ರಫಾ ನಗರದ ಮೇಲೆ ಇಸ್ರೇಲ್ ವೈಮಾನಿಕ ದಾಳಿ: 28 ಪ್ಯಾಲೆಸ್ಟೀನಿಯನ್ನರು ಸಾವು

ಇಸ್ರೇಲ್‌ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ದಾಳಿಗೆ ಮುನ್ನ ದಕ್ಷಿಣ ಗಾಜಾ ನಗರದಿಂದ ನಾಗರಿಕರನ್ನು ಸ್ಥಳಾಂತರಿಸುವಂತೆ ಸೇನೆಗೆ ಸೂಚಿಸಿದ್ದರು. ನಂತರ ವೈಮಾನಿಕ ದಾಳಿ ನಡೆದಿದೆ.

ನೆತನ್ಯಾಹು ಅವರು ದಾಳಿಯ ಬಗ್ಗೆ ಹೇಳಿಕೆ ನೀಡಿದ್ದರಿಂದ ದಕ್ಷಿಣ ಗಾಜಾದಲ್ಲಿ ಭೀತಿ ಆವರಿಸಿತ್ತು. ಗಾಜಾದ 23 ಲಕ್ಷ ಜನರಲ್ಲಿ ಅರ್ಧಕ್ಕೂ ಹೆಚ್ಚು ಮಂದಿ ಈಗ ರಫಾ ನಗರದಲ್ಲಿದ್ದಾರೆ.

ಇಸ್ರೇಲ್‌ ಪದೇ ಪದೇ ಸ್ಥಳಾಂತರದ ಆದೇಶ, ಸೂಚನೆ ನೀಡುತ್ತಿದ್ದು, ಇದರಿಂದ ಬಹುತೇಕರಿಗೆ ಎಲ್ಲಿಗೆ ಹೋಗಬೇಕು ಎಂಬುದೇ ತಿಳಿಯದಾಗಿದೆ ಎಂದು ಮೂಲಗಳು ಹೇಳಿವೆ.