ಪಾಂಗಾಂಗ್ ಸರೋವರದ ಉತ್ತರ ದಂಡೆಯ ಪ್ರದೇಶದ ಫಿಂಗರ್–8 ಪ್ರದೇಶದಲ್ಲಿ ಭಾರತವು ಹಿಂದಿನಿಂದಲೂ ಗಸ್ತು ನಡೆಸುತ್ತಿತ್ತು. ಆದರೆ, ಬಿಕ್ಕಟ್ಟಿನ ಆರಂಭದ ದಿನಗಳಲ್ಲಿ ಚೀನಾ ಸೈನಿಕರು ಭಾರತದ ಸೈನಿಕರನ್ನು ಫಿಂಗರ್–4 ಪ್ರದೇಶದಲ್ಲಿ ತಡೆದಿದ್ದರು. ಬಿಕ್ಕಟ್ಟು ಶಮನ ಪ್ರಕ್ರಿಯೆಯ ಮೊದಲ ಹಂತದಲ್ಲಿ, ಫಿಂಗರ್–4 ಪ್ರದೇಶದಿಂದ ಚೀನಾವು ಸೈನಿಕರನ್ನು ಹಿಂದಕ್ಕೆ ಕರೆಸಿಕೊಂಡಿತ್ತು. ಆದರೆ, ಸ್ವಲ್ಪ ದೂರದ ಪ್ರದೇಶದಲ್ಲಿ ಅವರನ್ನು ನೆಲೆಯಾಗಿಸಿ ಭಾರತದ ಸೈನಿಕರ ಮೇಲೆ ಕಣ್ಣಿಟ್ಟಿತ್ತು.