ಮುಗಿಲೆಡೆಗೆ ಸಾಗಲಿದೆ.

. ಈ ತ್ರೈಮಾಸಿಕದಲ್ಲಿ (ಜುಲೈ,ಆಗಸ್ಟ್ ಮತ್ತು ಸೆಪ್ಟೆಂಬರ್) ಎಲ್ಲ ವಿದ್ಯುತ್ ಸರಬರಾಜು ಕಂಪನಿಗಳು (ಎಸ್ಕಾಂ) ಪ್ರತಿ ಯುನಿಟ್ಗೆ ಸರಾಸರಿ 50 ಪೈಸೆ ಕಡಿಮೆ ಮಾಡಿವೆ. ಈ ದುಬಾರಿ ಕಾಲದಲ್ಲಿ ವಿದ್ಯುತ್ ಬಿಲ್ಗಳು ಮಾತ್ರ ಆಪ್ಯಾಯಮಾನವಾಗಿ ಕಾಣಲು ಇದೂ ಕಾರಣ. ವಿದ್ಯುತ್ ಉತ್ಪಾದಕ ಕಂಪನಿಗಳು ವಿದ್ಯುತ್ ಖರೀದಿ ದರವನ್ನು ಕಡಿಮೆ ಮಾಡಿರುವುದರಿಂದ ಎಸ್ಕಾಂಗಳು ಪ್ರತಿ ಯುನಿಟ್ಗೆ 50 ಪೈಸೆ ‘ಕೊಡುಗೆ’ಯನ್ನು ಬಳಕೆದಾರರಿಗೆ ನೀಡುತ್ತಿವೆ. ಆದರೆ, ಇದು ಸೀಮಿತ ಅವಧಿಯ ‘ಕೊಡುಗೆ’.

. ಎಸ್ಕಾಂಗಳು ವಿದ್ಯುತ್ ಉತ್ಪಾದನಾ ಕಂಪನಿಗಳೊಂದಿಗೆ ಖರೀದಿ ಒಪ್ಪಂದ ಮಾಡಿಕೊಳ್ಳುತ್ತವೆ. ಇದು 25 ವರ್ಷಗಳ ಅವಧಿಯ ಒಪ್ಪಂದ. ಈ ಒಪ್ಪಂದದ ದರದ ಜೊತೆಗೆ ವ್ಯತ್ಯಾಸದ ಮೊತ್ತವು ಪ್ರತಿ ತ್ರೈಮಾಸಿಕ ಅವಧಿಗೆ ಹೆಚ್ಚುತ್ತಾ ಹೋಗುತ್ತದೆ. ವಿದ್ಯುತ್ ಖರೀದಿ ದರವು 2019ರಲ್ಲಿ ₹5.63 ಇತ್ತು. 2020ಕ್ಕೆ ಇದು ₹5.91ಕ್ಕೆ ಏರಿತ್ತು. 2021ರಲ್ಲಿ₹5.78ರಂತೆ ಎಸ್ಕಾಂಗಳು ವಿದ್ಯುತ್ ಖರೀದಿ ಮಾಡಿವೆ. ಕೋವಿಡ್ ಅವಧಿಯಲ್ಲಿ ವಿದ್ಯುತ್ ಬಳಕೆ ಕಡಿಮೆ ಆಗಿದ್ದರಿಂದ ಖರೀದಿ ದರವೂ ಕಡಿಮೆ ಆಗಿದೆ. ಜೊತೆಗೆ, ವ್ಯತ್ಯಾಸದ ಮೊತ್ತವೂ ಕಡಿಮೆ ಆಗಿರುವುದರಿಂದ ಬಳಕೆದಾರರಿಗೆ ಪ್ರತಿ ಯುನಿಟ್ಗೆ 50 ಪೈಸೆ ಉಳಿತಾಯವಾಗುತ್ತಿದೆ.

. ಸದ್ಯ, ಪ್ರತಿ ಯುನಿಟ್ಗೆ ಸರಾಸರಿ (ವಸತಿ) ₹7.23 ವಿದ್ಯುತ್ ದರವಿದೆ. ಇದರಲ್ಲಿ 50 ಪೈಸೆ ಕಡಿಮೆಯಾಗಿರುವುದರಿಂದ ಬಳಕೆದಾರರಿಗೆ ಈಗ ₹6.73ಕ್ಕೆ ಒಂದು ಯುನಿಟ್ ವಿದ್ಯುತ್ ಸಿಗುತ್ತಿದೆ. ಆದರೆ, ಅಕ್ಟೋಬರ್ನಿಂದ ಮತ್ತೆ ಪ್ರತಿ ಯುನಿಟ್ಗೆ ₹7.23ರಂತೆಯೇ ದರ ಜಾರಿ ಆಗುವುದರಿಂದ ಬಳಕೆದಾರರ ‘ಜೇಬು’ ಶರವೇಗದಲ್ಲಿ ಬರಿದಾಗುತ್ತಾ ಹೋಗಲಿದೆ !

. ಅಲ್ಲದೆ, ಮೊದಲ 30 ಯುನಿಟ್ವರೆಗಿನ ಬಳಕೆಯನ್ನು ಒಂದು ಹಂತ ಎಂದು ನಿಗದಿ ಮಾಡಲಾಗಿತ್ತು. ಅಂದರೆ, 0ಯಿಂದ 30 ಯುನಿಟ್ವರೆಗೆ, ಪ್ರತಿ ಯುನಿಟ್ಗೆ ₹4 ದರ ಇತ್ತು. ಈಗ ಮೊದಲ ಹಂತವನ್ನು 50 ಯುನಿಟ್ಗೆ ವಿಸ್ತರಿಸಲಾಗಿದೆ. ಅಂದರೆ, 0ಯಿಂದ 50 ಯುನಿಟ್ವರೆಗೆ ವಿದ್ಯುತ್ ಬಳಸಿದರೆ ಪ್ರತಿ ಯುನಿಟ್ಗೆ ₹4.10 ಇದೆ. ಮೊದಲು, 31 ಯುನಿಟ್ನಿಂದ ‘ಸ್ಲ್ಯಾಬ್’ ಬದಲಾಗುತ್ತಿದ್ದುದರಿಂದ ದರವೂ ಸರಸರನೇ ಏರುತ್ತಿತ್ತು.

. 70 ಪೈಸೆ ಏರಿಕೆ: ಕೋವಿಡ್ ಬಿಕ್ಕಟ್ಟಿನ ಸಂದರ್ಭದಲ್ಲಿಯೇ ಎರಡು ಬಾರಿ ವಿದ್ಯುತ್ ದರ ಏರಿಕೆ ಮಾಡಲಾಗಿದೆ. 2020ರ ನವೆಂಬರ್ 4ರಂದು ಪ್ರತಿ ಯುನಿಟ್ಗೆ 40 ಪೈಸೆ, 2021ರ ಜೂನ್ 9ರಂದು 30 ಪೈಸೆ ಸೇರಿ ಒಟ್ಟು ಪ್ರತಿ ಯುನಿಟ್ಗೆ 70 ಪೈಸೆ ಏರಿಕೆ ಮಾಡಲಾಗಿದೆ.

. ವಿದ್ಯುತ್ ಉತ್ಪಾದನಾ ಕಂಪನಿಗಳ ಜೊತೆಗೆ ಒಪ್ಪಂದ ಮಾಡಿಕೊಂಡಿರುವುದರಿಂದ, ನಾವು ನಿರ್ದಿಷ್ಟ ವಿದ್ಯುತ್ ಖರೀದಿಸಲಿ, ಬಿಡಲಿ ನಿಶ್ಚಿತ ಶುಲ್ಕವನ್ನು (ಎಫ್ಸಿ) ನಾವು ಪಾವತಿಸಲೇಬೇಕಾಗುತ್ತದೆ. ದರ ಏರಿಕೆಗೂ ಇದೂ ಕಾರಣ ಎನ್ನುವುದು ಎಸ್ಕಾಂಗಳು ಕೊಡುವ ಸಮರ್ಥನೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್‌ ಬಿಕ್ಕಟ್ಟು: ಅಕ್ಟೋಬರ್‌ನಿಂದ ಮತ್ತೆ ‘ವಿದ್ಯುತ್ ಶಾಕ್‘ !

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಒಂಟೆಯ ಕಣ್ಣೀರ ಹನಿಗಿದೆ 26 ಹಾವುಗಳ ವಿಷಕ್ಕೆ ಪ್ರತಿಕಾಯ ಸೃಷ್ಟಿಸುವ ಶಕ್ತಿ: NRCC

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ENG vs IND Test | ಭಾರತದ ಜಯದ ನಿರೀಕ್ಷೆಗೆ ಮಳೆ ಅಡ್ಡಿ: 5ನೇ ದಿನದಾಟ ವಿಳಂಬ

ತಮಿಳು ಸಿನಿಮಾದಲ್ಲಿ ನಟಿಸಲಿರುವ ಮಾಜಿ ಕ್ರಿಕೆಟಿಗ ಸುರೇಶ್ ರೈನಾ..ಇಲ್ಲಿದೆ ಮಾಹಿತಿ

PHOTOS | ಆಂಗ್ಲರ ನೆಲದಲ್ಲಿ ಭಾರತದ 'ಯುವರಾಜ' ಗಿಲ್ ವೈಭವ

ಗಿಲ್ ಅವರಿಂದ ಸ್ಫೂರ್ತಿ ಪಡೆದಿದ್ದೇನೆ: ಉದಯೋನ್ಮುಖ ತಾರೆ ಸೂರ್ಯವಂಶಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಒಂಟೆಯ ಕಣ್ಣೀರ ಹನಿಗಿದೆ 26 ಹಾವುಗಳ ವಿಷಕ್ಕೆ ಪ್ರತಿಕಾಯ ಸೃಷ್ಟಿಸುವ ಶಕ್ತಿ: NRCC

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ