<p><strong>ನವದೆಹಲಿ:</strong> 2023–24ನೇ ಹಣಕಾಸು ವರ್ಷದಲ್ಲಿ ಆರು ರಾಷ್ಟ್ರೀಯ ಪಕ್ಷಗಳು ಒಟ್ಟು ₹5,820 ಕೋಟಿ ಆದಾಯ ಗಳಿಸಿರುವುದಾಗಿ ಘೋಷಿಸಿಕೊಂಡಿವೆ. ಈ ಪೈಕಿ ಬಿಜೆಪಿಯ ಆದಾಯವು ಒಟ್ಟು ₹4,340 ಕೋಟಿ. ಅಂದರೆ ಆರು ರಾಷ್ಟ್ರೀಯ ಪಕ್ಷಗಳ ಒಟ್ಟು ಆದಾಯದ ಶೇಕಡ 75ರಷ್ಟಿದೆ ಎಂದು ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಸಂಸ್ಥೆಯ ವರದಿ ತಿಳಿಸಿದೆ. </p><p>2022–23ನೇ ಹಣಕಾಸು ವರ್ಷದಲ್ಲಿ ಆರು ರಾಷ್ಟ್ರೀಯ ಪಕ್ಷಗಳು ಒಟ್ಟು ₹3,077 ಕೋಟಿ ಆದಾಯ ಗಳಿಸಿರುವುದಾಗಿ ಘೋಷಿಸಿಕೊಂಡಿದ್ದವು. ಈ ಪೈಕಿ ಬಿಜೆಪಿಯ ಆದಾಯವು ಒಟ್ಟು ₹2,361 ಕೋಟಿಯಷ್ಟಿತ್ತು. ಆದರೆ, ಈ ಬಾರಿ ಬಿಜೆಪಿಯ ಆದಾಯವು ಶೇ 83.85ರಷ್ಟು ಹೆಚ್ಚಾಗಿದೆ ಎಂದು ಎಡಿಆರ್ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. </p><p>ಅತಿ ಹೆಚ್ಚು ಆದಾಯ ಇರುವ ಎರಡನೇ ಪಕ್ಷವಾಗಿ ಕಾಂಗ್ರೆಸ್ ಗುರುತಿಸಿಕೊಂಡಿದೆ. ಈ ಪಕ್ಷವು 2023–24ನೇ ಹಣಕಾಸು ವರ್ಷದಲ್ಲಿ ₹1,225 ಕೋಟಿ ಆದಾಯ ಗಳಿಸಿದೆ. 2022-23ನೇ ಸಾಲಿನಲ್ಲಿ ₹772.74 ಕೋಟಿಯಷ್ಟಿತ್ತು. </p><p>ಈ ಬಾರಿ ಸಿಪಿಐ(ಎಂ) ₹167.63 ಕೋಟಿ ಆದಾಯ ಘೋಷಿಸಿದ್ದು, ಬಿಎಸ್ಪಿ ₹64.77 ಕೋಟಿ, ಎಎಪಿ ₹22.68 ಕೋಟಿ ಮತ್ತು ನ್ಯಾಷನಲ್ ಪೀಪಲ್ಸ್ ಪಾರ್ಟಿ (ಎನ್ಪಿಪಿ) ₹22.44 ಲಕ್ಷ ಆದಾಯ ಗಳಿಸಿದೆ.</p><p>ಸ್ವಯಂಪ್ರೇರಿತ ಕೊಡುಗೆಯಾಗಿ ಬಿಜೆಪಿ ₹3,967.14 ಕೋಟಿ, ಕಾಂಗ್ರೆಸ್ ₹11,129 ಕೋಟಿ, ಸಿಪಿಐ(ಎಂ) ₹74.86 ಕೋಟಿ, ಎಎಪಿ ₹22.13 ಕೋಟಿ ಮತ್ತು ಎನ್ಪಿಪಿ ₹17.69 ಲಕ್ಷ ಗಳಿಸಿದೆ. ಇದರಲ್ಲಿ ಬಿಜೆಪಿ ₹1,685.62 ಕೋಟಿ ಅಥವಾ ಒಟ್ಟು ಆದಾಯದ ಶೇ 38.84ರಷ್ಟು ಚುನಾವಣಾ ಬಾಂಡ್ಗಳ ಮೂಲಕ ಪಡೆದರೆ, ಕಾಂಗ್ರೆಸ್ ₹828.36 ಕೋಟಿ (ಶೇ 67.61) ಗಳಿಸಿದೆ. ಎಎಪಿ ಚುನಾವಣಾ ಬಾಂಡ್ಗಳ ಮೂಲಕ ₹10.15 ಕೋಟಿ ಪಡೆದಿರುವುದಾಗಿ ಘೋಷಿಸಿದೆ. ಉಳಿದಂತೆ ಸಿಪಿಐ(ಎಂ), ಬಿಎಸ್ಪಿ ಮತ್ತು ಎನ್ಸಿಪಿ ಚುನಾವಣಾ ಬಾಂಡ್ಗಳ ಮೂಲಕ ಯಾವುದೇ ಹಣ ಸ್ವೀಕರಿಸಿಲ್ಲ.</p><p>ಬಿಜೆಪಿಯ ಮತ್ತೊಂದು ಪ್ರಮುಖ ಆದಾಯದ ಮೂಲವೆಂದರೆ ಠೇವಣಿಗಳ ಮೇಲಿನ ಬಡ್ಡಿ ₹369 ಕೋಟಿ ಆಗಿದ್ದರೆ, ಕೂಪನ್ಗಳನ್ನು ನೀಡುವ ಮೂಲಕ ಕಾಂಗ್ರೆಸ್ ₹58.55 ಕೋಟಿ ಸಂಗ್ರಹಿಸಿದೆ. ಪಕ್ಷದ ಚಂದಾದಾರಿಕೆಯ ಮೂಲಕ ಸಿಪಿಐ(ಎಂ) ₹49.08 ಕೋಟಿ ಗಳಿಸಿದ್ದರೆ, ಬಿಎಸ್ಪಿ ಬ್ಯಾಂಕ್ ಬಡ್ಡಿ ಮೂಲಕ ₹38.18 ಕೋಟಿ ಗಳಿಸಿದೆ. </p><p>ಬಿಜೆಪಿ, ಕಾಂಗ್ರೆಸ್ ಮತ್ತು ಸಿಪಿಐ(ಎಂ) ಆದಾಯದಲ್ಲಿ ಹೆಚ್ಚಳ ಕಂಡರೆ, ಎಎಪಿ, ಎನ್ಪಿಪಿ ಮತ್ತು ಬಿಎಸ್ಪಿ ಕೂಡ 2022-23ಕ್ಕೆ ಹೋಲಿಸಿದರೆ ಆದಾಯದಲ್ಲಿ ಕುಸಿತ ದಾಖಲಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> 2023–24ನೇ ಹಣಕಾಸು ವರ್ಷದಲ್ಲಿ ಆರು ರಾಷ್ಟ್ರೀಯ ಪಕ್ಷಗಳು ಒಟ್ಟು ₹5,820 ಕೋಟಿ ಆದಾಯ ಗಳಿಸಿರುವುದಾಗಿ ಘೋಷಿಸಿಕೊಂಡಿವೆ. ಈ ಪೈಕಿ ಬಿಜೆಪಿಯ ಆದಾಯವು ಒಟ್ಟು ₹4,340 ಕೋಟಿ. ಅಂದರೆ ಆರು ರಾಷ್ಟ್ರೀಯ ಪಕ್ಷಗಳ ಒಟ್ಟು ಆದಾಯದ ಶೇಕಡ 75ರಷ್ಟಿದೆ ಎಂದು ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಸಂಸ್ಥೆಯ ವರದಿ ತಿಳಿಸಿದೆ. </p><p>2022–23ನೇ ಹಣಕಾಸು ವರ್ಷದಲ್ಲಿ ಆರು ರಾಷ್ಟ್ರೀಯ ಪಕ್ಷಗಳು ಒಟ್ಟು ₹3,077 ಕೋಟಿ ಆದಾಯ ಗಳಿಸಿರುವುದಾಗಿ ಘೋಷಿಸಿಕೊಂಡಿದ್ದವು. ಈ ಪೈಕಿ ಬಿಜೆಪಿಯ ಆದಾಯವು ಒಟ್ಟು ₹2,361 ಕೋಟಿಯಷ್ಟಿತ್ತು. ಆದರೆ, ಈ ಬಾರಿ ಬಿಜೆಪಿಯ ಆದಾಯವು ಶೇ 83.85ರಷ್ಟು ಹೆಚ್ಚಾಗಿದೆ ಎಂದು ಎಡಿಆರ್ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. </p><p>ಅತಿ ಹೆಚ್ಚು ಆದಾಯ ಇರುವ ಎರಡನೇ ಪಕ್ಷವಾಗಿ ಕಾಂಗ್ರೆಸ್ ಗುರುತಿಸಿಕೊಂಡಿದೆ. ಈ ಪಕ್ಷವು 2023–24ನೇ ಹಣಕಾಸು ವರ್ಷದಲ್ಲಿ ₹1,225 ಕೋಟಿ ಆದಾಯ ಗಳಿಸಿದೆ. 2022-23ನೇ ಸಾಲಿನಲ್ಲಿ ₹772.74 ಕೋಟಿಯಷ್ಟಿತ್ತು. </p><p>ಈ ಬಾರಿ ಸಿಪಿಐ(ಎಂ) ₹167.63 ಕೋಟಿ ಆದಾಯ ಘೋಷಿಸಿದ್ದು, ಬಿಎಸ್ಪಿ ₹64.77 ಕೋಟಿ, ಎಎಪಿ ₹22.68 ಕೋಟಿ ಮತ್ತು ನ್ಯಾಷನಲ್ ಪೀಪಲ್ಸ್ ಪಾರ್ಟಿ (ಎನ್ಪಿಪಿ) ₹22.44 ಲಕ್ಷ ಆದಾಯ ಗಳಿಸಿದೆ.</p><p>ಸ್ವಯಂಪ್ರೇರಿತ ಕೊಡುಗೆಯಾಗಿ ಬಿಜೆಪಿ ₹3,967.14 ಕೋಟಿ, ಕಾಂಗ್ರೆಸ್ ₹11,129 ಕೋಟಿ, ಸಿಪಿಐ(ಎಂ) ₹74.86 ಕೋಟಿ, ಎಎಪಿ ₹22.13 ಕೋಟಿ ಮತ್ತು ಎನ್ಪಿಪಿ ₹17.69 ಲಕ್ಷ ಗಳಿಸಿದೆ. ಇದರಲ್ಲಿ ಬಿಜೆಪಿ ₹1,685.62 ಕೋಟಿ ಅಥವಾ ಒಟ್ಟು ಆದಾಯದ ಶೇ 38.84ರಷ್ಟು ಚುನಾವಣಾ ಬಾಂಡ್ಗಳ ಮೂಲಕ ಪಡೆದರೆ, ಕಾಂಗ್ರೆಸ್ ₹828.36 ಕೋಟಿ (ಶೇ 67.61) ಗಳಿಸಿದೆ. ಎಎಪಿ ಚುನಾವಣಾ ಬಾಂಡ್ಗಳ ಮೂಲಕ ₹10.15 ಕೋಟಿ ಪಡೆದಿರುವುದಾಗಿ ಘೋಷಿಸಿದೆ. ಉಳಿದಂತೆ ಸಿಪಿಐ(ಎಂ), ಬಿಎಸ್ಪಿ ಮತ್ತು ಎನ್ಸಿಪಿ ಚುನಾವಣಾ ಬಾಂಡ್ಗಳ ಮೂಲಕ ಯಾವುದೇ ಹಣ ಸ್ವೀಕರಿಸಿಲ್ಲ.</p><p>ಬಿಜೆಪಿಯ ಮತ್ತೊಂದು ಪ್ರಮುಖ ಆದಾಯದ ಮೂಲವೆಂದರೆ ಠೇವಣಿಗಳ ಮೇಲಿನ ಬಡ್ಡಿ ₹369 ಕೋಟಿ ಆಗಿದ್ದರೆ, ಕೂಪನ್ಗಳನ್ನು ನೀಡುವ ಮೂಲಕ ಕಾಂಗ್ರೆಸ್ ₹58.55 ಕೋಟಿ ಸಂಗ್ರಹಿಸಿದೆ. ಪಕ್ಷದ ಚಂದಾದಾರಿಕೆಯ ಮೂಲಕ ಸಿಪಿಐ(ಎಂ) ₹49.08 ಕೋಟಿ ಗಳಿಸಿದ್ದರೆ, ಬಿಎಸ್ಪಿ ಬ್ಯಾಂಕ್ ಬಡ್ಡಿ ಮೂಲಕ ₹38.18 ಕೋಟಿ ಗಳಿಸಿದೆ. </p><p>ಬಿಜೆಪಿ, ಕಾಂಗ್ರೆಸ್ ಮತ್ತು ಸಿಪಿಐ(ಎಂ) ಆದಾಯದಲ್ಲಿ ಹೆಚ್ಚಳ ಕಂಡರೆ, ಎಎಪಿ, ಎನ್ಪಿಪಿ ಮತ್ತು ಬಿಎಸ್ಪಿ ಕೂಡ 2022-23ಕ್ಕೆ ಹೋಲಿಸಿದರೆ ಆದಾಯದಲ್ಲಿ ಕುಸಿತ ದಾಖಲಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
