<p><strong>ಮೆಕ್ಸಿಕೊ</strong>: ತನ್ನ ಜನರಿಗೆ ಒಳಿತನ್ನು ತರುವ ಉದ್ದೇಶದಿಂದ ಮೆಕ್ಸಿಕೊದ ಮೇಯರ್ರೊಬ್ಬರು ಸಂಪ್ರದಾಯಿಕ ವಿಧಿ ವಿಧಾನದ ಪ್ರಕಾರ ಹೆಣ್ಣು ಮೊಸಳೆಯನ್ನು ಮದುವೆಯಾಗಿದ್ದಾರೆ. </p><p>ಹೌದು... ಈ ಮದುವೆ ನಡೆದದ್ದು ದಕ್ಷಿಣ ಮೆಕ್ಸಿಕೊದ ಸಣ್ಣ ಪಟ್ಟಣ ಸ್ಯಾನ್ ಪೆಡ್ರೊ ಹುವಾಮೆಲುಲಾದಲ್ಲಿ. ಚೊಂಟಲ್ ಸಮುದಾಯಕ್ಕೆ ಸೇರಿದ ಜನರು ಈ ಪ್ರದೇಶದಲ್ಲಿ ವಾಸಿಸುತ್ತಾರೆ. ಈ ಪಟ್ಟಣದ ಮೇಯರ್ ವಿಕ್ಟರ್ ಹ್ಯೂಗೋ ಸೋಸಾ ಅವರು ಸಂಪ್ರದಾಯದಂತೆ ‘ಅಲಿಸಿಯಾ ಆಡ್ರಿಯಾನಾ‘ ಎಂಬ ಹೆಸರಿನ ಹೆಣ್ಣು ಮೊಸಳೆ ಜೊತೆ ಹಸೆಮಣೆ ಏರಿದ್ದಾರೆ. ಆ ಮೂಲಕ ತಮ್ಮ ಪೂರ್ವಜರ ಆಚರಣೆಯನ್ನು ಮತ್ತೆ ಮುನ್ನೆಲೆಗೆ ತಂದಿದ್ದಾರೆ. </p><p>‘ನಾವು ಒಬ್ಬರೊನ್ನೊಬ್ಬರು ತುಂಬಾ ಪ್ರೀತಿಸುತ್ತಿದ್ದು, ಈ ಮದುವೆಯ ಜವಾಬ್ದಾರಿಯನ್ನು ಸ್ವೀಕರಿಸುತ್ತೇನೆ. ಪ್ರೀತಿ ಇಲ್ಲದೆ ಮದುವೆಯಾಗಲು ಸಾಧ್ಯವಿಲ್ಲ. ನಾನು ರಾಜಕುಮಾರಿಯೊಂದಿಗೆ (ಕೇಮನ್ ಪ್ರಭೇದಕ್ಕೆ ಸೇರಿದ ಈ ಮೊಸಳೆಗಳು ರಾಜಕುಮಾರಿಯನ್ನು ಪ್ರತಿನಿಧಿಸುತ್ತವೆ) ಮದುವೆಯಾಗಲು ಒಪ್ಪುತ್ತೇನೆ‘ ಎಂದು ಮದುವೆಯ ಆಚರಣೆ ವೇಳೆ ಮೇಯರ್ ವಿಕ್ಟರ್ ಹೇಳುತ್ತಾರೆ.</p><p>ಮದುವೆ ನಡೆಯುವ ವೇಳೆ ಮೊಸಳೆಯ ಬಾಯಿಯನ್ನು ದಾರದಿಂದ ಕಟ್ಟಲಾಗಿತ್ತು. ಮೊಸಳೆಗೆ ಹಸಿರು ಉಡುಗೆ ತೊಡಿಸಿ ಮದುವೆ ಹೆಣ್ಣಿನ ಹಾಗೆ ಶೃಂಗರಿಸಲಾಗಿತ್ತು. ಮದುವೆಗೂ ಮುನ್ನ ಪ್ರತಿ ಮನೆಗೂ ಮೊಸಳೆಯನ್ನು ಕರೆದುಕೊಂಡು ಹೋಗಲಾಗುತ್ತದೆ. ಮದುವೆ ದಿನ ಮೊಸಳೆಗೆ ಬಿಳಿ ಉಡುಗೆ ತೊಡಿಸುತ್ತಾರೆ. </p>.<p>ಸಂಪ್ರದಾಯದಂತೆ ಮದುವೆ ನಡೆಯುವ ಸಂದರ್ಭ ಸ್ಥಳೀಯ ಮೀನುಗಾರರೊಬ್ಬರು ತಮ್ಮ ಬಲೆಯನ್ನು ಬೀಸುತ್ತಾರೆ. ‘ಮೀನುಗಾರಿಕೆ ಸಂಪನ್ನವಾಗಿರಲಿ, ಜನರ ನಡುವೆ ಶಾಂತಿ– ಸೌಹಾರ್ದತೆ ತರಲಿ‘ ಎಂದು ಪ್ರಾರ್ಥಿಸುತ್ತಾರೆ.</p><p>ಮದುವೆಯ ನಂತರ ವರನು ವಧುವಿನೊಂದಿಗೆ (ಮೊಸಳೆ) ನೃತ್ಯ ಮಾಡುತ್ತಾನೆ. ಕೊನೆಯಲ್ಲಿ ವಧುವಿಗೆ ಮುತ್ತು ಕೊಡುತ್ತಾನೆ. ನೆರೆದಿದ್ದವರು ಚಪ್ಪಾಳೆ ತಟ್ಟುವ ಮೂಲಕ ವಧು–ವರನಿಗೆ ಶುಭಾಶಯ ತಿಳಿಸುತ್ತಾರೆ.</p><p>‘ಎರಡೂ ಸಮುದಾಯಗಳ ಸಂಪ್ರದಾಯವನ್ನು ನಡೆಸಿಕೊಂಡು ಹೋಗುತ್ತಿದ್ದೇವೆ. ಇದರಿಂದ ಜನರು ಸಂತೋಷಗೊಂಡಿದ್ದಾರೆ‘ ಎಂದು ಮೇಯರ್ ವಿಕ್ಟರ್ ಸ್ಥಳೀಯ ಸುದ್ದಿ ಸಂಸ್ಥೆಗೆ ಹೇಳಿದ್ದಾರೆ.</p><p>ಮೇಯರ್ ಮದುವೆಯಾದ ಮೊಸಳೆಯು ‘ಕೇಮನ್‘ ಪ್ರಭೇದಕ್ಕೆ ಸೇರಿದ್ದು, ಇತರ ಮೊಸಳೆಗಳ ಹಾಗೆ ಜೌಗು ಪ್ರದೇಶದಲ್ಲಿ ಬದುಕುತ್ತದೆ. ಮಧ್ಯ ಅಮೆರಿಕ, ಮೆಕ್ಸಿಕೊದಲ್ಲಿ ಕೇಮನ್ ಮೊಸಳೆ ಹೆಚ್ಚು ಕಾಣ ಸಿಗುತ್ತದೆ.</p><p><strong>ಆಚರಣೆಯ ಹಿನ್ನಲೆ?</strong></p><p>230 ವರ್ಷಗಳ ಹಿಂದೆ ಇಲ್ಲಿನ ಎರಡು ಸ್ಥಳೀಯ ಸಮುದಾಯಗಳ (ಚೊಂಟಲ್ ಮತ್ತು ಹುವಾವ್) ನಡುವೆ ಕಲಹ ಏರ್ಪಟ್ಟಿತ್ತು. ಆ ವೇಳೆ ಚೊಂಟಲ್ ಸಮುದಾಯದ ರಾಜ, ಹುವಾವ್ ಸಮುದಾಯದ ರಾಣಿಯನ್ನು ಮದುವೆಯಾಗುತ್ತಾನೆ. ಆ ಮೂಲಕ ಈ ಕಲಹ ಅಂತ್ಯವಾಗುತ್ತದೆ. ಇದರ ನೆನಪಿಗಾಗಿ ಪ್ರತಿ ವರ್ಷ ಪುರುಷ ಮತ್ತು ರಾಜಕುಮಾರಿಯನ್ನು ಪ್ರತಿನಿಧಿಸುವ ಹೆಣ್ಣು ಮೊಸಳೆಗೆ ಮದುವೆ ಮಾಡಿಸಲಾಗುತಿತ್ತು. ಇತ್ತೀಚೆಗೆ ಈ ಆಚರಣೆ ಮರೆಯಾಗಿದ್ದು, ಇದೀಗ ಮರು ಜೀವ ಪಡೆದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಕ್ಸಿಕೊ</strong>: ತನ್ನ ಜನರಿಗೆ ಒಳಿತನ್ನು ತರುವ ಉದ್ದೇಶದಿಂದ ಮೆಕ್ಸಿಕೊದ ಮೇಯರ್ರೊಬ್ಬರು ಸಂಪ್ರದಾಯಿಕ ವಿಧಿ ವಿಧಾನದ ಪ್ರಕಾರ ಹೆಣ್ಣು ಮೊಸಳೆಯನ್ನು ಮದುವೆಯಾಗಿದ್ದಾರೆ. </p><p>ಹೌದು... ಈ ಮದುವೆ ನಡೆದದ್ದು ದಕ್ಷಿಣ ಮೆಕ್ಸಿಕೊದ ಸಣ್ಣ ಪಟ್ಟಣ ಸ್ಯಾನ್ ಪೆಡ್ರೊ ಹುವಾಮೆಲುಲಾದಲ್ಲಿ. ಚೊಂಟಲ್ ಸಮುದಾಯಕ್ಕೆ ಸೇರಿದ ಜನರು ಈ ಪ್ರದೇಶದಲ್ಲಿ ವಾಸಿಸುತ್ತಾರೆ. ಈ ಪಟ್ಟಣದ ಮೇಯರ್ ವಿಕ್ಟರ್ ಹ್ಯೂಗೋ ಸೋಸಾ ಅವರು ಸಂಪ್ರದಾಯದಂತೆ ‘ಅಲಿಸಿಯಾ ಆಡ್ರಿಯಾನಾ‘ ಎಂಬ ಹೆಸರಿನ ಹೆಣ್ಣು ಮೊಸಳೆ ಜೊತೆ ಹಸೆಮಣೆ ಏರಿದ್ದಾರೆ. ಆ ಮೂಲಕ ತಮ್ಮ ಪೂರ್ವಜರ ಆಚರಣೆಯನ್ನು ಮತ್ತೆ ಮುನ್ನೆಲೆಗೆ ತಂದಿದ್ದಾರೆ. </p><p>‘ನಾವು ಒಬ್ಬರೊನ್ನೊಬ್ಬರು ತುಂಬಾ ಪ್ರೀತಿಸುತ್ತಿದ್ದು, ಈ ಮದುವೆಯ ಜವಾಬ್ದಾರಿಯನ್ನು ಸ್ವೀಕರಿಸುತ್ತೇನೆ. ಪ್ರೀತಿ ಇಲ್ಲದೆ ಮದುವೆಯಾಗಲು ಸಾಧ್ಯವಿಲ್ಲ. ನಾನು ರಾಜಕುಮಾರಿಯೊಂದಿಗೆ (ಕೇಮನ್ ಪ್ರಭೇದಕ್ಕೆ ಸೇರಿದ ಈ ಮೊಸಳೆಗಳು ರಾಜಕುಮಾರಿಯನ್ನು ಪ್ರತಿನಿಧಿಸುತ್ತವೆ) ಮದುವೆಯಾಗಲು ಒಪ್ಪುತ್ತೇನೆ‘ ಎಂದು ಮದುವೆಯ ಆಚರಣೆ ವೇಳೆ ಮೇಯರ್ ವಿಕ್ಟರ್ ಹೇಳುತ್ತಾರೆ.</p><p>ಮದುವೆ ನಡೆಯುವ ವೇಳೆ ಮೊಸಳೆಯ ಬಾಯಿಯನ್ನು ದಾರದಿಂದ ಕಟ್ಟಲಾಗಿತ್ತು. ಮೊಸಳೆಗೆ ಹಸಿರು ಉಡುಗೆ ತೊಡಿಸಿ ಮದುವೆ ಹೆಣ್ಣಿನ ಹಾಗೆ ಶೃಂಗರಿಸಲಾಗಿತ್ತು. ಮದುವೆಗೂ ಮುನ್ನ ಪ್ರತಿ ಮನೆಗೂ ಮೊಸಳೆಯನ್ನು ಕರೆದುಕೊಂಡು ಹೋಗಲಾಗುತ್ತದೆ. ಮದುವೆ ದಿನ ಮೊಸಳೆಗೆ ಬಿಳಿ ಉಡುಗೆ ತೊಡಿಸುತ್ತಾರೆ. </p>.<p>ಸಂಪ್ರದಾಯದಂತೆ ಮದುವೆ ನಡೆಯುವ ಸಂದರ್ಭ ಸ್ಥಳೀಯ ಮೀನುಗಾರರೊಬ್ಬರು ತಮ್ಮ ಬಲೆಯನ್ನು ಬೀಸುತ್ತಾರೆ. ‘ಮೀನುಗಾರಿಕೆ ಸಂಪನ್ನವಾಗಿರಲಿ, ಜನರ ನಡುವೆ ಶಾಂತಿ– ಸೌಹಾರ್ದತೆ ತರಲಿ‘ ಎಂದು ಪ್ರಾರ್ಥಿಸುತ್ತಾರೆ.</p><p>ಮದುವೆಯ ನಂತರ ವರನು ವಧುವಿನೊಂದಿಗೆ (ಮೊಸಳೆ) ನೃತ್ಯ ಮಾಡುತ್ತಾನೆ. ಕೊನೆಯಲ್ಲಿ ವಧುವಿಗೆ ಮುತ್ತು ಕೊಡುತ್ತಾನೆ. ನೆರೆದಿದ್ದವರು ಚಪ್ಪಾಳೆ ತಟ್ಟುವ ಮೂಲಕ ವಧು–ವರನಿಗೆ ಶುಭಾಶಯ ತಿಳಿಸುತ್ತಾರೆ.</p><p>‘ಎರಡೂ ಸಮುದಾಯಗಳ ಸಂಪ್ರದಾಯವನ್ನು ನಡೆಸಿಕೊಂಡು ಹೋಗುತ್ತಿದ್ದೇವೆ. ಇದರಿಂದ ಜನರು ಸಂತೋಷಗೊಂಡಿದ್ದಾರೆ‘ ಎಂದು ಮೇಯರ್ ವಿಕ್ಟರ್ ಸ್ಥಳೀಯ ಸುದ್ದಿ ಸಂಸ್ಥೆಗೆ ಹೇಳಿದ್ದಾರೆ.</p><p>ಮೇಯರ್ ಮದುವೆಯಾದ ಮೊಸಳೆಯು ‘ಕೇಮನ್‘ ಪ್ರಭೇದಕ್ಕೆ ಸೇರಿದ್ದು, ಇತರ ಮೊಸಳೆಗಳ ಹಾಗೆ ಜೌಗು ಪ್ರದೇಶದಲ್ಲಿ ಬದುಕುತ್ತದೆ. ಮಧ್ಯ ಅಮೆರಿಕ, ಮೆಕ್ಸಿಕೊದಲ್ಲಿ ಕೇಮನ್ ಮೊಸಳೆ ಹೆಚ್ಚು ಕಾಣ ಸಿಗುತ್ತದೆ.</p><p><strong>ಆಚರಣೆಯ ಹಿನ್ನಲೆ?</strong></p><p>230 ವರ್ಷಗಳ ಹಿಂದೆ ಇಲ್ಲಿನ ಎರಡು ಸ್ಥಳೀಯ ಸಮುದಾಯಗಳ (ಚೊಂಟಲ್ ಮತ್ತು ಹುವಾವ್) ನಡುವೆ ಕಲಹ ಏರ್ಪಟ್ಟಿತ್ತು. ಆ ವೇಳೆ ಚೊಂಟಲ್ ಸಮುದಾಯದ ರಾಜ, ಹುವಾವ್ ಸಮುದಾಯದ ರಾಣಿಯನ್ನು ಮದುವೆಯಾಗುತ್ತಾನೆ. ಆ ಮೂಲಕ ಈ ಕಲಹ ಅಂತ್ಯವಾಗುತ್ತದೆ. ಇದರ ನೆನಪಿಗಾಗಿ ಪ್ರತಿ ವರ್ಷ ಪುರುಷ ಮತ್ತು ರಾಜಕುಮಾರಿಯನ್ನು ಪ್ರತಿನಿಧಿಸುವ ಹೆಣ್ಣು ಮೊಸಳೆಗೆ ಮದುವೆ ಮಾಡಿಸಲಾಗುತಿತ್ತು. ಇತ್ತೀಚೆಗೆ ಈ ಆಚರಣೆ ಮರೆಯಾಗಿದ್ದು, ಇದೀಗ ಮರು ಜೀವ ಪಡೆದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
