<p><strong>ಕಲಬುರ್ಗಿ/ಮೈಸೂರು: </strong>ಕಲ್ಯಾಣ ಕರ್ನಾಟಕ, ಮಲೆನಾಡು ಭಾಗದ ಕಾಡಂಚಿನ ಜಿಲ್ಲೆಗಳು ಹಾಗೂ ರಾಜ್ಯದ ಗ್ರಾಮೀಣ ಪ್ರದೇಶದ ಮಕ್ಕಳಿಗೆಆನ್ಲೈನ್ ಪಾಠ ಮರೀಚಿಕೆಯಾಗಿದೆ.</p>.<p>ಚಾಮರಾಜನಗರ ಜಿಲ್ಲೆಯ ಹನೂರು, ಗುಂಡ್ಲುಪೇಟೆ ತಾಲ್ಲೂಕುಗಳ ಕಾಡಂಚಿನ ಪ್ರದೇಶಗಳು, ಕೊಡಗು ಜಿಲ್ಲೆಯ ತೆರ್ಮೆಮೊಟ್ಟೆ, ಪಾಲಂಗಾಲ, ಬಾರಿಕಾಡು, ಕೊಟ್ಟೋಳಿ, ಹಾಸನ ಜಿಲ್ಲೆಯ ಮಲೆನಾಡು ಪ್ರದೇಶದ ಸಕಲೇಶಪುರ, ಆಲೂರು ಭಾಗದಲ್ಲಿ ಕಾಲೇಜು ವಿದ್ಯಾರ್ಥಿಗಳು ಆನ್ಲೈನ್ ಪಾಠ ಕೇಳಲು ಬೆಟ್ಟಗುಡ್ಡಗಳನ್ನು ಎಡತಾಕಬೇಕು. ಮರ ಹತ್ತಬೇಕು!</p>.<p>ಹೆತ್ತೂರು, ಶುಕ್ರವಾರಸಂತೆ, ಯಸಳೂರು ಹೋಬಳಿಗಳಲ್ಲಿ ಕಾಡಾನೆ ಹಾವಳಿಯ ಭಯ. ಪದವಿಯ ಪ್ರಾಯೋಗಿಕ ತರಗತಿಗಳಿಗೆ ವಿದ್ಯಾರ್ಥಿಗಳೇ ಕಡಿಮೆ. ಪ್ರೌಢ ಶಾಲೆ, ಪಿಯು ಹಂತದ ವಿದ್ಯಾರ್ಥಿಗಳ ಪೈಕಿ ಹಲವರಲ್ಲಿ ಸ್ಮಾರ್ಟ್ಫೋನ್ಗಳಿಲ್ಲ. ಮನೆಯ ಹಿರಿಯರ ಫೋನ್ನಲ್ಲಿರುವ ಇಂಟರ್ನೆಟ್ ಡೇಟಾ ಸಾಕಾಗುವುದಿಲ್ಲ.</p>.<p>ಆನ್ಲೈನ್ ತರಗತಿಗಳು ಶುರುವಾಗುವ ಹೊತ್ತಿಗೇ ಕುಟುಂಬದ ಮುಖ್ಯಸ್ಥರು ಫೋನ್ ಜೊತೆಗೆ ಹೊರಗೆ ಹೋಗುವುದೇ ಹೆಚ್ಚು. ಕೆಲವರು ಮಕ್ಕಳಿಗೆಂದೇ ಫೋನ್ ಕೊಡಿಸಿದ್ದರೂ ಹಳ್ಳಿಗಳಲ್ಲಿ 3ಜಿ, 4ಜಿ ವೇಗದ ಇಂಟರ್ನೆಟ್ ಸೌಲಭ್ಯವಿಲ್ಲ. ಝೂಮ್, ಗೂಗಲ್ ಮೀಟ್, ವಾಯ್ಸ್, ಯೂಟ್ಯೂಬ್ ಮೊಬೈಲ್ ಅಪ್ಲಿಕೇಶನ್ಗಳು ತೆರೆದುಕೊಳ್ಳುವುದಿಲ್ಲ.</p>.<p>ತೆಲಂಗಾಣ ಗಡಿಯಲ್ಲಿರುವ ಬೀದರ್ ಜಿಲ್ಲೆಯ ಔರಾದ್ ತಾಲ್ಲೂಕಿನ ಕೊಳ್ಳೂರಿನ ಪೋಷಕ ಬಾಬುರಾವ್ ಶೆಂಬೆಳ್ಳಿ ಪ್ರಕಾರ, ‘ಕರ್ನಾಟಕದ ನೆಟ್ವರ್ಕ್ ಸರಿಯಾಗಿ ಸಿಗುವುದಿಲ್ಲ. ಆಗಾಗ ತೆಲಂಗಾಣದ ನೆಟ್ವರ್ಕ್ ಬಂದರೂ ಉಪಯೋಗವಾಗುವುದಿಲ್ಲ. ಮಕ್ಕಳು ಮಾಳಿಗೆ ಏರಲೇಬೇಕು’.</p>.<p>‘ಆನ್ಲೈನ್ ತರಗತಿಗಳಿಗೆ ಅರ್ಧ ದಷ್ಟು ವಿದ್ಯಾರ್ಥಿಗಳು ಹಾಜರಾಗುತ್ತಿ ದ್ದಾರೆ. ಕೆಲವರು ಪರೀಕ್ಷೆಗಷ್ಟೇ ಬರುತ್ತಿ ದ್ದಾರೆ. ಆನ್ಲೈನ್ ಪಾಠ ಶುರುವಾದ ಬಳಿಕ ಒತ್ತಡ ಹೆಚ್ಚಾಗಿದೆ’ ಎಂದು ರಾಯಚೂರಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಉಪನ್ಯಾಸಕ ಡಾ.ಜೆ.ಎಲ್.ವೀರಣ್ಣ ಹೇಳಿದರು.</p>.<p>‘ನಗರದ ವಿದ್ಯಾರ್ಥಿಗಳಲ್ಲಿ ಸ್ಮಾರ್ಟ್ಫೋನ್ಗಳಿವೆ. ಹಳ್ಳಿಗಳ ಕಡುಬಡವರು ಮಕ್ಕಳಿಗೆ ಸ್ಮಾರ್ಟ್ ಫೋನ್ ಕೊಡಿಸು ವುದನ್ನು ಕನಸಿನಲ್ಲೂ ಯೋಚಿಸಲಾರರು’ ಎನ್ನುತ್ತಾರೆ ಗುಲಬರ್ಗಾ ವಿಶ್ವವಿದ್ಯಾಲಯದ ಕಲಾ ನಿಕಾಯದ ಡೀನ್ ಪ್ರೊ.ಎಚ್.ಟಿ. ಪೋತೆ.</p>.<p>‘ಪಿ.ಯು.ಗೆ ಭೌತಿಕ ತರಗತಿಗಳು ಆರಂಭವಾಗಿಲ್ಲ. ವಿಜ್ಞಾನ ವಿಭಾಗದ ವರಿಗೆ ಪ್ರಾಯೋಗಿಕ ತರಗತಿ ನಡೆಸಲು ಆಗುತ್ತಿಲ್ಲ. ಕಾಲೇಜಿನಲ್ಲಿ ತರಗತಿ ನಡೆಸಿದಷ್ಟು ತೃಪ್ತಿ ಆನ್ಲೈನ್ ಪಾಠದಲ್ಲಿ ಸಿಗುತ್ತಿಲ್ಲ’ ಎನ್ನುತ್ತಾರೆ ಕಲಬುರ್ಗಿಯ ಸರ್ಕಾರಿ ಬಾಲಕಿಯರ ಪಿಯು ಕಾಲೇಜಿನ ಪ್ರಾಚಾರ್ಯ ದೇವನಗೌಡ ಪಾಟೀಲ.</p>.<p><strong>ನೋ ನೆಟ್ವರ್ಕ್, ನೋ ವೋಟಿಂಗ್!</strong></p>.<p><strong>ಶಿವಮೊಗ್ಗ</strong>: ಇಲ್ಲಿನ ಕುದರೂರು ಜಿಲ್ಲಾ ಪಂಚಾಯ್ತಿ ಕ್ಷೇತ್ರದ ಗ್ರಾಮಗಳಲ್ಲಿ ಮೊಬೈಲ್ ನೆಟ್ವರ್ಕ್ ಸಿಗದೆ, ಕರೂರು ಹೋಬಳಿಯ ಗ್ರಾಮಸ್ಥರು ‘ನೋ ನೆಟ್ವರ್ಕ್, ನೋ ವೋಟಿಂಗ್’ ಎನ್ನುತ್ತಾ ಪಂಚಾಯಿತಿ ಚುನಾವಣೆ ಬಹಿಷ್ಕರಿಸಲು ಮುಂದಾಗಿದ್ದಾರೆ.</p>.<p>ತೀರ್ಥಹಳ್ಳಿ, ಹೊಸನಗರ ತಾಲ್ಲೂಕಿನಲ್ಲಿ ಹಾಜರಾತಿ ದಾಖಲಿಸುವುದೂ ಕಷ್ಟವಾಗಿದೆ. ಸಿಗ್ನಲ್ ಸಿಗುವ ಕಡೆ ಟೆಂಟ್ ನಿರ್ಮಿಸಿ ಪಾಠ ಕೇಳಬೇಕು. ಅಲ್ಲಿ ಸಿಡಿಲು, ಮರ ಬೀಳುವ ಅಪಾಯವೂ ಉಂಟು.</p>.<p>ಶರಾವತಿ ನದಿಯ ಹಿನ್ನೀರಿ ನಿಂದ ಆವೃತವಾಗಿರುವ ಸಾಗರ ತಾಲ್ಲೂಕಿನ ಗ್ರಾಮಗಳಲ್ಲಿ ನೆಟ್ವರ್ಕ್ಗಾಗಿ ನಾಲ್ಕೈದು ಕಿ.ಮೀ. ಹೋಗಬೇಕು. ಬಾಲಕಿಯ ರೊಂದಿಗೆ ಪೋಷಕರೂ ಗುಡ್ಡಕ್ಕೆ ಹೋಗಬೇಕಾಗಿದ್ದು, ಕೃಷಿಗೂ ಹಿನ್ನಡೆಯಾಗಿದೆ.</p>.<p>***</p>.<p><strong>ಅಣ್ಣನ ಫೋನ್ನಲ್ಲಿ ಪಾಠ ಪೂರ್ತಿ ಕೇಳುವುದರೊಳಗೆ 1 ಜಿ ಬಿ ಡೇಟಾ ಮುಗಿದಿರುತ್ತದೆ. ಸ್ಮಾರ್ಟ್ ಫೋನ್ ಇಲ್ಲದವರು ಪಾಠವನ್ನೇ ಕೇಳಿಲ್ಲ.</strong></p>.<p><strong>–ಸುಮಾ ದೇವೇಂದ್ರಪ್ಪ,ದ್ವಿತೀಯ ಪಿಯು ವಿದ್ಯಾರ್ಥಿನಿ, ಕಲಬುರ್ಗಿ ತಾಲ್ಲೂಕಿನ ಜಂಬಗಾ (ಬಿ) ಗ್ರಾಮ</strong></p>.<p>***</p>.<p><strong>(ಪೂರಕ ಮಾಹಿತಿ: ಚಂದ್ರಕಾಂತ ಮಸಾನಿ, ನಾಗರಾಜ ಚಿನಗುಂಡಿ, ಮನೋಜಕುಮಾರ್ ಗುದ್ದಿ, ಕೆ.ಎ.ಆದಿತ್ಯ, ಕೆ.ಎಸ್.ಸುನೀಲ್, ಎಂ.ಎನ್.ಯೋಗೇಶ್, ವಿ.ಸೂರ್ಯನಾರಾಯಣ, ಎನ್.ನವೀನ್ಕುಮಾರ್. ಚಂದ್ರಹಾಸ ಹಿರೇಮಳಲಿ)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಲಬುರ್ಗಿ/ಮೈಸೂರು: </strong>ಕಲ್ಯಾಣ ಕರ್ನಾಟಕ, ಮಲೆನಾಡು ಭಾಗದ ಕಾಡಂಚಿನ ಜಿಲ್ಲೆಗಳು ಹಾಗೂ ರಾಜ್ಯದ ಗ್ರಾಮೀಣ ಪ್ರದೇಶದ ಮಕ್ಕಳಿಗೆಆನ್ಲೈನ್ ಪಾಠ ಮರೀಚಿಕೆಯಾಗಿದೆ.</p>.<p>ಚಾಮರಾಜನಗರ ಜಿಲ್ಲೆಯ ಹನೂರು, ಗುಂಡ್ಲುಪೇಟೆ ತಾಲ್ಲೂಕುಗಳ ಕಾಡಂಚಿನ ಪ್ರದೇಶಗಳು, ಕೊಡಗು ಜಿಲ್ಲೆಯ ತೆರ್ಮೆಮೊಟ್ಟೆ, ಪಾಲಂಗಾಲ, ಬಾರಿಕಾಡು, ಕೊಟ್ಟೋಳಿ, ಹಾಸನ ಜಿಲ್ಲೆಯ ಮಲೆನಾಡು ಪ್ರದೇಶದ ಸಕಲೇಶಪುರ, ಆಲೂರು ಭಾಗದಲ್ಲಿ ಕಾಲೇಜು ವಿದ್ಯಾರ್ಥಿಗಳು ಆನ್ಲೈನ್ ಪಾಠ ಕೇಳಲು ಬೆಟ್ಟಗುಡ್ಡಗಳನ್ನು ಎಡತಾಕಬೇಕು. ಮರ ಹತ್ತಬೇಕು!</p>.<p>ಹೆತ್ತೂರು, ಶುಕ್ರವಾರಸಂತೆ, ಯಸಳೂರು ಹೋಬಳಿಗಳಲ್ಲಿ ಕಾಡಾನೆ ಹಾವಳಿಯ ಭಯ. ಪದವಿಯ ಪ್ರಾಯೋಗಿಕ ತರಗತಿಗಳಿಗೆ ವಿದ್ಯಾರ್ಥಿಗಳೇ ಕಡಿಮೆ. ಪ್ರೌಢ ಶಾಲೆ, ಪಿಯು ಹಂತದ ವಿದ್ಯಾರ್ಥಿಗಳ ಪೈಕಿ ಹಲವರಲ್ಲಿ ಸ್ಮಾರ್ಟ್ಫೋನ್ಗಳಿಲ್ಲ. ಮನೆಯ ಹಿರಿಯರ ಫೋನ್ನಲ್ಲಿರುವ ಇಂಟರ್ನೆಟ್ ಡೇಟಾ ಸಾಕಾಗುವುದಿಲ್ಲ.</p>.<p>ಆನ್ಲೈನ್ ತರಗತಿಗಳು ಶುರುವಾಗುವ ಹೊತ್ತಿಗೇ ಕುಟುಂಬದ ಮುಖ್ಯಸ್ಥರು ಫೋನ್ ಜೊತೆಗೆ ಹೊರಗೆ ಹೋಗುವುದೇ ಹೆಚ್ಚು. ಕೆಲವರು ಮಕ್ಕಳಿಗೆಂದೇ ಫೋನ್ ಕೊಡಿಸಿದ್ದರೂ ಹಳ್ಳಿಗಳಲ್ಲಿ 3ಜಿ, 4ಜಿ ವೇಗದ ಇಂಟರ್ನೆಟ್ ಸೌಲಭ್ಯವಿಲ್ಲ. ಝೂಮ್, ಗೂಗಲ್ ಮೀಟ್, ವಾಯ್ಸ್, ಯೂಟ್ಯೂಬ್ ಮೊಬೈಲ್ ಅಪ್ಲಿಕೇಶನ್ಗಳು ತೆರೆದುಕೊಳ್ಳುವುದಿಲ್ಲ.</p>.<p>ತೆಲಂಗಾಣ ಗಡಿಯಲ್ಲಿರುವ ಬೀದರ್ ಜಿಲ್ಲೆಯ ಔರಾದ್ ತಾಲ್ಲೂಕಿನ ಕೊಳ್ಳೂರಿನ ಪೋಷಕ ಬಾಬುರಾವ್ ಶೆಂಬೆಳ್ಳಿ ಪ್ರಕಾರ, ‘ಕರ್ನಾಟಕದ ನೆಟ್ವರ್ಕ್ ಸರಿಯಾಗಿ ಸಿಗುವುದಿಲ್ಲ. ಆಗಾಗ ತೆಲಂಗಾಣದ ನೆಟ್ವರ್ಕ್ ಬಂದರೂ ಉಪಯೋಗವಾಗುವುದಿಲ್ಲ. ಮಕ್ಕಳು ಮಾಳಿಗೆ ಏರಲೇಬೇಕು’.</p>.<p>‘ಆನ್ಲೈನ್ ತರಗತಿಗಳಿಗೆ ಅರ್ಧ ದಷ್ಟು ವಿದ್ಯಾರ್ಥಿಗಳು ಹಾಜರಾಗುತ್ತಿ ದ್ದಾರೆ. ಕೆಲವರು ಪರೀಕ್ಷೆಗಷ್ಟೇ ಬರುತ್ತಿ ದ್ದಾರೆ. ಆನ್ಲೈನ್ ಪಾಠ ಶುರುವಾದ ಬಳಿಕ ಒತ್ತಡ ಹೆಚ್ಚಾಗಿದೆ’ ಎಂದು ರಾಯಚೂರಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಉಪನ್ಯಾಸಕ ಡಾ.ಜೆ.ಎಲ್.ವೀರಣ್ಣ ಹೇಳಿದರು.</p>.<p>‘ನಗರದ ವಿದ್ಯಾರ್ಥಿಗಳಲ್ಲಿ ಸ್ಮಾರ್ಟ್ಫೋನ್ಗಳಿವೆ. ಹಳ್ಳಿಗಳ ಕಡುಬಡವರು ಮಕ್ಕಳಿಗೆ ಸ್ಮಾರ್ಟ್ ಫೋನ್ ಕೊಡಿಸು ವುದನ್ನು ಕನಸಿನಲ್ಲೂ ಯೋಚಿಸಲಾರರು’ ಎನ್ನುತ್ತಾರೆ ಗುಲಬರ್ಗಾ ವಿಶ್ವವಿದ್ಯಾಲಯದ ಕಲಾ ನಿಕಾಯದ ಡೀನ್ ಪ್ರೊ.ಎಚ್.ಟಿ. ಪೋತೆ.</p>.<p>‘ಪಿ.ಯು.ಗೆ ಭೌತಿಕ ತರಗತಿಗಳು ಆರಂಭವಾಗಿಲ್ಲ. ವಿಜ್ಞಾನ ವಿಭಾಗದ ವರಿಗೆ ಪ್ರಾಯೋಗಿಕ ತರಗತಿ ನಡೆಸಲು ಆಗುತ್ತಿಲ್ಲ. ಕಾಲೇಜಿನಲ್ಲಿ ತರಗತಿ ನಡೆಸಿದಷ್ಟು ತೃಪ್ತಿ ಆನ್ಲೈನ್ ಪಾಠದಲ್ಲಿ ಸಿಗುತ್ತಿಲ್ಲ’ ಎನ್ನುತ್ತಾರೆ ಕಲಬುರ್ಗಿಯ ಸರ್ಕಾರಿ ಬಾಲಕಿಯರ ಪಿಯು ಕಾಲೇಜಿನ ಪ್ರಾಚಾರ್ಯ ದೇವನಗೌಡ ಪಾಟೀಲ.</p>.<p><strong>ನೋ ನೆಟ್ವರ್ಕ್, ನೋ ವೋಟಿಂಗ್!</strong></p>.<p><strong>ಶಿವಮೊಗ್ಗ</strong>: ಇಲ್ಲಿನ ಕುದರೂರು ಜಿಲ್ಲಾ ಪಂಚಾಯ್ತಿ ಕ್ಷೇತ್ರದ ಗ್ರಾಮಗಳಲ್ಲಿ ಮೊಬೈಲ್ ನೆಟ್ವರ್ಕ್ ಸಿಗದೆ, ಕರೂರು ಹೋಬಳಿಯ ಗ್ರಾಮಸ್ಥರು ‘ನೋ ನೆಟ್ವರ್ಕ್, ನೋ ವೋಟಿಂಗ್’ ಎನ್ನುತ್ತಾ ಪಂಚಾಯಿತಿ ಚುನಾವಣೆ ಬಹಿಷ್ಕರಿಸಲು ಮುಂದಾಗಿದ್ದಾರೆ.</p>.<p>ತೀರ್ಥಹಳ್ಳಿ, ಹೊಸನಗರ ತಾಲ್ಲೂಕಿನಲ್ಲಿ ಹಾಜರಾತಿ ದಾಖಲಿಸುವುದೂ ಕಷ್ಟವಾಗಿದೆ. ಸಿಗ್ನಲ್ ಸಿಗುವ ಕಡೆ ಟೆಂಟ್ ನಿರ್ಮಿಸಿ ಪಾಠ ಕೇಳಬೇಕು. ಅಲ್ಲಿ ಸಿಡಿಲು, ಮರ ಬೀಳುವ ಅಪಾಯವೂ ಉಂಟು.</p>.<p>ಶರಾವತಿ ನದಿಯ ಹಿನ್ನೀರಿ ನಿಂದ ಆವೃತವಾಗಿರುವ ಸಾಗರ ತಾಲ್ಲೂಕಿನ ಗ್ರಾಮಗಳಲ್ಲಿ ನೆಟ್ವರ್ಕ್ಗಾಗಿ ನಾಲ್ಕೈದು ಕಿ.ಮೀ. ಹೋಗಬೇಕು. ಬಾಲಕಿಯ ರೊಂದಿಗೆ ಪೋಷಕರೂ ಗುಡ್ಡಕ್ಕೆ ಹೋಗಬೇಕಾಗಿದ್ದು, ಕೃಷಿಗೂ ಹಿನ್ನಡೆಯಾಗಿದೆ.</p>.<p>***</p>.<p><strong>ಅಣ್ಣನ ಫೋನ್ನಲ್ಲಿ ಪಾಠ ಪೂರ್ತಿ ಕೇಳುವುದರೊಳಗೆ 1 ಜಿ ಬಿ ಡೇಟಾ ಮುಗಿದಿರುತ್ತದೆ. ಸ್ಮಾರ್ಟ್ ಫೋನ್ ಇಲ್ಲದವರು ಪಾಠವನ್ನೇ ಕೇಳಿಲ್ಲ.</strong></p>.<p><strong>–ಸುಮಾ ದೇವೇಂದ್ರಪ್ಪ,ದ್ವಿತೀಯ ಪಿಯು ವಿದ್ಯಾರ್ಥಿನಿ, ಕಲಬುರ್ಗಿ ತಾಲ್ಲೂಕಿನ ಜಂಬಗಾ (ಬಿ) ಗ್ರಾಮ</strong></p>.<p>***</p>.<p><strong>(ಪೂರಕ ಮಾಹಿತಿ: ಚಂದ್ರಕಾಂತ ಮಸಾನಿ, ನಾಗರಾಜ ಚಿನಗುಂಡಿ, ಮನೋಜಕುಮಾರ್ ಗುದ್ದಿ, ಕೆ.ಎ.ಆದಿತ್ಯ, ಕೆ.ಎಸ್.ಸುನೀಲ್, ಎಂ.ಎನ್.ಯೋಗೇಶ್, ವಿ.ಸೂರ್ಯನಾರಾಯಣ, ಎನ್.ನವೀನ್ಕುಮಾರ್. ಚಂದ್ರಹಾಸ ಹಿರೇಮಳಲಿ)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
