ವಿಧಾನಪರಿಷತ್‌ ಸದಸ್ಯರ ವೈದ್ಯಕೀಯ ವೆಚ್ಚ: 3 ವರ್ಷದಲ್ಲಿ ₹1.31 ಕೋಟಿ

ಬೆಂಗಳೂರು : ಮೂರು ವರ್ಷಗಳಲ್ಲಿ (2019ರಿಂದ 2021ರ ಸೆಪ್ಟೆಂಬರ್ ವರೆಗೆ) ವಿಧಾನಪರಿಷತ್ ಸದಸ್ಯರ ವೈದ್ಯಕೀಯ ವೆಚ್ಚಕ್ಕೆ ಸರ್ಕಾರದ ಬೊಕ್ಕಸದಿಂದ ₹ 1,30,73,084 ಮರು ಪಾವತಿ ಆಗಿದೆ.

. ಕೋವಿಡ್ ಮೊದಲ ಮತ್ತು ಎರಡನೇ ಅಲೆಯಲ್ಲಿ ಸೋಂಕು ತಗಲಿದ ಕಾರಣಕ್ಕೆ ನಾಲ್ವರು ಸದಸ್ಯರು ಮತ್ತು ಅವರ ಪತ್ನಿ ಹಾಗೂ ಇತರ ನಾಲ್ವರು ಸದಸ್ಯರು ತಮ್ಮ ಚಿಕಿತ್ಸೆಗೆ ಸಂಬಂಧಿಸಿದಂತೆ ₹ 26,00,267 ಕ್ಲೇಮ್ ಮಾಡಲಾಗಿದೆ!

. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ನಿರ್ದೇಶನಾಲಯ ಈ ವೆಚ್ಚವನ್ನು ದೃಢೀಕರಿಸಿದ್ದು, ಸದಸ್ಯರಿಗೆ ಹಣವನ್ನು ಮರು ಪಾವತಿಸಲಾಗಿದೆ. ಸಾಮಾಜಿಕ ಕಾರ್ಯಕರ್ತ ಎಚ್.ಎಂ. ವೆಂಕಟೇಶ್ ಎಂಬವರು ವಿಧಾನ ಪರಿಷತ್ ಸಚಿವಾಲಯದಿಂದ ಮಾಹಿತಿ ಹಕ್ಕು ಕಾಯ್ದೆಯಡಿ ಈ ಮಾಹಿತಿ ಪಡೆದುಕೊಂಡಿದ್ದಾರೆ.

. ಹಲವು ಸದಸ್ಯರು ಒಂದೇ ವರ್ಷ3–4 ಬಾರಿ ಪ್ರತ್ಯೇಕ, ಪ್ರತ್ಯೇಕ ವೈದ್ಯಕೀಯ ಬಿಲ್ಗಳನ್ನು ಸಲ್ಲಿಸಿ ಹಣ ಕ್ಲೇಮ್ ಮಾಡಿಕೊಂಡಿದ್ದಾರೆ. 6–7 ಬಾರಿ ಕ್ಲೇಮ್ ಮಾಡಿಕೊಂಡ ಸದಸ್ಯರೂ ಇದ್ದಾರೆ.

. ಪರಿಷತ್ ಸಚಿವಾಲಯ ನೀಡಿದ ದಾಖಲೆಗಳ ಪ್ರಕಾರ, 2020ರಲ್ಲಿ ಒಂದೇ ಬಾರಿಗೆ ಅತೀ ಹೆಚ್ಚು ವೈದ್ಯಕೀಯ ವೆಚ್ಚವನ್ನು ಬಿಜೆಪಿಯ ಎಸ್. ರುದ್ರೇಗೌಡ ಅವರು ನ. 4ರಂದು ₹ 8,09,948 ಮರು ಪಾವತಿಸಿಕೊಂಡಿದ್ದಾರೆ. ಅಲ್ಲದೆ ಅವರು, ಅದೇ ವರ್ಷ ಜೂನ್ 26ರಂದು ₹ 34,523, ಆಗಸ್ಟ್ 17ರಂದು ₹ 5,73,175 ಕ್ಲೇಮ್ ಮಾಡಿಕೊಂಡಿದ್ದಾರೆ. 2021ರ ಏಪ್ರಿಲ್ 18ರಂದು ರುದ್ರೇಗೌಡ ಮತ್ತೆ ₹ 8,67,034 ವೈದ್ಯಕೀಯ ವೆಚ್ಚ ಪಡೆದುಕೊಂಡಿದ್ದಾರೆ. ಅಲ್ಲದೆ, ಅದಕ್ಕೂ ಮೊದಲು 2019ರಲ್ಲಿ ಒಮ್ಮೆ ₹ 8,016 ಮತ್ತೊಮ್ಮೆ ₹ 9,842 ಕ್ಲೇಮ್ ಮಾಡಿಕೊಂಡಿದ್ದು, ಹೀಗೆ ಮೂರು ವರ್ಷಗಳ ಅವಧಿಯಲ್ಲಿ ಅವರು ಒಟ್ಟು ₹ 23,02,538 ಮೊತ್ತ ಕ್ಲೇಮ್ ಮಾಡಿದ್ದಾರೆ.

. ಪರಿಷತ್ ಸದಸ್ಯರಾಗಿದ್ದ ಜೆಡಿಎಸ್ನ ಟಿ.ಎ. ಶರವಣ ಅವರು ಎರಡು ವರ್ಷಗಳಲ್ಲಿ ಒಟ್ಟು ₹ 12.07 ಲಕ್ಷ ವೈದ್ಯಕೀಯ ವೆಚ್ಚ ಮರು ಪಾವತಿಸಿಕೊಂಡಿದ್ದಾರೆ. ಅವರು 2019ರಲ್ಲಿ ಸೆ. 27ರಂದು ₹ 1.23,429 ಹಾಗೂ ಅ. 24ರಂದು ಮತ್ತೆ ₹ 7,04,797 ಸೇರಿ, ಆ ವರ್ಷ ಬೇರೆ ದಿನಗಳಲ್ಲಿ ಐದು ಬಾರಿ ಮತ್ತು 2020ರಲ್ಲಿ ಬೇರೆ ಬೇರೆ ದಿನಗಳಲ್ಲಿ ಆರು ಬಾರಿ ಸೇರಿ ಒಟ್ಟು 11 ಬಾರಿ ಈ ಒಟ್ಟು ಮೊತ್ತವನ್ನು ತಮ್ಮ ಖಾತೆಗೆ ಜಮೆ ಮಾಡಿಸಿಕೊಂಡಿದ್ದಾರೆ.

. 2019ರಲ್ಲಿ ಒಂದೇ ಬಾರಿ (ಜೂನ್ 1ರಂದು ಅತೀ ಹೆಚ್ಚು ವೈದ್ಯಕೀಯ ವೆಚ್ಚ ₹ 8,29,836 ಕಾಂಗ್ರೆಸ್ ಸದಸ್ಯ ಎಚ್.ಎಂ. ರೇವಣ್ಣ ಪಡೆದುಕೊಂಡಿದ್ದಾರೆ. ಅಲ್ಲದೆ, ಅದೇ ವರ್ಷ ಮೇ 21ರಂದು ಅವರು ₹ 1,35,581 ಮರು ಪಾವತಿಸಿಕೊಂಡಿದ್ದಾರೆ. 2020ರಲ್ಲಿ ಜೂನ್ 26ರಂದು ರೇವಣ್ಣ ಮತ್ತೆ ₹ 1,20,420 ಸೇರಿ ಎರಡು ವರ್ಷಗಳಲ್ಲಿ ₹ 10,85,737 ಕ್ಲೇಮ್ ಮಾಡಿಕೊಂಡಿದ್ದಾರೆ.

. ‘ಇಷ್ಟೆಲ್ಲ ಆರೋಗ್ಯ ಸಮಸ್ಯೆ ಇರುವವರು ಆಸ್ಪತ್ರೆಯಲ್ಲೇ ಇರಬೇಕು. ಆದರೆ, ಇವರೆಲ್ಲ ವಿಧಾನ ಪರಿಷತ್ ಕಲಾಪಕ್ಕೆ, ಇತರ ಕಾರ್ಯಕ್ರಮಗಳಿಗೆ ದೊಡ್ಡ ದೊಡ್ಡ ಕಾರುಗಳಲ್ಲಿ ಓಡಾಡುತ್ತಾರಲ್ಲ. ವೈದ್ಯಕೀಯ ವೆಚ್ಚ ಕ್ಲೇಮ್ ನಿಯಮಗಳಿಗೆ ತಿದ್ದುಪಡಿ ಆಗಬೇಕು’ ಎಂದೂ ಅವರು ಆಗ್ರಹಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಧಾನಪರಿಷತ್‌ ಸದಸ್ಯರ ವೈದ್ಯಕೀಯ ವೆಚ್ಚ: 3 ವರ್ಷದಲ್ಲಿ ₹1.31 ಕೋಟಿ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ