ಬುಧವಾರ, 28 ಫೆಬ್ರುವರಿ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಗುವಾಹಟಿ: 44 ವರ್ಷದ ನಂತರ ‘ಉಲ್ಫಾ’ ವಿಸರ್ಜನೆ

Published 23 ಜನವರಿ 2024, 19:05 IST
Last Updated 23 ಜನವರಿ 2024, 19:05 IST
ಅಕ್ಷರ ಗಾತ್ರ

ಗುವಾಹಟಿ: ಅಸ್ಸಾಂನಲ್ಲಿ 44 ವರ್ಷಗಳ ಹಿಂದೆ ಅಸ್ತಿತ್ವಕ್ಕೆ ಬಂದಿದ್ದ ಬಂಡುಕೋರರ ಸಂಘಟನೆ ‘ಉಲ್ಫಾ’ ಮಂಗಳವಾರ ಅಧಿಕೃತವಾಗಿ ವಿಸರ್ಜನೆಗೊಂಡಿದೆ. ಉಲ್ಫಾ ಮುಖಂಡರು ಈಚೆಗೆ ಸರ್ಕಾರದೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದ್ದರು. 

ಅಸ್ಸಾಂ ಉತ್ರದ ದರ್ರಾಂಗ್‌ ಜಿಲ್ಲೆಯ ಚಾಮುವಾಪರದಲ್ಲಿ ನಡೆದಿದ್ದ ಸಂಘಟನೆಯ ಸಾಮಾನ್ಯ ಸಭೆಯಲ್ಲಿ ವಿಸರ್ಜಿಸುವ ತೀರ್ಮಾನ ಕೈಗೊಳ್ಳಲಾಗಿತ್ತು. ಸಂಘಟನೆಯ ಸುಮಾರು 65 ಸದಸ್ಯರು ಭಾಗವಹಿಸಿದ್ದರು.

‘ಇಂದು ನಮಗೆ ಭಾವನಾತ್ಮಕ ಮತ್ತು ನೋವಿನ ದಿನ. 1979ರಲ್ಲಿ ನಿರ್ದಿಷ್ಟ ಉದ್ದೇಶದೊಂದಿಗೆ ಸ್ಥಾಪಿಸಿದ್ದ ಸಂಘಟನೆಯನ್ನು ಇಂದು ಉದ್ದೇಶ ಸಾಧನೆಯಾಗದೇ ವಿಸರ್ಜಿಸಲಾಗಿದೆ. ಶಸ್ತ್ರಸಜ್ಜಿತ ಹೋರಾಟದಲ್ಲಿ ನಾವು ಸೋತಿದ್ದೇವೆ. ಆದರೆ, ಸಾಮಾನ್ಯ ಸಭೆಯ ತೀರ್ಮಾನವನ್ನು ನಾನು ಒಪ್ಪಲೇಬೇಕಾಗಿದೆ‘ ಎಂದು ಸಂಘಟನೆಯ ಸ್ಥಾಪಕರಲ್ಲಿ ಒಬ್ಬರಾಗಿದ್ ಅನೂಪ್‌ ಚೆಟಿಯಾ ಅವರು ದೂರವಾಣಿ ಮೂಲಕ ಪ್ರತಿಕ್ರಿಯಿಸಿದರು.

ಉಲ್ಫಾ ನಾಯಕರು, ಪದಾಧಿಕಾರಿಗಳು ಅಸ್ಸಾಂನಲ್ಲಿ ಸಾಮಾಜಿಕ, ಆರ್ಥಿಕ ಅಭಿವೃದ್ಧಿ ಕಾರ್ಯದಲ್ಲಿ ತೊಡಗುವರು. ಅಸ್ಸಾಂ ಜಾತಿಯಾ ವಿಕಾಸ ಮಂಚ್‌ ಹೆಸರಿನ ಸಂಘಟನೆ ಸ್ಥಾಪಿಸಲಿದ್ದು, ಬರುವ ದಿನಗಳಲ್ಲಿ ವಿವಿಧ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವರು ಎಂದು ಚೆಟಿಯಾ ತಿಳಿಸಿದರು.

ಉಲ್ಫಾ 2010ರಲ್ಲಿ ಶಾಂತಿ ಮಾತುಕತೆ ಆರಂಭಿಸಿದ್ದು, 2011ರಲ್ಲಿ ಇಬ್ಭಾಗಗೊಂಡಿತ್ತು. ಪರೇಶ್ ಬರುವಾ ನೇತೃತ್ವದಲ್ಲಿ ಉಲ್ಫಾ–ಇಂಡಿಪೆಂಡೆಂಟ್ ಹೆಸರಿನ ಪ್ರತ್ಯೇಕ ಬಣ ರಚನೆಯಾಗಿತ್ತು.

ಈ ಬಣ ಈಗಲೂ ಶಾಂತಿ ಮಾತುಕತೆಯಿಂದ ಹೊರಗುಳಿದಿದೆ. ಸದ್ಯ, ಜನವರಿ 26ರಂದು ನಡೆಯಲಿರುವ ಗಣರಾಜ್ಯೋತ್ಸವ ಸಮಾರಂಭವನ್ನು ಬಹಿಷ್ಕರಿಸಬೇಕು ಎಂದು ಕರೆ ನೀಡಿದೆ.  

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT