<p>ಕಾಬೂಲ್ (ಎಪಿ): ಆಫ್ಘಾನಿಸ್ತಾನದಲ್ಲಿ 16 ನಾಗರಿಕರನ್ನು ಅಮಾನುಷವಾಗಿ ಕೊಂದ ಅಮೆರಿಕದ ಸೈನಿಕನ ಮೇಲೆ ಆಫ್ಘಾನಿಸ್ತಾನದ ಕಾನೂನಿಗೆ ಅನುಗುಣವಾಗಿ ಕ್ರಮ ಜರುಗಿಸಬೇಕು ಎಂಬ ಒತ್ತಾಯ ಕೇಳಿಬರುತ್ತಿರುವಾಗಲೇ ಆತನನ್ನು ಕುವೈತ್ಗೆ ವರ್ಗಾಯಿಸಲಾಗಿದೆ ಎಂಬ ವರದಿ ಹೊರಬಿದ್ದಿದೆ.<br /> <br /> ಈ ಸುದ್ದಿಗೆ ಆಫ್ಘನ್ ಅಧಿಕಾರಿಗಳು ತಕ್ಷಣ ಪ್ರತಿಕ್ರಿಯಿಸಿಲ್ಲ. ಆದರೆ, ಆತನನ್ನು ವರ್ಗಾಯಿಸಲಾಗಿದೆ ಎಂದ ಮಾತ್ರಕ್ಕೆ ಈ ಪ್ರಕರಣದ ವಿಚಾರಣೆ ಆಫ್ಘಾನಿಸ್ತಾನದಲ್ಲಿ ನಡೆಯುವುದಿಲ್ಲ ಎಂದಲ್ಲ. ಆತ ತಪ್ಪಿತಸ್ಥ ಎಂದು ಸಾಬೀತಾದಲ್ಲಿ ಮರಣದಂಡನೆವಿಧಿಸಬಹುದಾಗಿದೆ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಿಯೋನ್ ಪನೆಟ್ಟಾ ಹೇಳಿದ್ದಾರೆ.<br /> <br /> ಬುಧವಾರ ಸಂಜೆಯವರೆಗೆ ಆ ಸೈನಿಕ ಕಂದಹಾರ್ನಲ್ಲಿ ಅಮೆರಿಕ ಸೈನ್ಯದ ವಶದಲ್ಲಿದ್ದ. ನಂತರ ಆತನನ್ನು ಕುವೈತ್ಗೆ ಕಳುಹಿಸಲಾಯಿತು ಎಂದು ಹೆಸರು ಹೇಳಲಿಚ್ಛಿಸದ ಅಮೆರಿಕದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.<br /> <br /> ಈ ಪ್ರಕರಣವನ್ನು ಅಮೆರಿಕ ನಿಭಾಯಿಸಿದ ರೀತಿಯಿಂದ ಉಭಯ ದೇಶಗಳ ನಡುವೆ ಈಗಾಗಲೇ ಹದಗೆಟ್ಟಿರುವ ಸಂಬಂಧ ಮತ್ತಷ್ಟು ಬಿಗಡಾಯಿಸಬಹುದು ಎನ್ನಲಾಗಿದೆ.<br /> <br /> ಕಳೆದ ತಿಂಗಳು ಅಮೆರಿಕದ ಸೈನಿಕರು ಕುರಾನ್ ಪ್ರತಿ ಸುಟ್ಟುಹಾಕಿದಾಗ ಆ ದೇಶದ ವಿರುದ್ಧ ಭಾರಿ ಆಕ್ರೋಶ ಕಂಡುಬಂದಿತ್ತು. ಅಮೆರಿಕ ಜತೆ ಎಲ್ಲ ಸಂಬಂಧ ಕಡಿದುಕೊಳ್ಳುವಂತೆ ನಾಗರಿಕರು ಆಗ್ರಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಾಬೂಲ್ (ಎಪಿ): ಆಫ್ಘಾನಿಸ್ತಾನದಲ್ಲಿ 16 ನಾಗರಿಕರನ್ನು ಅಮಾನುಷವಾಗಿ ಕೊಂದ ಅಮೆರಿಕದ ಸೈನಿಕನ ಮೇಲೆ ಆಫ್ಘಾನಿಸ್ತಾನದ ಕಾನೂನಿಗೆ ಅನುಗುಣವಾಗಿ ಕ್ರಮ ಜರುಗಿಸಬೇಕು ಎಂಬ ಒತ್ತಾಯ ಕೇಳಿಬರುತ್ತಿರುವಾಗಲೇ ಆತನನ್ನು ಕುವೈತ್ಗೆ ವರ್ಗಾಯಿಸಲಾಗಿದೆ ಎಂಬ ವರದಿ ಹೊರಬಿದ್ದಿದೆ.<br /> <br /> ಈ ಸುದ್ದಿಗೆ ಆಫ್ಘನ್ ಅಧಿಕಾರಿಗಳು ತಕ್ಷಣ ಪ್ರತಿಕ್ರಿಯಿಸಿಲ್ಲ. ಆದರೆ, ಆತನನ್ನು ವರ್ಗಾಯಿಸಲಾಗಿದೆ ಎಂದ ಮಾತ್ರಕ್ಕೆ ಈ ಪ್ರಕರಣದ ವಿಚಾರಣೆ ಆಫ್ಘಾನಿಸ್ತಾನದಲ್ಲಿ ನಡೆಯುವುದಿಲ್ಲ ಎಂದಲ್ಲ. ಆತ ತಪ್ಪಿತಸ್ಥ ಎಂದು ಸಾಬೀತಾದಲ್ಲಿ ಮರಣದಂಡನೆವಿಧಿಸಬಹುದಾಗಿದೆ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಿಯೋನ್ ಪನೆಟ್ಟಾ ಹೇಳಿದ್ದಾರೆ.<br /> <br /> ಬುಧವಾರ ಸಂಜೆಯವರೆಗೆ ಆ ಸೈನಿಕ ಕಂದಹಾರ್ನಲ್ಲಿ ಅಮೆರಿಕ ಸೈನ್ಯದ ವಶದಲ್ಲಿದ್ದ. ನಂತರ ಆತನನ್ನು ಕುವೈತ್ಗೆ ಕಳುಹಿಸಲಾಯಿತು ಎಂದು ಹೆಸರು ಹೇಳಲಿಚ್ಛಿಸದ ಅಮೆರಿಕದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.<br /> <br /> ಈ ಪ್ರಕರಣವನ್ನು ಅಮೆರಿಕ ನಿಭಾಯಿಸಿದ ರೀತಿಯಿಂದ ಉಭಯ ದೇಶಗಳ ನಡುವೆ ಈಗಾಗಲೇ ಹದಗೆಟ್ಟಿರುವ ಸಂಬಂಧ ಮತ್ತಷ್ಟು ಬಿಗಡಾಯಿಸಬಹುದು ಎನ್ನಲಾಗಿದೆ.<br /> <br /> ಕಳೆದ ತಿಂಗಳು ಅಮೆರಿಕದ ಸೈನಿಕರು ಕುರಾನ್ ಪ್ರತಿ ಸುಟ್ಟುಹಾಕಿದಾಗ ಆ ದೇಶದ ವಿರುದ್ಧ ಭಾರಿ ಆಕ್ರೋಶ ಕಂಡುಬಂದಿತ್ತು. ಅಮೆರಿಕ ಜತೆ ಎಲ್ಲ ಸಂಬಂಧ ಕಡಿದುಕೊಳ್ಳುವಂತೆ ನಾಗರಿಕರು ಆಗ್ರಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>