ವಾಟ್ಸ್ಆ್ಯಪ್ ತಂತ್ರಾಂಶದಲ್ಲಿ ಕಾರ್ಯವೈಖರಿಯನ್ನು ಬದಲಾಯಿಸಲಾಗಿದೆ. ಆ ಬಳಿಕ ವಾಟ್ಸ್ಆ್ಯಪ್ ವಾಯ್ಸ್ ಕಾಲ್ ಮೂಲಕ ಕುತಂತ್ರಾಂಶ (ಸ್ಪೈವೇರ್) ಇನ್ಸ್ಟಾಲ್ ಮಾಡಲಾಗಿದೆ. ಇದು ಆ ಫೋನ್ನ ಕರೆ, ಟೆಕ್ಸ್ಟ್ ಮತ್ತು ಇನ್ನಿತರ ಎಲ್ಲಾ ಮಾಹಿತಿಗಳನ್ನು ಕದಿಯುತ್ತದೆ. ಇಷ್ಟು ಮಾತ್ರವಲ್ಲ ಕ್ಯಾಮೆರಾ ಮತ್ತು ಮೈಕ್ರೊಫೋನ್ ಅನ್ನು ತನ್ನಷ್ಟಕ್ಕೇ ಸಕ್ರಿಯಗೊಳಿಸಿ ಬಳಕೆದಾರನ ಚಟುವಟಿಕೆಗಳನ್ನು ದಾಖಲಿಸಿಕೊಂಡು ದುರುಪಯೋಗಪಡಿಸಿಕೊಳ್ಳಲಾಗಿದೆ. ವಾಟ್ಸ್ಆ್ಯಪ್ ಅಥವಾ ವಾಟ್ಸ್ಆ್ಯಪ್ ಬಿಸಿನೆಸ್ ಇನ್ಸ್ಟಾಲ್ ಮಾಡಿರುವ ಆ್ಯಪಲ್, ಆಂಡ್ರಾಯ್ಡ್, ವಿಂಡೋಸ್ ಒಳಗೊಂಡು ಎಲ್ಲಾ ಬಗೆಯ ಎಲ್ಲಾ ಸ್ಮಾರ್ಟ್ಫೋನ್ಗಳೂ ಈ ಕುತಂತ್ರಾಂಶದ ದಾಳಿಗೆ ತುತ್ತಾಗಿವೆ ಎಂದು ವಾಟ್ಸ್ಆ್ಯಪ್ ಒಡೆತನದ ಸಂಸ್ಥೆಫೇಸ್ಬುಕ್ ಹಿಂದೊಮ್ಮೆಹೇಳಿತ್ತು.