ನಿಮ್ಮ ಪದವಿ ಕೇವಲ ರಬ್ಬರ್ ಸ್ಟಾಂಪ್: ಮೋದಿ ‘ರಾವಣ’ ಎಂದ ಖರ್ಗೆ ವಿರುದ್ಧ ಬಿಜೆಪಿ

ಬೆಂಗಳೂರು: ನಿಮ್ಮ ಪದವಿ ಕೇವಲ ರಬ್ಬರ್ ಸ್ಟಾಂಪ್ ಅಷ್ಟೇ ಎಂದು ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ವಿರುದ್ಧ ಬಿಜೆಪಿ ವಾಗ್ದಾಳಿ ನಡೆಸಿದೆ. 

ಇತ್ತೀಚೆಗೆ ಗುಜರಾತ್ ಚುನಾವಣಾ ರ‍್ಯಾಲಿಯಲ್ಲಿ ಮಾತನಾಡಿದ್ದ ಖರ್ಗೆ, ‘ಪ್ರಧಾನಿ ನರೇಂದ್ರ ಮೋದಿ ಅವರನ್ನು ‘ರಾವಣ’ ಎಂದು ಕರೆದಿದ್ದರು. 

ಖರ್ಗೆ ಅವರ ಹೇಳಿಕೆ ಪ್ರಸ್ತಾ‍ಪಿಸಿ ಟ್ವೀಟ್ ಮಾಡಿರುವ ಬಿಜೆಪಿ, ‘ಕಾಂಗ್ರೆಸ್ಸಿಗರು ಮೋದಿಯವರನ್ನು ‘ಸಾವಿನ ವ್ಯಾಪಾರಿ’ ಎಂದು ಕರೆದರು, ‘ನರ ರಾಕ್ಷಸ’ ಎಂದು ಜರಿದರು, ಈಗ ‘ರಾವಣ’ ಎನ್ನುತ್ತಿದ್ದಾರೆ. ಖರ್ಗೆ ಅವರೇ, ಪ್ರಧಾನಿ ಮೋದಿ ಅವರನ್ನು ಕಟು ಪದಗಳಿಂದ ಟೀಕಿಸಿ, ನಕಲಿ ಗಾಂಧಿ ಕುಟುಂಬವನ್ನು ಮೆಚ್ಚಿಸಿ ಅಧ್ಯಕ್ಷ ಪದವಿ ಉಳಿಸಿಕೊಳ್ಳುತ್ತೇನೆ ಎಂಬ ಭ್ರಮೆಯಿಂದ ಹೊರಬನ್ನಿ’ ಎಂದು ಗುಡುಗಿದೆ. 

‘ಖರ್ಗೆ ಅವರೇ, ನಿಮ್ಮ ಪದವಿ ಕೇವಲ ರಬ್ಬರ್ ಸ್ಟಾಂಪ್ ಅಷ್ಟೇ’ ಎಂದು ಬಿಜೆಪಿ ಲೇವಡಿ ಮಾಡಿದೆ. 

ಸಾವಿನ ವ್ಯಾಪಾರಿ ಎಂದು ಕರೆದರು
ನರ ರಾಕ್ಷಸ ಎಂದು ಜರಿದರು
ಈಗ ರಾವಣ ಎನ್ನುತ್ತಿದ್ದಾರೆ!

ಮಾನ್ಯ @kharge ಅವರೇ, ಪ್ರಧಾನಿ ಮೋದಿ ಅವರನ್ನು ಕಟು ಪದಗಳಿಂದ ಟೀಕಿಸಿ, ನಕಲಿ ಗಾಂಧಿ ಕುಟುಂಬವನ್ನು ಮೆಚ್ಚಿಸಿ ಅಧ್ಯಕ್ಷ ಪದವಿ ಉಳಿಸಿಕೊಳ್ಳುತ್ತೇನೆ ಎಂಬ ಭ್ರಮೆಯಿಂದ ಹೊರಬನ್ನಿ.

ನಿಮ್ಮ ಪದವಿ ಕೇವಲ ರಬ್ಬರ್ ಸ್ಟಾಂಪ್ ಅಷ್ಟೇ! pic.twitter.com/teadVnsu7Q

— BJP Karnataka (@BJP4Karnataka) November 29, 2022

ಅಹಮದಾಬಾದ್‌ನಲ್ಲಿ ನಡೆದ ಚುನಾವಣಾ ಪ್ರಚಾರ ಸಭೆಯಲ್ಲಿ ಖರ್ಗೆ, ‘ನರೇಂದ್ರ ಮೋದಿ ಅವರು ಪ್ರಧಾನ ಮಂತ್ರಿಗಳು. ಆದರೆ ಅವರು ತಮ್ಮ ಕೆಲಸವನ್ನು ಮರೆತು ವಿಧಾನಸಭೆ, ಲೋಕಸಭೆ ಚುನಾವಣೆಯಲ್ಲಿ ಪ್ರಚಾರ ಮಾಡುತ್ತಿದ್ದಾರೆ. ಪ್ರತೀ ಬಾರಿಯೂ ತಮ್ಮ ಬಗ್ಗೆಯೇ ಮಾತನಾಡುತ್ತಾರೆ. ನೀವು ಯಾರನ್ನೂ ನೋಡಬೇಡಿ, ಮೋದಿಯನ್ನು ನೋಡಿ ಮತ ಹಾಕಿ ಎಂದು ಹೇಳುತ್ತಾರೆ. ಎಷ್ಟು ಬಾರಿ ನಿಮ್ಮ ಮುಖ ನೋಡಬೇಕು? ನಿಮಗೆ ಎಷ್ಟು ಅವತಾರ ಇದೆ? ನಿಮಗೇನು ರಾವಣನ ಹಾಗೆ 100 ತಲೆ ಇದೆಯೇ?‘ ಎಂದು ಪ್ರಶ್ನಿಸಿದ್ದರು. 

ಓದಿ...

 ನಿಮಗೆ ರಾವಣನ ಹಾಗೆ 100 ತಲೆ ಇದೆಯೇ?: ಮೋದಿ ಬಗ್ಗೆ ಖರ್ಗೆ ಹೇಳಿಕೆಗೆ ಬಿಜೆಪಿ ಕಿಡಿ 

ಕಾರು ಸಮೇತ ಶರ್ಮಿಳಾರನ್ನು ಎಳೆದೊಯ್ದ ಪೊಲೀಸರು: ತೆಲಂಗಾಣದಲ್ಲಿ ರಾಜಕೀಯ ಹೈಡ್ರಾಮಾ