ಮಹಾಲಿಂಗಪುರ: ಪಟ್ಟಣವನ್ನು ತಾಲ್ಲೂಕು ಕೇಂದ್ರವನ್ನಾಗಿ ಘೋಷಿಸಬೇಕೆಂದು ಆಗ್ರಹಿಸಿ ಪಟ್ಟಣದ ಚನ್ನಮ್ಮ ವೃತ್ತದಲ್ಲಿ ಹಾಕಿದ್ದ ಹೋರಾಟ ವೇದಿಕೆ ಮಳೆ-ಗಾಳಿಯಿಂದ ನೆಲಸಮಗೊಂಡಿದ್ದರಿಂದ ಬಯಲಲ್ಲೇ ಹೋರಾಟ ಮುಂದುವರೆದಿದೆ.
ಮುಷ್ಕರದ 414 ನೇ ದಿನದ ಗುರುವಾರ ಸಂಜೆ ವೇದಿಕೆ ನೆಲಸಮಗೊಂಡಿದ್ದು, ಅದೇ ಸ್ಥಳದಲ್ಲಿ ನೆಲದ ಮೇಲೆ ಚಾಪೆ ಹಾಕಿ ಪೂಜೆ ಸಲ್ಲಿಸಿ ಉರಿಬಿಸಿಲಿನಲ್ಲಿ ಕುಳಿತು 417ನೇ ದಿನವಾದ ಭಾನುವಾರ ಮುಷ್ಕರ ಮುಂದುವರೆಸಿದರು. ಹೊಸ ವೇದಿಕೆ ನಿರ್ಮಾಣ ಮಾಡಲು ಪೂಜಾ ಕಾರ್ಯಕ್ರಮ ಮಾಡಲಾಯಿತು.
ಹೋರಾಟ ಸಮಿತಿ ಅಧ್ಯಕ್ಷ ಸಂಗಪ್ಪ ಹಲ್ಲಿ, ಸಿದ್ದು ಶಿರೋಳ, ರಫೀಕ ಮಾಲದಾರ, ರಾಜು ತೇರದಾಳ, ಮಹಾದೇವ ಮೇಟಿ, ಮಹಾಲಿಂಗಪ್ಪ ಅವರಾದಿ, ಹಣಮಂತ ಭಜಂತ್ರಿ, ಮುತ್ತು ಕೊಣ್ಣೂರ, ವಿಜಯ ದೇಸಾಯಿ, ದುಂಡಪ್ಪ ಇಟ್ನಾಳ, ಭೀಮಶಿ ನಾಯಕ, ಸತ್ಯಪ್ಪ ಹುದ್ದಾರ ಇತರರು ಇದ್ದರು.
