‘ಕಳೆದ ಎರಡು ದಶಕದಲ್ಲಿ ಈ ವಜ್ರದ ಮೌಲ್ಯ ಶೇ 500ರಷ್ಟು ಅಧಿಕವಾಗಿದೆ. ಇದೀಗ ಗಣಿಯ ಕಾರ್ಯವನ್ನು ಸ್ಥಗಿತಗೊಳಿಸಿ, ಈ ಭೂಮಿಯನ್ನು ಮತ್ತೆ ಪುನಃಸ್ಥಾಪಿಸಿ ಅದರ ಮೂಲವಾರಸುದಾರರಿಗೆ ಮರಳಿಸುತ್ತೇವೆ’ ಎಂದು ಗಣಿ ವ್ಯವಸ್ಥಾಪಕ ಆ್ಯಂಡ್ರೂ ವಿಲ್ಸನ್ ತಿಳಿಸಿದರು. ಆರ್ಗೈಲ್ ಗಣಿ ಮುಚ್ಚಿದ ಕಾರಣ ಗುಲಾಬಿ ವಜ್ರದ ದರವು ಮತ್ತಷ್ಟು ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ಚಿನ್ನಾಭರಣ ತಯಾರಕರು ತಿಳಿಸಿದ್ದಾರೆ. ಪ್ರಸ್ತುತ ಪ್ರತಿ ಕ್ಯಾರೆಟ್ ನಸುಗೆಂಪು ಬಣ್ಣದ ವಜ್ರದ ಬೆಲೆ ₹30 ಲಕ್ಷವಿದೆ.