ಷಿಕಾಗೊ ನಗರ ಪರಿಷತ್‌ ಸಭೆಯಲ್ಲಿ ಸಿಎಎ ವಿರುದ್ಧದ ನಿರ್ಣಯ ತಿರಸ್ಕಾರ

ವಾಷಿಂಗ್ಟನ್: ಭಾರತದಲ್ಲಿನ ಪೌರತ್ವ (ತಿದ್ದುಪಡಿ) ಕಾಯ್ದೆ (ಸಿಎಎ) ಮತ್ತು ಮಾನವ ಹಕ್ಕುಗಳ ಪರಿಸ್ಥಿತಿ ಕುರಿತು ಮಂಡಿಸಿದ ನಿರ್ಣಯದ ವಿರುದ್ಧ ಷಿಕಾಗೊ ನಗರ ಪರಿಷತ್ ಮತ ಚಲಾಯಿಸಿದೆ.

. ನಗರ ಸ್ಥಳೀಯ ಸಂಸ್ಥೆಯಲ್ಲಿ ಇಂತಹ ವಿಷಯಗಳನ್ನು ಚರ್ಚಿಸಬಾರದು ಮತ್ತು ಈ ರೀತಿಯ ನಿರ್ಣಯಗಳನ್ನು ಸಭೆಯಲ್ಲಿ ಮಂಡಿಸಲು ಅವಕಾಶವನ್ನೇ ನೀಡಬಾರದು ಎಂದು ಸದಸ್ಯರು ಆಗ್ರಹಿಸಿದರು.

. 26–18 ಮತಗಳ ಮೂಲಕ ಈ ನಿರ್ಣಯವನ್ನು ತಿರಸ್ಕರಿಸಲಾಯಿತು.

. ‘ಪರಿಷತ್ನ ಹಲವು ಸದಸ್ಯರು ಈ ನಿರ್ಣಯದ ಪರ ಮತ ಚಲಾಯಿಸಲು ಮುಜಗರಕ್ಕೆ ಒಳಗಾದರು. ಭಾರತದಲ್ಲಿ ಏನು ನಡೆಯುತ್ತಿದೆ ಮತ್ತು ಈ ವಿಷಯದ ಆಳ–ಅಗಲ ನಮಗೆ ಗೊತ್ತಿಲ್ಲ’ ಎಂದು ಷಿಕಾಗೊ ಮೇಯರ್ ಲೊರಿ ಲೈಟ್ಫೂಟ್ ಸುದ್ದಿಗಾರರಿಗೆ ತಿಳಿಸಿದರು.

. ‘ಇಂತಹ ವಿಷಯಗಳ ಬಗ್ಗೆ ಸ್ಥಳೀಯ ಸಂಸ್ಥೆಗಳು ಹೇಳಿಕೆ ನೀಡುವುದಾಗಲಿ ಅಥವಾ ನಿರ್ಣಯ ಕೈಗೊಳುವ ಕಾರ್ಯ ಮಾಡಬಾರದು. ಈ ಬಗ್ಗೆ ಹೇಳಿಕೆ ನೀಡುವುದು ಬೈಡನ್ ಆಡಳಿತದ ವಿವೇಚನೆಯಾಗಿದೆ. ಈ ಬಗ್ಗೆ ಸರ್ಕಾರ ನಿರ್ಧಾರ ಕೈಗೊಳ್ಳಲಿದೆ. ಹಲವು ಸದಸ್ಯರಿಗೆ ಈ ವಿಷಯದ ಬಗ್ಗೆ ಪರಿಪೂರ್ಣ ಮಾಹಿತಿ ಇರಲಿಲ್ಲ’ ಎಂದು ಹೇಳಿದರು.

. ‘ಷಿಕಾಗೊ ನಗರಕ್ಕೆ ಸಂಬಂಧಿಸಿದ ಹಲವು ಪ್ರಮುಖ ವಿಷಯಗಳಿವೆ. ಹತ್ತಾರು ಸಮಸ್ಯೆಗಳಿವೆ. ಹೀಗಿರುವಾಗ, ಜೋ ಬೈಡನ್ ಆಡಳಿತ ಕೈಗೊಳ್ಳಬೇಕಾದ ನಿರ್ಧಾರಗಳ ಬಗ್ಗೆ ಇಲ್ಲಿ ಏಕೆ ಚರ್ಚಿಸಬೇಕು’ ಎಂದು ಹೇಳಿದರು. ಮೇಯರ್ ಮಾತಿಗೆ ಇತರ ಸದಸ್ಯರು ಸಹ ದನಿಗೂಡಿಸಿದ್ದಾರೆ.

. ‘ಈ ನಿರ್ಣಯವು ದ್ವೇಷದಿಂದ ಕೂಡಿದೆ. ಈ ನಿರ್ಣಯವನ್ನು ನಾನು ಬೆಂಬಲಿಸಿಲ್ಲ. ಭಾರತದ ಕಾನ್ಸುಲ್ ಜನರಲ್ ಸಹ ನನ್ನ ಜತೆ ಚರ್ಚಿಸಿದ್ದಾರೆ’ ಎಂದು ಸದಸ್ಯ ರೇಮಂಡ್ ಎ ಲೋಪೇಜ್ ತಿಳಿಸಿದ್ದಾರೆ.

. ‘ಭಾರತದ ಬಗ್ಗೆ ನಗರ ಪರಿಷತ್ನಲ್ಲಿ ಚರ್ಚಿಸುವುದಾದರೆ ಚೀನಾದಲ್ಲಿ ಉಯಿಘರ್ ಸಮುದಾಯದ ಸಾಮೂಹಿಕ ಹತ್ಯೆಯ ಬಗ್ಗೆಯೂ ಚರ್ಚೆ ಮಾಡಬೇಕಾಗುತ್ತದೆ. ಇದೇ ರೀತಿ, ಇಸ್ರೇಲ್–ಪ್ಯಾಲೆಸ್ಟೀನ್ ಸಂಘರ್ಷ ಸೇರಿದಂತೆ ಹಲವಾರು ಅಂತರರಾಷ್ಟ್ರೀಯ ವಿಷಯಗಳಿವೆ’ ಎಂದು ಸದಸ್ಯ ಜಾರ್ಜ್ ಎ. ಕಾರ್ಡೆನಾಸ್ ಪ್ರತಿಪಾದಿಸಿದ್ದಾರೆ.

. ಸದಸ್ಯರಾದ ಮರಿಯಾ ಹ್ಯಾಡೆನ್ ಈ ಬಗ್ಗೆ ನಿರ್ಣಯ ಮಂಡಿಸಿದ್ದರು. ‘ದಕ್ಷಿಣ ಏಷ್ಯಾದಲ್ಲಿ ನಡೆಯುತ್ತಿರುವ ಬೆಳವಣಿಗೆಯ ಬಗ್ಗೆ ಮಾಹಿತಿ ಪಡೆದು ಈ ನಿರ್ಣಯ ಮಂಡಿಸಲಾಗಿತ್ತು. ಬೇರೆ ದೇಶದಲ್ಲಿನ ಪ್ರಜಾಪ್ರಭುತ್ವದ ಆಡಳಿತ ಉತ್ತರದಾಯಿತ್ವದಿಂದ ಕೂಡಿರಬೇಕು’ ಎಂದು ಹ್ಯಾಡೆನ್ ಹೇಳಿದ್ದಾರೆ.

. ಈ ನಿರ್ಣಯ ಮಂಡಿಸುವ ಮುನ್ನವೇ ಷಿಕಾಗೊದಲ್ಲಿನ ಭಾರತದ ಕಾನ್ಸುಲೇಟ್ ಕಚೇರಿ ಅಧಿಕಾರಿಗಳು ಮೇಯರ್ ಮತ್ತು ಇತರ ಎಲ್ಲ 50 ಸದಸ್ಯರ ಜತೆ ಚರ್ಚಿಸಿದ್ದರು. ಷಿಕಾಗೊ ನಗರ ಪರಿಷತ್ತಿನ ನಿರ್ಧಾರವನ್ನು ಭಾರತ–ಅಮೆರಿಕನ್ ಡಾ. ಭಾರತ ಬಾರೈ ಸ್ವಾಗತಿಸಿದ್ದಾರೆ.

. ‘ಈ ನಿರ್ಣಯದ ಹಿಂದೆ ಅಮೆರಿಕನ್ ಇಸ್ಲಾಮಿಕ್ ರಿಲೇಷನ್ಸ್ ಕೌನ್ಸಿಲ್ (ಸಿಎಐಆರ್) ಕೈವಾಡವಿದೆ. ಈ ಬಗ್ಗೆ ಪರಿಶೀಲನೆ ನಡೆಸಬೇಕು’ ಎಂದು ಹೇಳಿದ್ದಾರೆ.

. ‘ಭಾರತದ ಆಂತರಿಕ ರಾಜಕೀಯದಿಂದ ಸಿಎಐಆರ್ ದೂರವಿರಬೇಕು. ಈ ನಿರ್ಣಯ ದ್ವೇಷದ ಅಂಶಗಳನ್ನು ಒಳಗೊಂಡಿದೆ ಎಂದು ನಾವು ಎಲ್ಲ ಸದಸ್ಯರಿಗೂ ಮನವರಿಕೆ ಮಾಡಿದ್ದೇವೆ’ ಎಂದು ಭಾರತ–ಅಮೆರಿಕನ್ ಸಮುದಾಯದ ನಾಯಕ ಅಮಿತಾಭ್ ಮಿತ್ತಲ್ ಹೇಳಿದ್ದಾರೆ.

. ಇದನ್ನೂ ಓದಿ... PV Web Exclusive | ಲಾಕ್ಡೌನ್ಗೊಂದು ವರ್ಷ: ಪ್ರಕೃತಿ ಕಲಿಸಿದ ಪಾಠ ಕಲಿತೆವೇ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಷಿಕಾಗೊ ನಗರ ಪರಿಷತ್‌ ಸಭೆಯಲ್ಲಿ ಸಿಎಎ ವಿರುದ್ಧದ ನಿರ್ಣಯ ತಿರಸ್ಕಾರ

ಚಿನಕುರುಳಿ | ಗುರುವಾರ, 24 ಅಕ್ಟೋಬರ್ 2024

ಚುರುಮುರಿ | ಚನ್ನಪಟ್ಟಣದ ಗೊಂಬೆ!

ಮುಡಾ ಪ್ರಕರಣ: ಲೋಕಾಯುಕ್ತ ಪೊಲೀಸರಿಂದ ಬಿ.ಎನ್‌. ಬಚ್ಚೇಗೌಡ ಹೇಳಿಕೆ ದಾಖಲು

ಜನ್ಮದಿನಾಂಕ: ಆಧಾರ್‌ ಕಾರ್ಡ್‌ ಅಧಿಕೃತ ಪುರಾವೆಯಲ್ಲ; ಸುಪ್ರೀಂ ಕೋರ್ಟ್

IND vs NZ Test | ಭಾರತಕ್ಕೆ ಹಿನ್ನಡೆ: ನ್ಯೂಜಿಲೆಂಡ್‌ಗೆ 301 ರನ್‌ಗಳ ಮುನ್ನಡೆ

IND vs NZ 2nd Test: ವಾಷಿಂಗ್ಟನ್‌ ಸೂಪರ್ ಸೆವೆನ್, ಐದು ಕ್ಲೀನ್ ಬೌಲ್ಡ್!

ಪ್ರೊ ಕಬಡ್ಡಿ ಲೀಗ್: ಖಾತೆ ತೆರೆದ ಬೆಂಗಾಲ್‌ ವಾರಿಯರ್ಸ್‌

ಮೊದಲ ಏಕದಿನ: ಭಾರತದ ಗೆಲುವಿನಲ್ಲಿ ಮಿಂಚಿದ ರಾಧಾ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಗುರುವಾರ, 24 ಅಕ್ಟೋಬರ್ 2024

ಚುರುಮುರಿ | ಚನ್ನಪಟ್ಟಣದ ಗೊಂಬೆ!

ಮುಡಾ ಪ್ರಕರಣ: ಲೋಕಾಯುಕ್ತ ಪೊಲೀಸರಿಂದ ಬಿ.ಎನ್‌. ಬಚ್ಚೇಗೌಡ ಹೇಳಿಕೆ ದಾಖಲು

ಜನ್ಮದಿನಾಂಕ: ಆಧಾರ್‌ ಕಾರ್ಡ್‌ ಅಧಿಕೃತ ಪುರಾವೆಯಲ್ಲ; ಸುಪ್ರೀಂ ಕೋರ್ಟ್