ಚುರುಮುರಿ | ಬಾರೋ ಹೋಗೋ ಮಳೆರಾಯ!

ನಗರದಲ್ಲಿ ವಾಸವಿದ್ದ ಅಪ್ ಟು ಡೇಟ್ ಅಮ್ಮಯ್ಯ, ಲಾಕ್ಡೌನ್ನಿಂದ ಮಕ್ಕಳ ಶಾಲೆಗೆ ರಜೆ ಇದ್ದದ್ದರಿಂದ ಹಳ್ಳಿಗೆ ಬಂದಿದ್ದಳು. ತಾತ ಮಣ್ಣೆತ್ತಿನ ಅಮಾವಾಸ್ಯೆ ಪೂಜೆಗೆ ಎರೆಮಣ್ಣಿನಲ್ಲಿ ಎತ್ತುಗಳನ್ನು ಮಾಡುತ್ತಿದ್ದುದನ್ನು ಆಕೆಯ ಕಾನ್ವೆಂಟ್ ಕಂದ ಕುತೂಹಲದಿಂದ ನೋಡುತ್ತಿದ್ದ. ಅವು ಚೋಟಾ ಭೀಮ್, ಮಿಕ್ಕಿ ಮೌಸ್ ಥರ ಇಲ್ಲವೆಂದು ಅವನಿಗೆ ಅಚ್ಚರಿ.

. ‘ತಾತಾ, ನಾನೂ ಒಂದು ಮಾಡ್ತೀನಿ’ ಎನ್ನುತ್ತಾ ಮಣ್ಣಿಗೆ ಕೈಹಾಕಿದಾಗ ಅಮ್ಮ ಗದರಿದಳು ‘ನೋ, ನೋ ಅದು ಡರ್ಟಿ ಮಣ್ಣು, ಮುಟ್ಟಬೇಡ’.

. ಆಗ ಅಜ್ಜಿ ಬಂದು ‘ಬಾರೋ ಕಂದ, ಎಣ್ಣೆಗಾಯಿ, ರಾಗಿ ರೊಟ್ಟಿ ಮಾಡಿದೀನಿ ತಿನ್ನು’ ಎಂದಳು.

. ಮಗಳು, ‘ಅವನಿಗೆ ಅದೆಲ್ಲ ಅಭ್ಯಾಸವಿಲ್ಲಮ್ಮ. ಮ್ಯಾಗಿ ನೂಡಲ್ಸ್ ತಂದಿದೀನಿ, ಮಾಡ್ಕೊಡ್ತೀನಿ’ ಎಂದಳು.

. ಸ್ವಲ್ಪ ಹೊತ್ತಿನಲ್ಲಿ ಮಳೆ ಶುರುವಾದಾಗ ಬೀದಿಯಲ್ಲಿ ಹುಡುಗರು ‘ಬಾರೋ ಬಾರೋ ಮಳೆರಾಯ, ಬಾಳೆಯ ತೋಟಕೆ ನೀರಿಲ್ಲ’ ಎಂದು ಹಾಡುತ್ತಾ ಕುಣಿಯತೊಡಗಿದರು. ಅದಕ್ಕೆ ಕಂದನೂ ದನಿಗೂಡಿಸಿದ- ‘ರೈನ್ ರೈನ್ ಗೋ ಅವೇ, ಕಮ್ ಎಗೆಯ್ನ್ ಅನದರ್ ಡೇ...’ (ಹೋಗೋ ಹೋಗೋ ಮಳೆರಾಯ, ಇನ್ನೊಂದು ದಿನ ಬಾರಯ್ಯ).

. ಹೊರಬಂದ ತಾತ ಮೊಮ್ಮಗನ ಇಂಗ್ಲಿಷ್ ಹಾಡು ಕೇಳಿ ಖುಷಿಯಿಂದ ‘ಏನಮ್ಮಾ ಆ ಹಾಡಿನ ಅರ್ಥ?’ ಎಂದು ಮಗಳನ್ನು ಕೇಳಿದರು. ಅರ್ಥ ಕೇಳಿ ಕುಸಿದುಹೋದ ಆತ ‘ಮಗನನ್ನು ಒಳಗೆ ಕರೆಯಮ್ಮ, ಅವನಿಗೆ ಶೀತವಾದೀತು’ ಎಂದರು.

. ‘ಈ ಹಾಳು ಮಳೆಯಿಂದ ನಮ್ಮ ಆಟವೆಲ್ಲ ಕೆಟ್ಟೋಯ್ತು’ ಎನ್ನುತ್ತಾ ಕಂದ ಒಳಬಂದ.

. ‘ನಮ್ಗೆ, ನಿಂಗೆ ಊಟ ಸಿಗೋದು ಈ ಮಳೆಯಿಂದ್ಲೇ ಕಣಪ್ಪ. ನಿನ್ನ ಪಾಪ್ಕಾರ್ನ್, ಗೋಬಿ ಮಂಚೂರಿ ಎಲ್ಲಿಂದ ಬರುತ್ತೆ ಗೊತ್ತಾ?’ ಅಂದರು ತಾತ.

. ‘ನಂಗೆ ಅಷ್ಟೂ ಗೊತ್ತಿಲ್ವೇ? ಅವೆಲ್ಲ ಬರೋದು ಬಿಗ್ ಬಜಾರಿಂದ. ಬೇಕಾದ್ರೆ, ನಿಮ್ಗೆ ರೊಟ್ಟಿ ಪಲ್ಯ, ಚಟ್ನಿಪುಡೀನೂ ಬರುತ್ತೆ!’ ಹಳ್ಳಿತಾತ ಸುಸ್ತಾದರು!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ | ಬಾರೋ ಹೋಗೋ ಮಳೆರಾಯ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ