<p><strong>ಕೊಲ್ಲಂ:</strong>ದಕ್ಷಿಣ ಕೇರಳದ ಕೊಲ್ಲಂ ಬಳಿಯ ರಾಷ್ಟ್ರೀಯ ಹೆದ್ದಾರಿ ಬಳಿ ನೀವು ಹೋದರೆ, ಕೊರವ ಕುಟುಂಬಕ್ಕೆ ಸೇರಿದ ಹತ್ತು ವರ್ಷದ ಮಕ್ಕಳು ಆಡುತ್ತಿರುವುದು ನಿಮ್ಮ ಕಣ್ಣಿಗೆ ಬೀಳುತ್ತದೆ. ಪ್ಯಾಂಟು, ಜೀನ್ಸ್ ಪ್ಯಾಂಟು, ಶರ್ಟ್, ಚಡ್ಡಿಯನ್ನು ತೊಟ್ಟಿರುತ್ತಾರೆ. ಅವರ ಬಟ್ಟೆ, ಕೇಶವಿನ್ಯಾಸ ನೋಡಿ ನೀವು ಈ ಮಕ್ಕಳನ್ನು ಬಾಲಕರು ಎಂದುಕೊಂಡರೆ ನಿಮ್ಮ ಊಹೆ ತಪ್ಪು. ಅವರು ಬಾಲಕಿಯರು.</p>.<p>ಹುಡುಗಿಯರ ರಕ್ಷಣೆಯ ಉದ್ದೇಶದಿಂದ ಅವರಿಗೆ ಬಾಲಕರ ವೇಷ ಹಾಕಿದ್ದಾರೆ ಅವರ ಪೋಷಕರು. ರಾಜಸ್ಥಾನದಿಂದ ಇಲ್ಲಿನ ಒಚಿರಾಗೆ ವಲಸೆ ಬಂದಿರುವ ಕೊರವ ಕುಟುಂಬದ ಹೆಣ್ಣುಮಕ್ಕಳು ಬಾಲಕರ ವೇಷದಲ್ಲಿ ತಿರುಗಾಡುತ್ತಿದ್ದಾರೆ.</p>.<p>ಯುವಕನೊಬ್ಬ ಈ ಕುಟುಂಬದ ಸದಸ್ಯರ ಮೇಲೆ ದಾಳಿ ನಡೆಸಿ,15 ವರ್ಷದ ಬಾಲಕಿಯನ್ನು ಅಪಹರಿಸಿದ್ದರಿಂದ ಈ ಕುಟುಂಬ ಇತ್ತೀಚೆಗೆ ಸುದ್ದಿಯಲ್ಲಿತ್ತು. ಆ ಯುವಕ ಸ್ಥಳೀಯ ಸಿಪಿಎಂ ನಾಯಕನ ಮಗನಾಗಿದ್ದರಿಂದ ಈ ಘಟನೆ ಕುರಿತು ಕಾಂಗ್ರೆಸ್ ಮತ್ತು ಬಿಜೆಪಿ ಗಲಾಟೆ ಮಾಡಿದ್ದವು. ಪ್ರತಿಭಟನೆಯನ್ನೂ ನಡೆಸಿದ್ದವು.</p>.<p>ಆದರೆ, ಯುವಕ ಮತ್ತು ಆ ಬಾಲಕಿ ಪರಸ್ಪರ ಪ್ರೀತಿಸುತ್ತಿದ್ದರು ಎಂಬ ವದಂತಿಯೂ ಹಬ್ಬಿತ್ತು.</p>.<p>ಬಾಲಕಿ ಮತ್ತು ಯುವಕನನ್ನು ಪೊಲೀಸರು ಇನ್ನೂ ಪತ್ತೆಹಚ್ಚಿಲ್ಲ. ಇವರಿಗಾಗಿ ಕರ್ನಾಟಕ, ರಾಜಸ್ಥಾನ ಮತ್ತು ಮಹಾರಾಷ್ಟ್ರದಲ್ಲಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.</p>.<p>ಪ್ಲಾಸ್ಟರ್ ಆಫ್ ಪ್ಯಾರಿಸ್ನಿಂದ ತಯಾರಿಸಿರುವ ಗೊಂಬೆಗಳನ್ನು ಮಾರಾಟ ಮಾಡುವ ಈ ಕುಟುಂಬದಲ್ಲಿ ಪತಿ, ಪತ್ನಿ ಮತ್ತು ಏಳು ಮಕ್ಕಳು ಇವೆ. ಈ ಪೈಕಿ ಐವರು 5ರಿಂದ 15ವರ್ಷದ ಹೆಣ್ಣುಮಕ್ಕಳಿದ್ದಾರೆ. ಮೂರು ವರ್ಷಗಳಿಂದ ಈ ಕುಟುಂಬ ಒಚಿರಾದಲ್ಲಿ ವಾಸವಿದೆ.</p>.<p>‘ಯುವಕರಿಂದ ಮಕ್ಕಳನ್ನು ರಕ್ಷಿಸಲು ಹೀಗೆ ಬಾಲಕರ ಉಡುಪನ್ನು ಹಾಕಲಾಗಿದೆ. ರಸ್ತೆ ಬದಿ ಗೊಂಬೆಗಳನ್ನು ಮಾರಾಟ ಮಾಡುವಾಗ ಈ ಮಕ್ಕಳು ಅಪ್ಪನಿಗೆ ನೆರವು ನೀಡುತ್ತವೆ’ ಎಂದು ಸರ್ಕಾರಿ ನೌಕರರೊಬ್ಬರು ಹೇಳಿದ್ದಾರೆ.</p>.<p>ಯುವಕರು ಚುಡಾಯಿಸುವುದರಿಂದ ತಪ್ಪಿಸಿಕೊಳ್ಳಲು ಮಕ್ಕಳಿಗೆ ಬಾಲಕರ ಉಡುಪು ಹಾಕಿಸುವಂತೆ ಸ್ಥಳೀಯ ಪೊಲೀಸರೇ ಸಲಹೆ ನೀಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೊಲ್ಲಂ:</strong>ದಕ್ಷಿಣ ಕೇರಳದ ಕೊಲ್ಲಂ ಬಳಿಯ ರಾಷ್ಟ್ರೀಯ ಹೆದ್ದಾರಿ ಬಳಿ ನೀವು ಹೋದರೆ, ಕೊರವ ಕುಟುಂಬಕ್ಕೆ ಸೇರಿದ ಹತ್ತು ವರ್ಷದ ಮಕ್ಕಳು ಆಡುತ್ತಿರುವುದು ನಿಮ್ಮ ಕಣ್ಣಿಗೆ ಬೀಳುತ್ತದೆ. ಪ್ಯಾಂಟು, ಜೀನ್ಸ್ ಪ್ಯಾಂಟು, ಶರ್ಟ್, ಚಡ್ಡಿಯನ್ನು ತೊಟ್ಟಿರುತ್ತಾರೆ. ಅವರ ಬಟ್ಟೆ, ಕೇಶವಿನ್ಯಾಸ ನೋಡಿ ನೀವು ಈ ಮಕ್ಕಳನ್ನು ಬಾಲಕರು ಎಂದುಕೊಂಡರೆ ನಿಮ್ಮ ಊಹೆ ತಪ್ಪು. ಅವರು ಬಾಲಕಿಯರು.</p>.<p>ಹುಡುಗಿಯರ ರಕ್ಷಣೆಯ ಉದ್ದೇಶದಿಂದ ಅವರಿಗೆ ಬಾಲಕರ ವೇಷ ಹಾಕಿದ್ದಾರೆ ಅವರ ಪೋಷಕರು. ರಾಜಸ್ಥಾನದಿಂದ ಇಲ್ಲಿನ ಒಚಿರಾಗೆ ವಲಸೆ ಬಂದಿರುವ ಕೊರವ ಕುಟುಂಬದ ಹೆಣ್ಣುಮಕ್ಕಳು ಬಾಲಕರ ವೇಷದಲ್ಲಿ ತಿರುಗಾಡುತ್ತಿದ್ದಾರೆ.</p>.<p>ಯುವಕನೊಬ್ಬ ಈ ಕುಟುಂಬದ ಸದಸ್ಯರ ಮೇಲೆ ದಾಳಿ ನಡೆಸಿ,15 ವರ್ಷದ ಬಾಲಕಿಯನ್ನು ಅಪಹರಿಸಿದ್ದರಿಂದ ಈ ಕುಟುಂಬ ಇತ್ತೀಚೆಗೆ ಸುದ್ದಿಯಲ್ಲಿತ್ತು. ಆ ಯುವಕ ಸ್ಥಳೀಯ ಸಿಪಿಎಂ ನಾಯಕನ ಮಗನಾಗಿದ್ದರಿಂದ ಈ ಘಟನೆ ಕುರಿತು ಕಾಂಗ್ರೆಸ್ ಮತ್ತು ಬಿಜೆಪಿ ಗಲಾಟೆ ಮಾಡಿದ್ದವು. ಪ್ರತಿಭಟನೆಯನ್ನೂ ನಡೆಸಿದ್ದವು.</p>.<p>ಆದರೆ, ಯುವಕ ಮತ್ತು ಆ ಬಾಲಕಿ ಪರಸ್ಪರ ಪ್ರೀತಿಸುತ್ತಿದ್ದರು ಎಂಬ ವದಂತಿಯೂ ಹಬ್ಬಿತ್ತು.</p>.<p>ಬಾಲಕಿ ಮತ್ತು ಯುವಕನನ್ನು ಪೊಲೀಸರು ಇನ್ನೂ ಪತ್ತೆಹಚ್ಚಿಲ್ಲ. ಇವರಿಗಾಗಿ ಕರ್ನಾಟಕ, ರಾಜಸ್ಥಾನ ಮತ್ತು ಮಹಾರಾಷ್ಟ್ರದಲ್ಲಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.</p>.<p>ಪ್ಲಾಸ್ಟರ್ ಆಫ್ ಪ್ಯಾರಿಸ್ನಿಂದ ತಯಾರಿಸಿರುವ ಗೊಂಬೆಗಳನ್ನು ಮಾರಾಟ ಮಾಡುವ ಈ ಕುಟುಂಬದಲ್ಲಿ ಪತಿ, ಪತ್ನಿ ಮತ್ತು ಏಳು ಮಕ್ಕಳು ಇವೆ. ಈ ಪೈಕಿ ಐವರು 5ರಿಂದ 15ವರ್ಷದ ಹೆಣ್ಣುಮಕ್ಕಳಿದ್ದಾರೆ. ಮೂರು ವರ್ಷಗಳಿಂದ ಈ ಕುಟುಂಬ ಒಚಿರಾದಲ್ಲಿ ವಾಸವಿದೆ.</p>.<p>‘ಯುವಕರಿಂದ ಮಕ್ಕಳನ್ನು ರಕ್ಷಿಸಲು ಹೀಗೆ ಬಾಲಕರ ಉಡುಪನ್ನು ಹಾಕಲಾಗಿದೆ. ರಸ್ತೆ ಬದಿ ಗೊಂಬೆಗಳನ್ನು ಮಾರಾಟ ಮಾಡುವಾಗ ಈ ಮಕ್ಕಳು ಅಪ್ಪನಿಗೆ ನೆರವು ನೀಡುತ್ತವೆ’ ಎಂದು ಸರ್ಕಾರಿ ನೌಕರರೊಬ್ಬರು ಹೇಳಿದ್ದಾರೆ.</p>.<p>ಯುವಕರು ಚುಡಾಯಿಸುವುದರಿಂದ ತಪ್ಪಿಸಿಕೊಳ್ಳಲು ಮಕ್ಕಳಿಗೆ ಬಾಲಕರ ಉಡುಪು ಹಾಕಿಸುವಂತೆ ಸ್ಥಳೀಯ ಪೊಲೀಸರೇ ಸಲಹೆ ನೀಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
