ಕೊರೊನಾ ಆತಂಕದ ನಡುವೆಯೇ ಅಗತ್ಯ ವಸ್ತುಗಳ ಖರೀದಿಗೆ ಬರುತ್ತಿದ್ದ ಜನರು ಭಾನುವಾರ ಮಡಿಕೇರಿಯತ್ತ ಬರುವ ಪ್ರಯತ್ನ ಮಾಡಲಿಲ್ಲ. ಇದರಿಂದ ಜನರಲ್ ತಿಮ್ಮಯ್ಯ ವೃತ್ತ, ಹಳೇ ಖಾಸಗಿ ಬಸ್ ನಿಲ್ದಾಣ, ರಾಜಾಸೀಟ್ ರಸ್ತೆ, ರೇಸ್ಕೋರ್ಸ್ ರಸ್ತೆ, ಕೊಹಿನೂರು ರಸ್ತೆ, ಕಾಲೇಜು ರಸ್ತೆ, ಮಹಾದೇವಪೇಟೆ ಸೇರಿದಂತೆ ನಗರದ ಪ್ರಮುಖ ರಸ್ತೆಗಳು ಖಾಲಿ ಖಾಲಿಯಾಗಿದ್ದವು. ಕಾಲೇಜು ರಸ್ತೆಯಲ್ಲಿ ಎರಡು ಮೆಡಿಕಲ್ ಶಾಪ್ ಬಿಟ್ಟರೆ ಉಳಿದ ಮೆಡಿಕಲ್ ಶಾಪ್ಗಳೂ ಬಂದ್ ಆಗಿದ್ದು ಕಂಡುಬಂತು.