ರಾಮಮಂದಿರದತ್ತ ಹರಿದುಬಂದ ಭಕ್ತಸಾಗರ: ಅಯೋಧ್ಯೆಗೆ ಧಾವಿಸಿದ ಸಿಎಂ ಆದಿತ್ಯನಾಥ

ರಾಮ ಮಂದಿರದಲ್ಲಿನ ರಾಮ ವಿಗ್ರಹವನ್ನು ಇನ್ನು ಮುಂದೆ ‘ಬಾಲರಾಮ’ ಎಂದು ಕರೆಯಲಾಗುತ್ತದೆ. ಹಿಂದಿಯಲ್ಲಿ ಇದುವರೆಗೆ ‘ರಾಮ ಲಲ್ಲಾ’ ಎಂದು ಕರೆಯಲಾಗುತ್ತಿತ್ತು. ಮಂದಿರದಲ್ಲಿ ಇರುವ ರಾಮಮೂರ್ತಿಯು ಐದು ವರ್ಷ ವಯಸ್ಸಿನ ರಾಮನನ್ನು ಪ್ರತಿನಿಧಿಸುವ ಕಾರಣ, ‘ಬಾಲರಾಮ’ ಎಂಬ ಹೆಸರಿನಲ್ಲಿ ಆತನನ್ನು ಕರೆಯಲಾಗುತ್ತದೆ ಎಂದು ಮಂದಿರದ ಪುರೋಹಿತರೊಬ್ಬರು ತಿಳಿಸಿದ್ದಾರೆ. ಬಾಲರಾಮನ ಅಂಗವಸ್ತ್ರಕ್ಕೆ ಬಂಗಾರದ ಎಳೆಗಳ ಝರಿಯಿಂದ ಅಲಂಕಾರ ಮಾಡಲಾಗಿದೆ. ಬಾಲರಾಮನಿಗೆ ಚಿನ್ನದ ಕಿರೀಟ ತೊಡಿಸಲಾಗಿದೆ. ಅಡಿಯಿಂದ ಮುಡಿಯವರೆಗೆ ಚಿನ್ನದ ಆಭರಣ ಹೊದಿಸಲಾಗಿದೆ.