ನೋಯ್ಡಾ ನಗರದ ‍ಪಾದಚಾರಿ ಮಾರ್ಗಗಳಿಗೆ ತ್ಯಾಜ್ಯ ವಸ್ತುಗಳಿಂದ ಮಾಡಿದ ಟೈಲ್ಸ್‌ ಬಳಕೆ!

‘ಸುಂದರ ರಸ್ತೆಗಳು ನೋಯ್ಡಾ ನಗರದ ಹೆಗ್ಗುರುತುಗಳು. ಇದಕ್ಕಾಗಿ ನಾವು ಪರಿಸರ ಸ್ನೇಹಿ ಕ್ರಮಗಳನ್ನು ಅನುಸರಿಸಲು ಮುಂದಾಗಿದ್ದೇವೆ. ರಸ್ತೆ ಸಂಶೋಧನಾ ಸಂಸ್ಥೆ ಜೊತೆ ಒಪ್ಪಂದ ಮಾಡಿಕೊಂಡಿದ್ದು, ಪಾಲಿಥಿನ್ ಮುಂತಾದ ತ್ಯಾಜ್ಯ ವಸ್ತುಗಳಿಂದ ಮಾಡಿದ ಮರುಬಳಕೆ ಮಾಡಬಹುದಾದ ಪೇವರ್ ಬ್ಲಾಕ್‌ಗಳನ್ನು ಪಾದಚಾರಿ ಮಾರ್ಗಗಳಿಗೆ ಬಳಸಲು ತೀರ್ಮಾನಿಸಲಾಗಿದೆ’ ಎಂದು GNIDA ಸಿಇಒ ಎನ್‌.ಜಿ ರವಿ ಕುಮಾರ್ ತಿಳಿಸಿದ್ದಾರೆ.

‘ರಸ್ತೆ ಸಂಶೋಧನಾ ಸಂಸ್ಥೆ ವತಿಯಿಂದ ಈ ಪೇವರ್ ಬ್ಲಾಕ್‌ಗಳು ತಯಾರಾಗುತ್ತವೆ. ಗುಣಮಟ್ಟವೂ ಉತ್ತಮವಾಗಿದ್ದು ಅತ್ಯಂತ ಕಡಿಮೆ ಬೆಲೆಯಲ್ಲಿ ಸಿಗುವಂತಹವು’ ಎಂದು ರವಿ ಕುಮಾರ್ ಹೇಳಿದ್ದಾರೆ.

ಹೊಸ ತಂತ್ರಜ್ಞಾನ ಬಳಸಿಕೊಂಡು ನಾವು ನೋಯ್ಡಾ ನಗರವನ್ನು ಸುಂದರವಾಗಿ ನಿರ್ಮಿಸಲು ಮುಂದಾಗಿದ್ದೇವೆ ಎಂದು GNIDA ಹೆಚ್ಚುವರಿ ಸಿಇಒ ಅನ್ನಪೂರ್ಣ ಗರ್ಗ್ ತಿಳಿಸಿದ್ದಾರೆ.