ನ್ಯೂಜೆರ್ಸಿಯ ಸಂತ ಜೋಸೆಫ್‌ ಆಸ್ಪತ್ರೆಯಲ್ಲಿ ಸೋಂಕು ಕಾಯಿಲೆ ವಿಭಾಗದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಡಾ.ಯಾಸ್ಮಿನ್ ಸುಲ್ತಾನ ಅವರಿಗೆ ತಮ್ಮ ಕಾರುಗಳಲ್ಲಿ ಹಾರನ್‌ ಮಾಡುತ್ತ ಬಂದ ನಾಗರಿಕರು ಕೃತಜ್ಞತೆ ಸಲ್ಲಿಸಿದರು. ಕಾರುಗಳಿಗೆ ಬಲೂನು ಕಟ್ಟಲಾಗಿತ್ತು. ‘ಥ್ಯಾಂಕ್ಯೂ’ ಎಂಬ ಭಿತ್ತಿಫಲಕಗಳನ್ನು ಕಾರಿನ ಎಡ, ಬಲ, ಹಿಂಭಾಗದಲ್ಲಿ ಅಂಟಿಸಲಾಗಿತ್ತು. ವೈದ್ಯೆಯ ಮನೆಯ ಎದುರಿನ ರಸ್ತೆಯಲ್ಲಿ ನಿಧಾನವಾಗಿ ಚಲಿಸಿದ ಕಾರುಗಳು ಪುನಃ ಅದೇ ದಾರಿಯಲ್ಲಿ ಬಂದು ಇನ್ನೊಮ್ಮೆ ವಂದನೆ ಸಲ್ಲಿಸಿದವು. ಯಾಸ್ಮಿನ್ ಅವರು ಕೈಮುಗಿದು ಪ್ರತಿವಂದನೆ ಸಲ್ಲಿಸಿದರು.
