ಕೇಂದ್ರ ಸರ್ಕಾರವು ಜಾರಿಗೆ ತಂದಿರುವ ಕೃಷಿ ಉತ್ಪನ್ನ ಮಾರಾಟ ಮತ್ತು ವಾಣಿಜ್ಯ (ಪ್ರೋತ್ಸಾಹ ಮತ್ತು ನೆರವು) ಕಾಯ್ದೆ, ಬೆಲೆ ಖಾತರಿಗೆ ರೈತರ ಒಪ್ಪಿಗೆ (ಸಶಕ್ತೀಕರಣ ಮತ್ತು ರಕ್ಷಣೆ) ಕಾಯ್ದೆ ಮತ್ತು ಕೃಷಿ ಸೇವೆಗಳು ಮತ್ತು ಅಗತ್ಯ ವಸ್ತು ತಿದ್ದುಪಡಿ ಕಾಯ್ದೆಯನ್ನು ರದ್ದು ಮಾಡುವಂತೆ ಒತ್ತಾಯಿಸಿ ದೆಹಲಿಯಲ್ಲಿ ರೈತರು ನಡೆಸುತ್ತಿರುವ ಪ್ರತಿಭಟನೆಗೆ ಲಂಡನ್ನಲ್ಲಿರುವ ಸಿಖ್ಖರು ಬೆಂಬಲ ವ್ಯಕ್ತಪಡಿಸಿದರು.ಡಿ.6ರಂದು ಭಾರತೀಯ ಹೈಕಮಿಷನ್ ಎದುರು ನೆರೆದಿದ್ದ ಭಾರತೀಯ ಸಿಖ್ಖರು ಕಾಯ್ದೆ ಹಿಂದಕ್ಕೆ ಪಡೆಯಬೇಕು ಎಂದು ಒತ್ತಾಯಿಸಿದರು. 'ನೋ ಫರ್ಮರ್ಸ್, ನೋ ಫುಡ್' (ರೈತರಿಲ್ಲದಿದ್ದರೆ, ಆಹಾರವೂ ಇಲ್ಲ) ಎಂಬ ಘೋಷಣೆಗಳನ್ನೂ ಕೂಗಿದರು.ಇದೇ ಹಿನ್ನೆಲೆಯಲ್ಲಿ ಭಾರತೀಯ ಹೈಕಮಿಷನ್ಗೆ ಭಾರಿ ಭದ್ರತೆ ಒದಗಿಸಲಾಗಿತ್ತು.