ಜಪಾನ್‌: ಜನನ ಪ್ರಮಾಣ ಕುಸಿತ

ದೇಶದಲ್ಲಿ ಸತತ ಎಂಟು ವರ್ಷಗಳಿಂದ ಜನನ ಪ್ರಮಾಣ ಕುಸಿಯುತ್ತಿದ್ದು, 2023ರಲ್ಲಿ 7,58,631 ಶಿಶುಗಳು ಜನಿಸಿವೆ. ಇದೇ ಸಂದರ್ಭದಲ್ಲಿ 15,90,503 ಮಂದಿ ಮೃತಪಟ್ಟಿದ್ದಾರೆ. ಇದರಿಂದಾಗಿ ಜಗತ್ತಿನ ನಾಲ್ಕನೇ ಅತಿದೊಡ್ಡ ಆರ್ಥಿಕತೆ ಹೊಂದಿರುವ ದೇಶದಲ್ಲಿ ಆರೋಗ್ಯ ಸೇರಿದಂತೆ ಎಲ್ಲ ಕ್ಷೇತ್ರಗಳಲ್ಲಿ ಕಾರ್ಮಿಕರ ಕೊರತೆ ಎದುರಾಗಿದೆ. ಆರೋಗ್ಯ ಕ್ಷೇತ್ರದ 10 ಮಂದಿ ಸಿಬ್ಬಂದಿ ಪೈಕಿ ಒಬ್ಬರು 80 ವರ್ಷ ಮೇಲ್ಪಟ್ಟವರಾಗಿದ್ದಾರೆ ಎಂದು ಹೇಳಿದೆ.

1933ರಿಂದ ಈವರೆಗಿನ ದತ್ತಾಂಶದ ಪ್ರಕಾರ, 2023ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟವರ ಸಂಖ್ಯೆಯೂ ಅತ್ಯಂತ ಕಡಿಮೆ. ಈ ವರ್ಷ 4,89,281 ವಿವಾಹಗಳು ನೋಂದಣಿಯಾಗಿವೆ. 2022ಕ್ಕೆ ಹೋಲಿಸಿದರೆ ವಿವಾಹ ಪ್ರಮಾಣವು 5.9ರಷ್ಟು ಕುಸಿದಿದೆ. ಅಲ್ಲದೆ ಇದೇ ಮೊದಲ ಬಾರಿಗೆ ಒಂದು ವರ್ಷದಲ್ಲಿ ಐದು ಲಕ್ಷಕ್ಕಿಂತ ಕಡಿಮೆ ಜನರು ವಿವಾಹವಾಗಿದ್ದಾರೆ ಎಂದು ತಿಳಿಸಿದೆ.