ಕಕ್ಷೆ ಸೇರಿದ ಉಪಗ್ರಹ

ಬುಧವಾರ, ಮಾರ್ಚ್ 27, 2019
22 °C

ಕಕ್ಷೆ ಸೇರಿದ ಉಪಗ್ರಹ

Published:
Updated:
ಕಕ್ಷೆ ಸೇರಿದ ಉಪಗ್ರಹ

ಶ್ರೀಹರಿಕೋಟಾ (ಪಿಟಿಐ): ಪಥದರ್ಶಕ ಸರಣಿಯ ಎಂಟನೇ ಉಪಗ್ರಹ ‘ಐಆರ್‌ಎನ್‌ಎಸ್ಎಸ್–1ಐ’ಅನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಕೇಂದ್ರವು (ಇಸ್ರೊ) ಇಲ್ಲಿನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಗುರುವಾರ ಮುಂಜಾನೆ ಯಶಸ್ವಿಯಾಗಿ ಉಡಾವಣೆ ಮಾಡಿತು.

‘ನ್ಯಾವ್‌ಐಸಿ’ ಸರಣಿಯ ಈ ಉಪಗ್ರಹವನ್ನು ಬೆಳಿಗ್ಗೆ 4 ಗಂಟೆ 4 ನಿಮಿಷಕ್ಕೆ ಉಡಾವಣೆ ಮಾಡಲಾಗಿದೆ. ಈ ಕೇಂದ್ರದಿಂದ ನಡೆದ 41ನೇ ಉಶಸ್ವಿ ಉಡಾವಣೆ ಇದಾಗಿದೆ. ‘ಉಡಾವಣಾ ಕಾರ್ಯವು ಸುಗಮವಾಗಿ ನಡೆದಿದೆ’ ಎಂದು ಇಸ್ರೊ ಅಧಿಕಾರಿಗಳು ತಿಳಿಸಿದ್ದಾರೆ.

ಪಥದರ್ಶಕ ಕ್ಷೇತ್ರದಲ್ಲಿ ಸೇನೆ ಮತ್ತು ನಾಗರಿಕ ಅಗತ್ಯಗಳನ್ನು ‘ನ್ಯಾವ್‌ಐಸಿ’ ಪೂರೈಸಲಿದೆ. ಭಾರತ ಮತ್ತು ಸುತ್ತಲಿನ ಪ್ರದೇಶದ ಸ್ಥಳದ ಮಾಹಿತಿಯನ್ನು ಉಪಗ್ರಹ ರವಾನಿಸಲಿದೆ.

***

19 ನಿಮಿಷ– ಕಕ್ಷೆ ಸೇರಲು ಉಪಗ್ರಹ ತೆಗೆದುಕೊಂಡ ಸಮಯ

ಪಿಎಸ್‌ಎಲ್‌ವಿ–ಸಿ41– ಉಪಗ್ರಹವನ್ನು ಹೊತ್ತೊಯ್ದ ಉಡಾವಣಾ ವಾಹನ

1,425 ಕೆ.ಜಿ– ಉಪಗ್ರಹದ ತೂಕ

***

ಬೆಂಗಳೂರಿನ ಖಾಸಗಿ ಸಂಸ್ಥೆ ಆಲ್ಫಾ ಡಿಸೈನ್ ಟೆಕ್ನಾಲಜೀಸ್ ಸಹಭಾಗಿತ್ವದಲ್ಲಿ ಈ ಉ‍ಪಗ್ರಹವನ್ನು ಇಸ್ರೊ ನಿರ್ಮಿಸಿದೆ.

***

ಪಥದರ್ಶಕ ಸೇವೆಯಿಂದ ವಂಚಿತರಾದ ಸಮುದಾಯಕ್ಕೆ ‘ನ್ಯಾವ್‌ಐಸಿ’ ನೆರವಾಗಲಿದೆ. ಈ ಯೋಜನೆಗೆ ಇಡೀ ಇಸ್ರೊ ಕುಟುಂಬ ಶ್ರಮ ಹಾಕಿ ಯಶಸ್ವಿಯಾಗಿದ್ದು ಸಂತಸ ತಂದಿದೆ

–ಕೆ.ಶಿವನ್, ಇಸ್ರೊ ಅಧ್ಯಕ್ಷ

ನಮ್ಮ ವಿಜ್ಞಾನಿಗಳಿಗೆ ಅಭಿನಂದನೆಗಳು. ಬಾಹ್ಯಾಕಾಶ ಯೋಜನೆಯ ಈ ಯಶಸ್ಸು ಸಾಮಾನ್ಯ ಜನರಿಗೂ ಸಹಕಾರಿಯಾಗಲಿದೆ. ಇಸ್ರೊ ತಂಡ ನಮ್ಮ ಹೆಮ್ಮೆ!

–ನರೇಂದ್ರ ಮೋದಿ, ಪ್ರಧಾನಿ

 

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry