ತಿರುವನಂತನಪುರ: ‘ಕಾಂಗ್ರೆಸ್‌ ನಾಯಕ ರಾಹುಲ್ ಗಾಂಧಿ ಅವರನ್ನು ಅಮೇಥಿಯಿಂದ ಕೇರಳದ ವಯನಾಡಿಗೆ ಕಳುಹಿಸಿದ್ದು ನಾನು‘ ಎಂದು ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಹೇಳಿದ್ದಾರೆ.
ಕೇರಳದಲ್ಲಿ ಭಾರತೀಯ ಮಜ್ದೂರ್ ಸಂಘ ರಾಜ್ಯ ಘಟಕ ಆಯೋಜಿಸಿದ್ದ ರಾಜ್ಯ ಮಟ್ಟದ ಮಹಿಳಾ ಕಾರ್ಮಿಕ ಸಮಾವೇಶವನ್ನು ಉದ್ಘಾಟಿಸಿ ಸ್ಮೃತಿ ಇರಾನಿ ಮಾತನಾಡಿದರು. ಈ ವೇಳೆ ರಾಹುಲ್ ಗಾಂಧಿ ಹೆಸರು ಪ್ರಸ್ತಾಪಿಸದೆ ಪರೋಕ್ಷ ದಾಳಿ ನಡೆಸಿದ್ದಾರೆ.
‘ಅವರನ್ನು(ರಾಹುಲ್ ಗಾಂಧಿ) ಅಲ್ಲಿಂದ(ಅಮೇಥಿ) ಕಳುಹಿಸಲು ಕಾರಣವೇನು? ಏಕೆ? ಎಂಬ ಪ್ರಶ್ನೆ ಎಲ್ಲರಿಗೂ ಕಾಡುತ್ತದೆ. ಅವರು ಅಲ್ಲಿನ ಸಂಸದರಾಗಿದ್ದಾಗ ಅಲ್ಲಿನ ಶೇಕಡ 80ರಷ್ಟು ಜನರಿಗೆ ವಿದ್ಯುತ್ ಸಂಪರ್ಕ ಇರಲಿಲ್ಲ. ಜಿಲ್ಲಾಧಿಕಾರಿಗೆ ಸರಿಯಾದ ಕಚೇರಿ ಇರಲಿಲ್ಲ. ಅಗ್ನಿಶಾಮಕ ಠಾಣೆ, ವೈದ್ಯಕೀಯ ಕಾಲೇಜು, ಕೇಂದ್ರೀಯ ವಿದ್ಯಾಲಯ, ಸೈನಿಕ ಶಾಲೆ, ಕ್ರೀಡಾಂಗಣ ಯಾವ ಸೌಲಭ್ಯವೂ ಇರಲಿಲ್ಲ. ಅಲ್ಲಿಂದ ಅವರನ್ನು ಕಳುಹಿಸಿದ ಮೇಲೆ ಎಲ್ಲ ಸೌಲಭ್ಯಗಳು ಬಂದವು‘ ಎಂದರು.
#WATCH | Thiruvananthapuram: It was me who sent him (Rahul Gandhi) from UP to Wayanad. When he was MP there, 80% of people had no electricity, no fire station, no medical college, no KV school. Once he left, all these facilities became possible. If he stays here (in Wayanad), it… pic.twitter.com/wJcyG7KWwn
‘ಅವರು (ರಾಹುಲ್ ಗಾಂಧಿ) ವಯನಾಡಿನಲ್ಲಿಯೇ ಮತ್ತೆ ಉಳಿದರೆ, ವಯನಾಡ್‌ಗೆ ಅಮೇಥಿಯಂತ ಪರಿಸ್ಥಿತಿ ಬರುತ್ತದೆ. ನೀವು ಅವರನ್ನು ಇಲ್ಲಿ ಉಳಿಯದಂತೆ ನೋಡಿಕೊಳ್ಳಿ‘ ಎಂದು ಪರೋಕ್ಷವಾಗಿ ರಾಹುಲ್ ಗಾಂಧಿ ಸೋಲಿಸುವಂತೆ ಹೇಳಿದರು.
2019ರ ಲೋಕಸಭೆ ಚುನಾವಣೆಯಲ್ಲಿ ಅಮೇಥಿ ಲೋಕಾಸಭಾ ಕ್ಷೇತ್ರದಿಂದ ಸ್ಮೃತಿ ಇರಾನಿ ಸ್ಪರ್ಧಿಸಿದ್ದು, ರಾಹುಲ್ ಗಾಂಧಿ ಅವರನ್ನು ಸುಮಾರು 55,000 ಮತಗಳ ಅಂತರದಿಂದ ಸೋಲಿಸಿದ್ದರು.
