ಯುಸಿಸಿ ಜಾರಿ ಸುಲಭವಲ್ಲ ಎಂದ ಗುಲಾಂ ನಬಿ ಆಜಾದ್

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ಯುಸಿಸಿ ಎಲ್ಲ ಧರ್ಮಗಳ ಮೇಲೂ ಪರಿಣಾಮ ಬೀರುತ್ತದೆ’ ಎಂದು ಹೇಳಿದರು.

‘ಏಕರೂಪ ನಾಗರಿಕ ಸಂಹಿತೆ ಜಾರಿಯಿಂದ ಮುಸ್ಲಿಮರಿಗೆ ಮಾತ್ರವಲ್ಲ, ಕ್ರೈಸ್ತರು, ಸಿಖ್ಖರು, ಬುಡಕಟ್ಟು ಜನರು, ಜೈನರು, ಪಾರ್ಸಿ ಸಮುದಾಯದವರಿಗೂ ತೊಂದರೆಯಾಗುತ್ತದೆ. ಒಂದೇ ಬಾರಿಗೆ ಇಷ್ಟೊಂದು ಸಮುದಾಯಗಳಿಗೆ ಕಿರುಕುಳ ಕೊಡುವುದರಿಂದ ಯಾವುದೇ ಸರ್ಕಾರಕ್ಕೆ ಒಳ್ಳೆಯದಾಗುವುದಿಲ್ಲ. ಆದ್ದರಿಂದ ಈ ಸಂಹಿತೆಯನ್ನು ಜಾರಿ ಮಾಡಬಾರದು ಎಂಬುದು ಸರ್ಕಾರಕ್ಕೆ ನನ್ನ ಸಲಹೆ’ ಎಂದು ತಿಳಿಸಿದರು.