ವ್ಯಾಕ್ಸಿನೇಟ್ ಕರ್ನಾಟಕ: ‘ರಾಹುಲ್ ಗಾಂಧಿ ಜನ್ಮದಿನ (ಜೂನ್ 19) ಪ್ರಯುಕ್ತ ಪಕ್ಷದ ವತಿಯಿಂದ ‘ವ್ಯಾಕ್ಸಿನೇಟ್ ಕರ್ನಾಟಕ’ ಎಂಬ ಅಭಿಯಾನ ಆರಂಭಿಸಿದ್ದು, ಇದರಲ್ಲಿ 17 ವರ್ಷದೊಳಗಿನ ವಿದ್ಯಾರ್ಥಿಗಳು ಸೇರಿ ಎಲ್ಲರೂ ಲಸಿಕೆ ಪಡೆಯುವ ಬಗ್ಗೆ ಜಾಗೃತಿ ಮೂಡಿಸಲು ತಮ್ಮದೇ ಆದ ರೀತಿಯಲ್ಲಿ ಎರಡು ನಿಮಿಷದ ವಿಡಿಯೊ ಮಾಡಿ, ಜುಲೈ 1ರ ಒಳಗೆ ಅದನ್ನು www.vaccinatekarnataka.com ಗೆ ಅಪ್ಲೋಡ್ ಮಾಡಬಹುದು. ವಿಡಿಯೊಗಳನ್ನು ಹಾಡು, ನೃತ್ಯ, ಸಂಗೀತ, ಕಲೆ ಸೇರಿದಂತೆ ಸೃಜನಾತ್ಮಕವಾಗಿ ಮಾಡಬಹುದು. ಅತ್ಯುತ್ತಮ ವಿಡಿಯೊ ಮಾಡಿದ 100 ಮಂದಿಗೆ ಆಂಡ್ರಾಯ್ಡ್ ಟ್ಯಾಬ್ ಬಹುಮಾನವಾಗಿ ನೀಡಲಾಗುವುದು’ ಎಂದರು.