ಮನಮೋಹಕ ಸೊಬಗು: 235 ಅಡಿ ಉದ್ದ ಹಾಗೂ 245 ಅಡಿ ಅಗಲದ ಪುಷ್ಕರಣಿ ಗ್ರಾನೈಟ್ ಕಲ್ಲಿನ ಕಲಾತ್ಮಕ ಶಿಲೆಗಳ ಮೆಟ್ಟಿಲುಗಳಿಂದ ಆವೃತಗೊಂಡಿದೆ. ಪುಷ್ಕರಣಿಯಲ್ಲಿ 54 ಮೆಟ್ಟಿಲುಗಳಿವೆ. ಈಗಾಗಲೇ 28 ಮೆಟ್ಟಿಲುಗಳು ನೀರು ತುಂಬಿದೆ. ನೀರಿನ ಮಧ್ಯದ ವಸಂತ ಮಂಟಪದ ಒಟ್ಟು ಎತ್ತರ 60 ಅಡಿ. ಇದನ್ನು ನೆಲಮಹಡಿ, ರಹಸ್ಯಮಹಡಿ, ವೀಕ್ಷಣಾ ಮಹಡಿ, ಉಯ್ಯಾಲೆ ಮಹಡಿ, ಗೋಪುರ ಮಹಡಿ ಎಂದು 5 ಅಂತಸ್ತುಗಳಾಗಿ ವಿಂಗಡಿಸಲಾಗಿದೆ. ಈಗಾಗಲೇ ನೆಲಮಹಡಿ, ರಹಸ್ಯ ಮಹಡಿ ನೀರಿನಿಂದ ಆವೃತವಾಗಿದೆ. ಸುಮಾರು 20 ಅಡಿಗಳಷ್ಟು ನೀರು ತುಂಬಿದೆ ಎನ್ನುತ್ತಾರೆ ಇತಿಹಾಸ ಸಂಶೋಧಕ ಸುಮತೀಂದ್ರ ನಾಡಿಗ್.