ತನಗೆ ಸಿಗುವ 160 ಸ್ಥಾನಗಳಲ್ಲಿ ಆರ್ಜೆಡಿ ಸಣ್ಣಪುಟ್ಟ ಪಕ್ಷಗಳೊಂದಿಗೆ ಪಾಲು ಹಂಚಿಕೊಳ್ಳಲಿದೆ. ಸಿಪಿಐ–ಎಂಎಲ್, ಬಿಎಸ್ಪಿ, ವಿಐಪಿ (ವಿಕಾಸ ಶೀಲ ಇನ್ಸಾನ್ ಪಕ್ಷ)ಗಳು ಆರ್ಜೆಡಿ ಕೋಟಾದಲ್ಲೇ ಸ್ಥಾನಗಳನ್ನು ಪಡೆಯಲಿವೆ. ಇತ್ತ ಕಾಂಗ್ರೆಸ್ ತನಗೆ ಸಿಕ್ಕಿರುವ 83 ಸ್ಥಾನಗಳಲ್ಲೇ, ಕೇಂದ್ರದ ಮಾಜಿ ಸಚಿವ ಉಪೇಂದ್ರ ಕುಶ್ವಾಹ ಅವರ ರಾಷ್ಟ್ರೀಯ ಲೋಕ ಸಮತಾ ಪಕ್ಷ (ಆರ್ಎಲ್ಎಸ್ಪಿ), ಮಾಜಿ ಮುಖ್ಯಮಂತ್ರಿ ಜಿತನ್ ರಾಮ್ ಮಾಂಜಿ ಅವರ ಹಿಂದುಸ್ಥಾನ್ ಅವಾಮ್ ಮೋರ್ಚಾ , ಸಿಪಿಐಗೆ ಪಾಲು ನೀಡಲಿದೆ ಎಂದು ಮೂಲಗಳು ತಿಳಿಸಿವೆ.