<p><strong>ಜೆರುಸಲೆಂ:</strong> ಇಸ್ರೇಲ್ನ ಐಲಾಟ್ ಎಂಬಲ್ಲಿನ ‘ರೆಡ್ ಸೀ’ ರೆಸಾರ್ಟ್ನಲ್ಲಿ ಸುಮಾರು 30 ಪುರುಷರು 16 ವರ್ಷದ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ ಎಂಬ ವಿಷಯವು ಅಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಯುವಜನರು ಬೀದಿಗಿಳಿದು ಪ್ರತಿಭಟನೆ ನಡೆಸುತ್ತಿದ್ದಾರೆ.</p>.<p>ಸುಮಾರು 20 ವರ್ಷದ ಪ್ರಾಯದ ಯುವಕರ ಗುಂಪು, ಸಂತ್ರಸ್ತೆ ಇದ್ದ ಹೋಟೆಲ್ ಕೊಠಡಿಯ ಹೊರಭಾಗದಲ್ಲಿ ತಮ್ಮ ಸರತಿಗಾಗಿ ಸಾಲುಗಟ್ಟಿ ನಿಂತಿದ್ದರು ಎಂಬ ವರದಿ ಪ್ರಕಟವಾದ ನಂತರವಂತೂ ಇಡೀ ಇಸ್ರೇಲ್ ಕಾದ ಕುಲುಮೆಯಂತಾಗಿದೆ.</p>.<p>ತನ್ನ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ಬಾಲಕಿಯು ಕಳೆದ ವಾರ ಐಲಾಟ್ ಪೊಲೀಸರಿಗೆ ದೂರು ನೀಡಿದ್ದಾಳೆ. ವಾರಕ್ಕೂ ಹಿಂದೆಯೇ ನಡೆದಿದ್ದ ಈ ಲೈಂಗಿಕ ದೌರ್ಜನ್ಯ ಪ್ರಕರಣ ದೂರು ನೀಡುವಲ್ಲಿಯವರೆಗೆ ಬೆಳಕಿಗೇ ಬಂದಿರಲಿಲ್ಲ. ಸದ್ಯ ಪ್ರಕರಣದ ಕುರಿತ ಒಂದೊಂದೇ ಸತ್ಯಗಳು ಹೊರಬರುತ್ತಿರುವ ಹಿನ್ನೆಲೆಯಲ್ಲಿ ಇಸ್ರೇಲ್ ಪ್ರತಿಭಟನೆಯ ಮೂಸೆಯಾಗಿ ಪರಿಣಮಿಸಿದೆ.</p>.<p>ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ವರೆಗೆ ಇಬ್ಬರು ಶಂಕಿತರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಇಲಾಖೆಯ ವಕ್ತಾರ ಮಿಕಿ ರೋಸನ್ಫೀಲ್ಡ್ ಹೇಳಿದ್ದಾರೆ.<br />ಗುರುವಾರ ಸಂಜೆ ಟೆಲ್ ಅವೀವ್ ಮತ್ತು ಜೆರುಸಲೆಮ್ನಂಥ ನಗರಗಳಲ್ಲಿ ತೀವ್ರ ಸ್ವರೂಪದ ಪ್ರತಿಭಟನೆಗಳು ನಡೆದವು. ಹೀಗಾಗಿ ಮಹಿಳೆಯರ ಮೇಲಿನ ದೌರ್ಜನ್ಯದ ವಿರುದ್ಧ ರಾಷ್ಟ್ರದ ನಾಯಕರು ಮಾತನಾಡಲೇಬೇಕಾಯಿತು.</p>.<p>‘ಇದು ಆಘಾತಕಾರಿ. ಇದಕ್ಕೆ ಬೇರೆ ಪದಗಳಿಲ್ಲ. ಇದು ಚಿಕ್ಕ ಹುಡುಗಿಯ ಮೇಲಿನ ಅಪರಾಧ ಮಾತ್ರವಲ್ಲ. ಇದು ಮಾನವೀಯತೆಯ ವಿರುದ್ಧದ ಕ್ರೌರ್ಯ. ಪ್ರಕರಣ ನಮ್ಮೆಲ್ಲರ ಖಂಡನೆಗೆ ಅರ್ಹವಾಗಿದೆ,’ ಎಂದು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹೇಳಿದರು. ಅಲ್ಲದೆ, ಶಂಕಿತರನ್ನು ವಿಚಾರಣೆಗೆ ಒಳಪಡಿಸುವಂತೆ ಸೂಚನೆ ನೀಡಿದರು.<br />ಇಸ್ರೇಲ್ನ ಪ್ರತಿಭಟನಾ ನಿರತ ಯುವಕರಿಗೆ ಬಹಿರಂಗ ಪತ್ರ ಬರೆದಿರುವ ಅಧ್ಯಕ್ಷ ರ್ಯುವೆನ್ ರಿವ್ಲಿನ್, ಲೈಂಗಿಕ ದೌರ್ಜನ್ಯ, ಅತ್ಯಾಚಾರ, ಲೈಂಗಿಕ ಶೋಷಣೆ, ಲೈಂಗಿಕ ಹಿಂಸೆ ಇವುಗಳೆಲ್ಲ ಅಳಿಸಲಾಗದ ಕಲೆಗಳು. ಅಲ್ಲದೆ, ಕ್ಷಮೆಯ ಅರ್ಹತೆಯನ್ನು ಕಳೆದುಕೊಂಡವುಗಳು. ಅವುಗಳು ಸಮಾಜವನ್ನು ನಾಶಗೊಳಿಸುತ್ತವೆ,’ ಎಂದು ಅವರು ಹೇಳಿದ್ದಾರೆ.</p>.<p>ಬಂಧಿತ ಇಬ್ಬರು ಶಂಕಿತರು ಉತ್ತರ ಇಸ್ರೇಲಿ ಕರಾವಳಿಯ ಹಡೆರಾ ನಿವಾಸಿಗಳಾಗಿದ್ದು, ಅವರು ಈ ಹಿಂದೆಯೂ ಅಪರಾಧ ಕೃತ್ಯಗಳಲ್ಲಿ ಭಾಗವಹಿಸಿರುವ ಹಿನ್ನೆಲೆ ಹೊಂದಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p>.<p><strong>ವಿಚಾರಣೆ ವೇಳೆ ಆರೋಪಿ ಹೇಳಿದ್ದೇನು? </strong></p>.<p>ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. ಆಕೆಯ ಮೇಲೆ ಅತ್ಯಾಚಾರ ನಡೆಸಿದ್ದನ್ನು ನಿರಾಕರಿಸಿರುವ ಆರೋಪಿಯೊಬ್ಬ, ತಾನು ಆಕೆಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸಿದ್ದಾಗಿ ಹೇಳಿಕೊಂಡಿದ್ದಾನೆ ಎಂದು ಪೊಲೀಸ್ ಮೂಲಗಳ ಮಾಹಿತಿ ಉಲ್ಲೇಖಿಸಿ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೆರುಸಲೆಂ:</strong> ಇಸ್ರೇಲ್ನ ಐಲಾಟ್ ಎಂಬಲ್ಲಿನ ‘ರೆಡ್ ಸೀ’ ರೆಸಾರ್ಟ್ನಲ್ಲಿ ಸುಮಾರು 30 ಪುರುಷರು 16 ವರ್ಷದ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ ಎಂಬ ವಿಷಯವು ಅಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಯುವಜನರು ಬೀದಿಗಿಳಿದು ಪ್ರತಿಭಟನೆ ನಡೆಸುತ್ತಿದ್ದಾರೆ.</p>.<p>ಸುಮಾರು 20 ವರ್ಷದ ಪ್ರಾಯದ ಯುವಕರ ಗುಂಪು, ಸಂತ್ರಸ್ತೆ ಇದ್ದ ಹೋಟೆಲ್ ಕೊಠಡಿಯ ಹೊರಭಾಗದಲ್ಲಿ ತಮ್ಮ ಸರತಿಗಾಗಿ ಸಾಲುಗಟ್ಟಿ ನಿಂತಿದ್ದರು ಎಂಬ ವರದಿ ಪ್ರಕಟವಾದ ನಂತರವಂತೂ ಇಡೀ ಇಸ್ರೇಲ್ ಕಾದ ಕುಲುಮೆಯಂತಾಗಿದೆ.</p>.<p>ತನ್ನ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ಬಾಲಕಿಯು ಕಳೆದ ವಾರ ಐಲಾಟ್ ಪೊಲೀಸರಿಗೆ ದೂರು ನೀಡಿದ್ದಾಳೆ. ವಾರಕ್ಕೂ ಹಿಂದೆಯೇ ನಡೆದಿದ್ದ ಈ ಲೈಂಗಿಕ ದೌರ್ಜನ್ಯ ಪ್ರಕರಣ ದೂರು ನೀಡುವಲ್ಲಿಯವರೆಗೆ ಬೆಳಕಿಗೇ ಬಂದಿರಲಿಲ್ಲ. ಸದ್ಯ ಪ್ರಕರಣದ ಕುರಿತ ಒಂದೊಂದೇ ಸತ್ಯಗಳು ಹೊರಬರುತ್ತಿರುವ ಹಿನ್ನೆಲೆಯಲ್ಲಿ ಇಸ್ರೇಲ್ ಪ್ರತಿಭಟನೆಯ ಮೂಸೆಯಾಗಿ ಪರಿಣಮಿಸಿದೆ.</p>.<p>ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ವರೆಗೆ ಇಬ್ಬರು ಶಂಕಿತರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಇಲಾಖೆಯ ವಕ್ತಾರ ಮಿಕಿ ರೋಸನ್ಫೀಲ್ಡ್ ಹೇಳಿದ್ದಾರೆ.<br />ಗುರುವಾರ ಸಂಜೆ ಟೆಲ್ ಅವೀವ್ ಮತ್ತು ಜೆರುಸಲೆಮ್ನಂಥ ನಗರಗಳಲ್ಲಿ ತೀವ್ರ ಸ್ವರೂಪದ ಪ್ರತಿಭಟನೆಗಳು ನಡೆದವು. ಹೀಗಾಗಿ ಮಹಿಳೆಯರ ಮೇಲಿನ ದೌರ್ಜನ್ಯದ ವಿರುದ್ಧ ರಾಷ್ಟ್ರದ ನಾಯಕರು ಮಾತನಾಡಲೇಬೇಕಾಯಿತು.</p>.<p>‘ಇದು ಆಘಾತಕಾರಿ. ಇದಕ್ಕೆ ಬೇರೆ ಪದಗಳಿಲ್ಲ. ಇದು ಚಿಕ್ಕ ಹುಡುಗಿಯ ಮೇಲಿನ ಅಪರಾಧ ಮಾತ್ರವಲ್ಲ. ಇದು ಮಾನವೀಯತೆಯ ವಿರುದ್ಧದ ಕ್ರೌರ್ಯ. ಪ್ರಕರಣ ನಮ್ಮೆಲ್ಲರ ಖಂಡನೆಗೆ ಅರ್ಹವಾಗಿದೆ,’ ಎಂದು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹೇಳಿದರು. ಅಲ್ಲದೆ, ಶಂಕಿತರನ್ನು ವಿಚಾರಣೆಗೆ ಒಳಪಡಿಸುವಂತೆ ಸೂಚನೆ ನೀಡಿದರು.<br />ಇಸ್ರೇಲ್ನ ಪ್ರತಿಭಟನಾ ನಿರತ ಯುವಕರಿಗೆ ಬಹಿರಂಗ ಪತ್ರ ಬರೆದಿರುವ ಅಧ್ಯಕ್ಷ ರ್ಯುವೆನ್ ರಿವ್ಲಿನ್, ಲೈಂಗಿಕ ದೌರ್ಜನ್ಯ, ಅತ್ಯಾಚಾರ, ಲೈಂಗಿಕ ಶೋಷಣೆ, ಲೈಂಗಿಕ ಹಿಂಸೆ ಇವುಗಳೆಲ್ಲ ಅಳಿಸಲಾಗದ ಕಲೆಗಳು. ಅಲ್ಲದೆ, ಕ್ಷಮೆಯ ಅರ್ಹತೆಯನ್ನು ಕಳೆದುಕೊಂಡವುಗಳು. ಅವುಗಳು ಸಮಾಜವನ್ನು ನಾಶಗೊಳಿಸುತ್ತವೆ,’ ಎಂದು ಅವರು ಹೇಳಿದ್ದಾರೆ.</p>.<p>ಬಂಧಿತ ಇಬ್ಬರು ಶಂಕಿತರು ಉತ್ತರ ಇಸ್ರೇಲಿ ಕರಾವಳಿಯ ಹಡೆರಾ ನಿವಾಸಿಗಳಾಗಿದ್ದು, ಅವರು ಈ ಹಿಂದೆಯೂ ಅಪರಾಧ ಕೃತ್ಯಗಳಲ್ಲಿ ಭಾಗವಹಿಸಿರುವ ಹಿನ್ನೆಲೆ ಹೊಂದಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p>.<p><strong>ವಿಚಾರಣೆ ವೇಳೆ ಆರೋಪಿ ಹೇಳಿದ್ದೇನು? </strong></p>.<p>ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. ಆಕೆಯ ಮೇಲೆ ಅತ್ಯಾಚಾರ ನಡೆಸಿದ್ದನ್ನು ನಿರಾಕರಿಸಿರುವ ಆರೋಪಿಯೊಬ್ಬ, ತಾನು ಆಕೆಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸಿದ್ದಾಗಿ ಹೇಳಿಕೊಂಡಿದ್ದಾನೆ ಎಂದು ಪೊಲೀಸ್ ಮೂಲಗಳ ಮಾಹಿತಿ ಉಲ್ಲೇಖಿಸಿ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>