ಅಮೆರಿಕ ಹಿಂಸಾಚಾರ: ‘ಯು.ಎಸ್.ಕ್ಯಾಪಿಟಲ್’ ಮೇಲೆ ಈ ಹಿಂದೆ ನಡೆದ ದಾಳಿಗಳೆಷ್ಟು?

ವಾಷಿಂಗ್ಟನ್: ಅಮೆರಿಕದ ಅಧಿಕಾರದ ಕೇಂದ್ರ ಸ್ಥಾನವೂ ಆದ ‘ಯು.ಎಸ್.ಕ್ಯಾಪಿಟಲ್’ ಕಳೆದ 220 ವರ್ಷಗಳ ಇತಿಹಾಸದಲ್ಲಿ ಸಾಕಷ್ಟು ಪ್ರತಿಭಟನೆಗಳಿಗೆ ಸಾಕ್ಷಿಯಾಗಿದೆ. ಆದರೆ, ಈ ದಿನದಂಥ ಪ್ರತಿಭಟನೆ ನಡೆದಿದ್ದು ಇದೇ ಮೊದಲು.

. ಆಕರ್ಷಕ ಅಮೃತಶಿಲೆಯ ಸ್ತಂಭಗಳಿಗೆ ಜಖಂಗೊಳಿಸಲಾಗಿದೆ.ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವದ ವ್ಯವಸ್ಥೆ ಎನ್ನಲಾದ ಅಮೆರಿಕದ ಆಡಳಿತ ವ್ಯವಸ್ಥೆಗೆ ಧಕ್ಕೆ ಉಂಟು ಮಾಡಲಾಗಿದೆ. ಈಗಿನ ಪ್ರತಿಭಟನೆ ಮೊದಲು ನಡೆದ ಪ್ರತಿಭಟನೆಗಳಿಗಿಂತ ಭಿನ್ನ.

. ಇದನ್ನೂ ಓದಿ: ಜೋ ಬೈಡನ್, ಕಮಲಾ ಹ್ಯಾರಿಸ್ ಜಯವನ್ನು ದೃಢಪಡಿಸಿದ ಅಮೆರಿಕ ಕಾಂಗ್ರೆಸ್

. 1814ರಲ್ಲಿ ಮೊದಲಿಗೆ ಅಂದರೆ ಕಟ್ಟಡ ನಿರ್ಮಾಣವಾದ 14 ವರ್ಷಗಳ ನಂತರ ಪ್ರತಿಭಟನೆ ನಡೆಯಿತು. ಆಗ ಕಟ್ಟಡದ ಒಳ ನುಸುಳಿದವರೂ ಹಚ್ಚಿದ ಬೆಂಕಿಗೆ ಕಟ್ಟಡದಲ್ಲಿದ್ದ ಗ್ರಂಥಾಲಯ ಹೊತ್ತಿ ಉರಿದಿತ್ತು.

. ಅದೇ ವೇಳೆಗೆ ಮಳೆಯೂ ಸುರಿದ ಕಾರಣ ಹೆಚ್ಚಿನ ನಷ್ಟ ತಪ್ಪಿತ್ತು. ಆದರೆ, ಭಿನ್ನ ವಾಸ್ತುಶಿಲ್ಪದ ಕಟ್ಟಡಕ್ಕೆ ಸಾಕಷ್ಟು ಧಕ್ಕೆಯಾಗಿತ್ತು ಎಂದು ವಾಸ್ತುಶಿಲ್ಪಿ ಬೆಂಜಮಿಕನ್ ಹೆನ್ರಿ ಲಾಟ್ರೊಬೆ ಹೇಳುತ್ತಾರೆ.

. ಅಂದಿನಿಂದ ಶತಮಾನದವರೆಗೂ ಹಲವು ಬಾರಿ ಕಟ್ಟಡ ಮೇಲಿನ ‘ಒಕ್ಕೂಟ, ನ್ಯಾಯ, ತಾಳ್ಮೆ, ಸ್ವಾತಂತ್ರ್ಯ, ಶಾಂತಿ’ ಎಂಬ ಪದಗಳನ್ನೇ ಅಣಕಿಸುವಂತೆ ಪ್ರತಿಭಟನೆಗಳು ನಡೆದಿವೆ. ಹಲವು ಬಾರಿ ಶೂಟೌಟ್ಗಳು ನಡೆದಿವೆ. ಜನಪ್ರತಿನಿಧಿಗಳ ನಡುವೆಯೂ ಮಾರಾಮಾರಿ ನಡೆದಿದ್ದಿದೆ.

. ಇದನ್ನೂ ಓದಿ: ಜ.20ರಂದು ಕ್ರಮಬದ್ಧ ಅಧಿಕಾರ ಹಸ್ತಾಂತರ: ಡೊನಾಲ್ಡ್ ಟ್ರಂಪ್ ಭರವಸೆ

. 1950ರಲ್ಲಿ ನಡೆದ ಘಟನೆ ತೀವ್ರವಾಗಿ ಚರ್ಚೆಗೆ ಒಳಪಟ್ಟಿತ್ತು. ಪೋರ್ಟೊ ರಿಕನ್ನ ನಾಲ್ವರು ಸ್ವಾತಂತ್ರ್ಯ ಬೇಕು ಎಂದು ಘೋಷಣೆ ಮಾಡಿ, ಪ್ರತ್ಯೇಕತೆಯ ಧ್ವಜಾರೋಹಣ ಮಾಡಿದರು. ಅಲ್ಲದೆ ಸಭಾಂಗಣದ ಪ್ರೇಕ್ಷಕರ ಗ್ಯಾಲರಿಯಿಂದ 30 ಸುತ್ತು ಗುಂಡು ಹಾರಿಸಿದ್ದರು. ಇದರಲ್ಲಿ ಐವರು ಸದಸ್ಯರು ಆಗ ಗಾಯಗೊಂಡಿದ್ದರು.

. ‘ನಾನು ಯಾರೊಬ್ಬರನ್ನು ಕೊಲ್ಲಲು ಬಂದಿಲ್ಲ. ಪೋರ್ಟೊ ರಿಕೊಗೆ ಸ್ವಾತಂತ್ರ್ಯ ಕೇಳಲು ಬಂದಿದ್ದೇನೆ’ ಎಂದು ಬಂಧಿಸಿದ ಬಳಿಕ ಮಹಿಳಾ ಪ್ರತಿಭಟನಾಗಾರ್ತಿ ಕೂಗಿದ್ದಳು.

. ಇದನ್ನೂ ಓದಿ: ‘ನಮ್ಮನ್ಯಾರೂ ತಡೆಯಲಾಗದು’ಎಂದಿದ್ದ ಟ್ರಂಪ್ ಬೆಂಬಲಿಗ ಮಹಿಳೆ ಗುಂಡೇಟಿಗೆ ಬಲಿ

. 1983ರಲ್ಲಿ ಕಮ್ಯುನಿಸ್ಟ್ ಆಂದೋಲನದ ವೇಳೆ ಬಾಂಬ್ ಹಾಕಲಾಗಿತ್ತು. 1998ರಲ್ಲಿ ಭೀಕರ ಎನ್ನಬಹುದಾದ ದಾಳಿನಡೆದಿದ್ದು, ಮಾನಸಿಕ ಅಸ್ವಸ್ಥನೊಬ್ಬ ಗುಂಡು ಹಾರಿಸಿದ್ದರಿಂದ ಇಬ್ಬರು ಪೊಲೀಸ್ ಅಧಿಕಾರಿಗಳು ಮೃತಪಟ್ಟಿದ್ದರು. 2013ರಲ್ಲಿ ಮಹಿಳೆಯೊಬ್ಬರು ಕಾರನ್ನು ಶ್ವೇತಭವನದ ಒಳಗೆ ನುಗ್ಗಿಸಲು ಯತ್ನಿಸಿ ಗುಂಡಿಗೆ ಬಲಿಯಾಗಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಮೆರಿಕ ಹಿಂಸಾಚಾರ: ‘ಯು.ಎಸ್.ಕ್ಯಾಪಿಟಲ್’ ಮೇಲೆ ಈ ಹಿಂದೆ ನಡೆದ ದಾಳಿಗಳೆಷ್ಟು?

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು