ಮಾನ್ವಿ (ರಾಯಚೂರು ಜಿಲ್ಲೆ): ಇಲ್ಲಿಯ ಬಸವ ವೃತ್ತದಲ್ಲಿ ಮಹಿಳೆಯೊಬ್ಬರು ಭಾನುವಾರ ಬಸ್ನಿಂದ ಇಳಿದ ಕ್ಷಣವೇ ಹೆಣ್ಣು ಮಗುವಿಗೆ ಜನ್ಮ ನೀಡಿದರು.
ಆರೋಗ್ಯ ತಪಾಸಣೆಗಾಗಿ ರಾಯಚೂರಿನ ರಿಮ್ಸ್ ಆಸ್ಪತ್ರೆಗೆ ತೆರಳಿದ್ದ ಪಟ್ಟಣದ ಹಿರೇಬಾವಿ ನಿವಾಸಿ ಯಲ್ಲಮ್ಮ ರಾಮಣ್ಣ ಮಾನ್ವಿ ಪಟ್ಟಣಕ್ಕೆ ಸಾರಿಗೆ ಬಸ್ನಲ್ಲಿ ಮರಳಿದರು.
‘ಬಸವ ವೃತ್ತ ಸಮೀಪಿಸುತ್ತಿದ್ದಂತೆ ತೀವ್ರ ನೋವು ಕಾಣಿಸಿಕೊಂಡಿತು. ಬಸ್ನಿಂದ ಕೆಳಗೆ ಇಳಿಯುತ್ತಿದ್ದಂತೆ ಹೆರಿಗೆಯಾಯಿತು. ಬಳಿಕ ಪಟ್ಟಣದ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಯಿತು. ಮಗು, ತಾಯಿ ಆರೋಗ್ಯವಾಗಿದ್ದಾರೆ’ ಎಂದು ಯಲ್ಲಮ್ಮಳ ಕುಟುಂಬದ ಸದಸ್ಯರು ತಿಳಿಸಿದ್ದಾರೆ.