ಈಗಿರುವ ಮಾರ್ಗಸೂಚಿ ಪ್ರಕಾರ, ಸೋಂಕಿನ ಲಕ್ಷಣಗಳಿಲ್ಲದ, ಕಡಿಮೆ ಲಕ್ಷಣ ಹೊಂದಿರುವ, ಕೆಲವು ಲಕ್ಷಣ ಹೊಂದಿರುವ ಮತ್ತು ಗಂಭೀರ ಲಕ್ಷಣ ಹೊಂದಿರುವವರು ಎಂದು ನಾಲ್ಕು ಗುಂಪಾಗಿ ವಿಭಾಗಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಶ್ವಾಸಕೋಶ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿರುವವರು ಆರ್ಟಿ–ಪಿಸಿಆರ್ ಪರೀಕ್ಷೆಗೊಳಪಟ್ಟಾಗ ನೆಗೆಟಿವ್ ಎಂದು ವರದಿ ಬಂದಿದ್ದರೂ, ಸಿಟಿ ಸ್ಕ್ಯಾನ್ಗೆ ಒಳಪಟ್ಟಾಗ, ಗಂಭೀರ ಸ್ವರೂಪದ ಸೋಂಕಿನ ಲಕ್ಷಣಗಳು ಹೊಂದಿರುವುದು ಪತ್ತೆಯಾಗಿದೆ. ಆದರೆ, ಒಟ್ಟು ಸೋಂಕಿತರಲ್ಲಿ ಇಂತಹ ಪ್ರಕರಣಗಳ ಶೇ 5ಕ್ಕಿಂತ ಕಡಿಮೆ ಎಂದು ವೈದ್ಯರು ಹೇಳುತ್ತಾರೆ.