<p><strong>ಬೆಂಗಳೂರು:</strong> ಜಕ್ಕೂರು ಏರೋಡ್ರೋಮ್ನಲ್ಲಿ ಬೈಕ್ ಹಾಗೂ ಕಾರುಗಳ ಭೋರ್ಗರೆತ ಶುರುವಾಗಿದೆ.</p>.<p>ಇಲ್ಲಿ ಶನಿವಾರ ಆರಂಭವಾದ ‘ಇಂಡಿಯಾ ಸ್ಪೀಡ್ ವೀಕ್’ನ ಬೆಂಗಳೂರು ಆವೃತ್ತಿ ಮೋಟಾರು ಕ್ರೀಡೆಯನ್ನು ಇಷ್ಟಪಡುವವರಲ್ಲಿ ರೋಮಾಂಚನ ಉಂಟುಮಾಡಿದೆ. ವಿಶೇಷ ಕಸರತ್ತುಗಳ ಮೂಲಕ ಪ್ರತಿಭೆಗಳನ್ನು ಪಣಕ್ಕೊಡ್ಡಲು ಈ ವಾರ್ಷಿಕ ಡ್ರ್ಯಾಗ್ ರೇಸ್ ಸ್ಪರ್ಧೆ ವೇದಿಕೆ ಕಲ್ಪಿಸಿದೆ.</p>.<p>ಇತರ ವಾಹನಗಳ ರೇಸ್ಗಳಿಗೆ ಹೋಲಿಸಿದರೆ ಡ್ರ್ಯಾಗ್ ರೇಸ್ಗಳು ಅಲ್ಪಾವಧಿಯವು. ಒಂದು ಸ್ಪರ್ಧೆ 15 ರಿಂದ 20 ಸೆಕೆಂಡ್ಗಳಿಗಿಂತ ಹೆಚ್ಚು ಕಾಲ ನಡೆಯುವುದಿಲ್ಲ. ಇಬ್ಬರು ಸ್ಪರ್ಧಿಗಳು ಸುರಕ್ಷಾ ಕವಚ ಹಾಗೂ ಹೆಲ್ಮೆಟ್ ಧರಿಸಿ ಸ್ಪರ್ಧೆಗಿಳಿಯುತ್ತಾರೆ.</p>.<p>402 ಮೀಟರ್ಗಳಷ್ಟು ದೂರ ಸಾಗುವಷ್ಟರಲ್ಲಿ ಅವರು ತಮ್ಮ ಕೌಶಲಗಳನ್ನು ಪ್ರದರ್ಶಿಸಬೇಕು. ಈ ಸ್ಪರ್ಧಿಗಳು ತೀರಾ ಜಾಗರೂಕರಾಗಿರಬೇಕು. ಸೋಲು– ಗೆಲುವನ್ನು ನಿರ್ಧರಿಸುವಲ್ಲಿ ಒಂದೊಂದು ಸೆಕೆಂಡ್ ಕೂಡಾ ಅಮೂಲ್ಯ.</p>.<p>ಕಮರ್ಷಿಯಲ್ ಪೈಲಟ್ ಆಗಿ ತರಬೇತಿ ಪಡೆಯುತ್ತಿರುವ ಆಯೆಷಾ ಇನಾಂದಾರ್ ಅವರಿಗೆ ಅಪಾಯಕ್ಕೆ ಒಡ್ಡಿಕೊಳ್ಳುವುದು ಹೊಸ ವಿಚಾರವೇನಲ್ಲ. ವಿಮಾನದಲ್ಲಿ ಹಾರಾಟವೂ ರೋಮಾಂಚನಕಾರಿಯೇ. ಆದರೆ, ಅವರಿಗೆ ಅದಕ್ಕಿಂತಲೂ ಹೆಚ್ಚಾಗಿ ಖುಷಿ ನೀಡುವುದು ಡ್ರ್ಯಾಗ್ ರೇಸ್. ಅವರು ಎರಡು ವರ್ಷಗಳಿಂದ ಡ್ರ್ಯಾಗ್ ರೇಸ್ನಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<p>‘ನನ್ನ ಗೆಳೆಯರು ಡ್ರ್ಯಾಗ್ ರೇಸ್ ತೊಡಗಿಸಿಕೊಳ್ಳುತ್ತಿದ್ದರು. ಅವರು ಅಭ್ಯಾಸ ನಡೆಸುವಾಗ ಕೆಲವೊಮ್ಮೆ ನಾನೂ ಅವರ ಜೊತೆ ಸೇರಿಕೊಳ್ಳುತ್ತಿದ್ದೆ. ಅವರ ತಂಡಕ್ಕೆ ಒಬ್ಬರು ಮಹಿಳಾ ರೈಡರ್ನ ಅವಶ್ಯಕತೆ ಇತ್ತು. ಹಾಗಾಗಿ ನಾನು ಅವರ ತಂಡವನ್ನು ಸೇರಿಕೊಂಡೆ’ ಎಂದು ಮುಂಬೈನ ಆಯೆಷಾ ತಿಳಿಸಿದರು.</p>.<p>‘ಡ್ರ್ಯಾಗ್ ರೇಸ್ನಲ್ಲಿ ನಾವು ಎಷ್ಟು ಕ್ಷಿಪ್ರವಾಗಿ ಪ್ರತಿಕ್ರಿಯಿಸುತ್ತೇವೆ ಎಂಬುದು ಮುಖ್ಯವಾಗುತ್ತದೆ. ನಾವು ಸಕಾಲದಲ್ಲಿ ಗೇರ್ ಬದಲಾಯಿಸದಿದ್ದರೆ ಪ್ರತಿಸ್ಪರ್ಧಿಗಿಂತ ಹಿಂದೆ ಬೀಳುತ್ತೇವೆ. ನೂರಾರು ಕಣ್ಣುಗಳು ನಮ್ಮನ್ನೇ ನೋಡುತ್ತಿರುವಾಗ ಈ ಒತ್ತಡ ಇನ್ನಷ್ಟು ಹೆಚ್ಚಾಗುತ್ತದೆ’ ಎಂದು ಅವರು ವಿವರಿಸಿದರು.</p>.<p>ಆಯೆಷಾ ಅವರು ಕೆಟಿಎಂ 390 2–ಸ್ಟ್ರೋಕ್ ಬೈಕನ್ನು ಬಳಸುತ್ತಾರೆ. ಹೆಚ್ಚಿನ ಸ್ಪರ್ಧಿಗಳ ನೆಚ್ಚಿನ ಆಯ್ಕೆ ಕೆಟಿಎಂ ಬೈಕ್ ಆಗಿದೆ. ಯಮಹಾ, ಅಪಾಚೆ ಹಾಗೂ ಡಿಎಸ್ಕೆ–ಬೆನೆಲ್ಲಿ ಬೈಕ್ಗಳನ್ನೂ ಕೆಲವು ಸ್ಪರ್ಧಿಗಳು ಬಳಸುತ್ತಿದ್ದಾರೆ. ಈ ಬೈಕ್ಗಳನ್ನು ಡ್ರ್ಯಾಗ್ ರೇಸ್ ಸಲುವಾಗಿ ಮಾರ್ಪಾಡು ಮಾಡಲಾಗುತ್ತದೆ.</p>.<p>ಕಾರು ರೇಸ್ಗೆ ಸ್ಕೋಡಾ, ರೆನಾಲ್ಟ್, ಫೋಕ್ಸ್ವ್ಯಾಗನ್ ಹಾಗೂ ಸುಝುಕಿ ಕಂಪೆನಿಗಳ ಕಾರುಗಳನ್ನು ಸ್ಪರ್ಧಿಗಳು ಬಳಸುತ್ತಿದ್ದಾರೆ. ಸ್ಪರ್ಧೆ ಸಲುವಾಗಿ ಅವುಗಳಲ್ಲಿ ಕೆಲವೊಂದು ಮಾರ್ಪಾಡು ಮಾಡಲಾಗಿದೆ.</p>.<p>ಕುಟುಂಬವು ನಡೆಸುತ್ತಾ ಬಂದಿರುವ ವ್ಯಾಪಾರವನ್ನು ನೋಡಿಕೊಳ್ಳುತ್ತಿರುವ ಎಂ.ಮಿಥುನ್ ಅವರಿಗೆ ಕಾರುಗಳೆಂದರೆ ಅಚ್ಚುಮೆಚ್ಚು. ಬೆಂಗಳೂರಿನ ಟ್ಯೂನೋಟ್ರೋನಿಕ್ಸ್ ತಂಡದಲ್ಲಿ ಅವರೂ ಸದಸ್ಯರು. ಕಾರುಗಳ ಮೈಲೇಜ್ ಜಾಸ್ತಿ ಮಾಡುವುದರಲ್ಲಿ, ಅವುಗಳ ನಿರ್ವಹಣಾ ಸಾಮರ್ಥ್ಯವನ್ನು ಹೆಚ್ಚಿಸುವುದರಲ್ಲಿ ಈ ತಂಡ ಎತ್ತಿದ ಕೈ. ಆದರೆ ಹೊಗೆ ಸೂಸುವಿಕೆಯ ಮಾನದಂಡಗಳಿಗೆ ಸಂಬಂಧಿಸಿದಂತೆ ಯಾವುದೇ ಏರುಪೇರಾಗದಂತೆ ನೋಡಿಕೊಂಡು ಈ ಮಾರ್ಪಾಡುಗಳನ್ನು ಮಾಡುತ್ತಾರೆ. ಅವಕಾಶ ಸಿಕ್ಕಾಗ ಡ್ರ್ಯಾಗ್ ರೇಸ್ಗಳಲ್ಲಿ ಭಾಗವಹಿಸುವುದು ಅವರ ಚಾಳಿ.</p>.<p>ಮಿಥುನ್ ಅವರ ತಂಡ ಡ್ರ್ಯಾಗ್ ರೇಸ್ನ ಅಪಾಯಗಳ ಕುರಿತೂ ಶಾಲಾ– ಕಾಲೇಜುಗಳ ವಿದ್ಯಾರ್ಥಿಗಳಿಗೆ ತರಬೇತಿ ಹಮ್ಮಿಕೊಳ್ಳುತ್ತದೆ. ಸುರಕ್ಷತಾ ಕ್ರಮಗಳ ಬಗ್ಗೆ ಪಾಠ ಮಾಡುತ್ತದೆ.</p>.<p>‘ಚೆನ್ನೈ, ಕೊಯಂಬತ್ತೂರು, ನವದೆಹಲಿಗಳಲ್ಲಿ ಡ್ರ್ಯಾಗ್ ರೇಸಿಂಗ್ಗೆ ಪ್ರತ್ಯೇಕ ಟ್ರ್ಯಾಕ್ಗಳಿವೆ. ಬೆಂಗಳೂರಿನಂತಹ ನಗರದಲ್ಲೂ ಇಂತಹ ಟ್ರ್ಯಾಕ್ನ ಅಗತ್ಯ ಇದೆ. ಹೆದ್ದಾರಿಗಳಲ್ಲಿ ರಾತ್ರಿ ವೇಳೆ ಯುವಕರು ಇಂತಹ ದುಸ್ಸಾಹಸ ನಡೆಸುವುದನ್ನು ಇದರಿಂದ ತಡೆಯಬಹುದು’ ಎನ್ನುತ್ತಾರೆ ಮಿಥುನ್.</p>.<p>ಈ ವೇಗದ ಸ್ಪರ್ಧೆಯ ರಾಯಭಾರಿಗಳಲ್ಲಿ ಒಬ್ಬರಾದ ಬಾಲಿವುಡ್ ನಟಿ ರವಿನಾ ಟಂಡನ್ ಅವರು ಡ್ರ್ಯಾಗ್ ರೇಸ್ ನಡೆಯುತ್ತಿದ್ದ ಸ್ಥಳಕ್ಕೆ ಭೇಟಿ ನೀಡಿದರು. ಇನ್ನೊಬ್ಬ ರಾಯಭಾರಿ ಸುನಿಲ್ ಶೆಟ್ಟಿ ಕೂಡಾ ಭೇಟಿ ನೀಡುವ ನಿರೀಕ್ಷೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಜಕ್ಕೂರು ಏರೋಡ್ರೋಮ್ನಲ್ಲಿ ಬೈಕ್ ಹಾಗೂ ಕಾರುಗಳ ಭೋರ್ಗರೆತ ಶುರುವಾಗಿದೆ.</p>.<p>ಇಲ್ಲಿ ಶನಿವಾರ ಆರಂಭವಾದ ‘ಇಂಡಿಯಾ ಸ್ಪೀಡ್ ವೀಕ್’ನ ಬೆಂಗಳೂರು ಆವೃತ್ತಿ ಮೋಟಾರು ಕ್ರೀಡೆಯನ್ನು ಇಷ್ಟಪಡುವವರಲ್ಲಿ ರೋಮಾಂಚನ ಉಂಟುಮಾಡಿದೆ. ವಿಶೇಷ ಕಸರತ್ತುಗಳ ಮೂಲಕ ಪ್ರತಿಭೆಗಳನ್ನು ಪಣಕ್ಕೊಡ್ಡಲು ಈ ವಾರ್ಷಿಕ ಡ್ರ್ಯಾಗ್ ರೇಸ್ ಸ್ಪರ್ಧೆ ವೇದಿಕೆ ಕಲ್ಪಿಸಿದೆ.</p>.<p>ಇತರ ವಾಹನಗಳ ರೇಸ್ಗಳಿಗೆ ಹೋಲಿಸಿದರೆ ಡ್ರ್ಯಾಗ್ ರೇಸ್ಗಳು ಅಲ್ಪಾವಧಿಯವು. ಒಂದು ಸ್ಪರ್ಧೆ 15 ರಿಂದ 20 ಸೆಕೆಂಡ್ಗಳಿಗಿಂತ ಹೆಚ್ಚು ಕಾಲ ನಡೆಯುವುದಿಲ್ಲ. ಇಬ್ಬರು ಸ್ಪರ್ಧಿಗಳು ಸುರಕ್ಷಾ ಕವಚ ಹಾಗೂ ಹೆಲ್ಮೆಟ್ ಧರಿಸಿ ಸ್ಪರ್ಧೆಗಿಳಿಯುತ್ತಾರೆ.</p>.<p>402 ಮೀಟರ್ಗಳಷ್ಟು ದೂರ ಸಾಗುವಷ್ಟರಲ್ಲಿ ಅವರು ತಮ್ಮ ಕೌಶಲಗಳನ್ನು ಪ್ರದರ್ಶಿಸಬೇಕು. ಈ ಸ್ಪರ್ಧಿಗಳು ತೀರಾ ಜಾಗರೂಕರಾಗಿರಬೇಕು. ಸೋಲು– ಗೆಲುವನ್ನು ನಿರ್ಧರಿಸುವಲ್ಲಿ ಒಂದೊಂದು ಸೆಕೆಂಡ್ ಕೂಡಾ ಅಮೂಲ್ಯ.</p>.<p>ಕಮರ್ಷಿಯಲ್ ಪೈಲಟ್ ಆಗಿ ತರಬೇತಿ ಪಡೆಯುತ್ತಿರುವ ಆಯೆಷಾ ಇನಾಂದಾರ್ ಅವರಿಗೆ ಅಪಾಯಕ್ಕೆ ಒಡ್ಡಿಕೊಳ್ಳುವುದು ಹೊಸ ವಿಚಾರವೇನಲ್ಲ. ವಿಮಾನದಲ್ಲಿ ಹಾರಾಟವೂ ರೋಮಾಂಚನಕಾರಿಯೇ. ಆದರೆ, ಅವರಿಗೆ ಅದಕ್ಕಿಂತಲೂ ಹೆಚ್ಚಾಗಿ ಖುಷಿ ನೀಡುವುದು ಡ್ರ್ಯಾಗ್ ರೇಸ್. ಅವರು ಎರಡು ವರ್ಷಗಳಿಂದ ಡ್ರ್ಯಾಗ್ ರೇಸ್ನಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<p>‘ನನ್ನ ಗೆಳೆಯರು ಡ್ರ್ಯಾಗ್ ರೇಸ್ ತೊಡಗಿಸಿಕೊಳ್ಳುತ್ತಿದ್ದರು. ಅವರು ಅಭ್ಯಾಸ ನಡೆಸುವಾಗ ಕೆಲವೊಮ್ಮೆ ನಾನೂ ಅವರ ಜೊತೆ ಸೇರಿಕೊಳ್ಳುತ್ತಿದ್ದೆ. ಅವರ ತಂಡಕ್ಕೆ ಒಬ್ಬರು ಮಹಿಳಾ ರೈಡರ್ನ ಅವಶ್ಯಕತೆ ಇತ್ತು. ಹಾಗಾಗಿ ನಾನು ಅವರ ತಂಡವನ್ನು ಸೇರಿಕೊಂಡೆ’ ಎಂದು ಮುಂಬೈನ ಆಯೆಷಾ ತಿಳಿಸಿದರು.</p>.<p>‘ಡ್ರ್ಯಾಗ್ ರೇಸ್ನಲ್ಲಿ ನಾವು ಎಷ್ಟು ಕ್ಷಿಪ್ರವಾಗಿ ಪ್ರತಿಕ್ರಿಯಿಸುತ್ತೇವೆ ಎಂಬುದು ಮುಖ್ಯವಾಗುತ್ತದೆ. ನಾವು ಸಕಾಲದಲ್ಲಿ ಗೇರ್ ಬದಲಾಯಿಸದಿದ್ದರೆ ಪ್ರತಿಸ್ಪರ್ಧಿಗಿಂತ ಹಿಂದೆ ಬೀಳುತ್ತೇವೆ. ನೂರಾರು ಕಣ್ಣುಗಳು ನಮ್ಮನ್ನೇ ನೋಡುತ್ತಿರುವಾಗ ಈ ಒತ್ತಡ ಇನ್ನಷ್ಟು ಹೆಚ್ಚಾಗುತ್ತದೆ’ ಎಂದು ಅವರು ವಿವರಿಸಿದರು.</p>.<p>ಆಯೆಷಾ ಅವರು ಕೆಟಿಎಂ 390 2–ಸ್ಟ್ರೋಕ್ ಬೈಕನ್ನು ಬಳಸುತ್ತಾರೆ. ಹೆಚ್ಚಿನ ಸ್ಪರ್ಧಿಗಳ ನೆಚ್ಚಿನ ಆಯ್ಕೆ ಕೆಟಿಎಂ ಬೈಕ್ ಆಗಿದೆ. ಯಮಹಾ, ಅಪಾಚೆ ಹಾಗೂ ಡಿಎಸ್ಕೆ–ಬೆನೆಲ್ಲಿ ಬೈಕ್ಗಳನ್ನೂ ಕೆಲವು ಸ್ಪರ್ಧಿಗಳು ಬಳಸುತ್ತಿದ್ದಾರೆ. ಈ ಬೈಕ್ಗಳನ್ನು ಡ್ರ್ಯಾಗ್ ರೇಸ್ ಸಲುವಾಗಿ ಮಾರ್ಪಾಡು ಮಾಡಲಾಗುತ್ತದೆ.</p>.<p>ಕಾರು ರೇಸ್ಗೆ ಸ್ಕೋಡಾ, ರೆನಾಲ್ಟ್, ಫೋಕ್ಸ್ವ್ಯಾಗನ್ ಹಾಗೂ ಸುಝುಕಿ ಕಂಪೆನಿಗಳ ಕಾರುಗಳನ್ನು ಸ್ಪರ್ಧಿಗಳು ಬಳಸುತ್ತಿದ್ದಾರೆ. ಸ್ಪರ್ಧೆ ಸಲುವಾಗಿ ಅವುಗಳಲ್ಲಿ ಕೆಲವೊಂದು ಮಾರ್ಪಾಡು ಮಾಡಲಾಗಿದೆ.</p>.<p>ಕುಟುಂಬವು ನಡೆಸುತ್ತಾ ಬಂದಿರುವ ವ್ಯಾಪಾರವನ್ನು ನೋಡಿಕೊಳ್ಳುತ್ತಿರುವ ಎಂ.ಮಿಥುನ್ ಅವರಿಗೆ ಕಾರುಗಳೆಂದರೆ ಅಚ್ಚುಮೆಚ್ಚು. ಬೆಂಗಳೂರಿನ ಟ್ಯೂನೋಟ್ರೋನಿಕ್ಸ್ ತಂಡದಲ್ಲಿ ಅವರೂ ಸದಸ್ಯರು. ಕಾರುಗಳ ಮೈಲೇಜ್ ಜಾಸ್ತಿ ಮಾಡುವುದರಲ್ಲಿ, ಅವುಗಳ ನಿರ್ವಹಣಾ ಸಾಮರ್ಥ್ಯವನ್ನು ಹೆಚ್ಚಿಸುವುದರಲ್ಲಿ ಈ ತಂಡ ಎತ್ತಿದ ಕೈ. ಆದರೆ ಹೊಗೆ ಸೂಸುವಿಕೆಯ ಮಾನದಂಡಗಳಿಗೆ ಸಂಬಂಧಿಸಿದಂತೆ ಯಾವುದೇ ಏರುಪೇರಾಗದಂತೆ ನೋಡಿಕೊಂಡು ಈ ಮಾರ್ಪಾಡುಗಳನ್ನು ಮಾಡುತ್ತಾರೆ. ಅವಕಾಶ ಸಿಕ್ಕಾಗ ಡ್ರ್ಯಾಗ್ ರೇಸ್ಗಳಲ್ಲಿ ಭಾಗವಹಿಸುವುದು ಅವರ ಚಾಳಿ.</p>.<p>ಮಿಥುನ್ ಅವರ ತಂಡ ಡ್ರ್ಯಾಗ್ ರೇಸ್ನ ಅಪಾಯಗಳ ಕುರಿತೂ ಶಾಲಾ– ಕಾಲೇಜುಗಳ ವಿದ್ಯಾರ್ಥಿಗಳಿಗೆ ತರಬೇತಿ ಹಮ್ಮಿಕೊಳ್ಳುತ್ತದೆ. ಸುರಕ್ಷತಾ ಕ್ರಮಗಳ ಬಗ್ಗೆ ಪಾಠ ಮಾಡುತ್ತದೆ.</p>.<p>‘ಚೆನ್ನೈ, ಕೊಯಂಬತ್ತೂರು, ನವದೆಹಲಿಗಳಲ್ಲಿ ಡ್ರ್ಯಾಗ್ ರೇಸಿಂಗ್ಗೆ ಪ್ರತ್ಯೇಕ ಟ್ರ್ಯಾಕ್ಗಳಿವೆ. ಬೆಂಗಳೂರಿನಂತಹ ನಗರದಲ್ಲೂ ಇಂತಹ ಟ್ರ್ಯಾಕ್ನ ಅಗತ್ಯ ಇದೆ. ಹೆದ್ದಾರಿಗಳಲ್ಲಿ ರಾತ್ರಿ ವೇಳೆ ಯುವಕರು ಇಂತಹ ದುಸ್ಸಾಹಸ ನಡೆಸುವುದನ್ನು ಇದರಿಂದ ತಡೆಯಬಹುದು’ ಎನ್ನುತ್ತಾರೆ ಮಿಥುನ್.</p>.<p>ಈ ವೇಗದ ಸ್ಪರ್ಧೆಯ ರಾಯಭಾರಿಗಳಲ್ಲಿ ಒಬ್ಬರಾದ ಬಾಲಿವುಡ್ ನಟಿ ರವಿನಾ ಟಂಡನ್ ಅವರು ಡ್ರ್ಯಾಗ್ ರೇಸ್ ನಡೆಯುತ್ತಿದ್ದ ಸ್ಥಳಕ್ಕೆ ಭೇಟಿ ನೀಡಿದರು. ಇನ್ನೊಬ್ಬ ರಾಯಭಾರಿ ಸುನಿಲ್ ಶೆಟ್ಟಿ ಕೂಡಾ ಭೇಟಿ ನೀಡುವ ನಿರೀಕ್ಷೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
