ತಂಡದ ಸದಸ್ಯರೆಲ್ಲಾ ನಿವೃತ್ತರು (ಅತೃಪ್ತರು ಎಂದು ತಪ್ಪಾಗಿ ಓದಿಕೊಳ್ಳಬೇಡಿ!). ಜೀವನೋತ್ಸಾಹಕ್ಕೆ (ಅಧಿಕಾರದಾಹ ಅಲ್ಲ!) ಮಿತಿಯಿಲ್ಲ. ಪಾರ್ಟಿಗೀರ್ಟಿ ಅಂತ ಹಂಬಲಿಸಲಾರರು. ಯಾರಾದರೂ ರಾತ್ರಿಯ ಪಾರ್ಟಿಗೆ ಕರೆದರೆ ಬೆಳಗಿನ ಜಾವದವರೆಗೆ ನಿಭಾಯಿಸುವ ಶಕ್ತಿಯುಳ್ಳವರು! ಅವರ ಸಂತಸಕ್ಕೆ ಇವರು ದುಃಖ, ಇವರ ದುಃಖಕ್ಕೆ ಅವರು ಸಂತಸ ಪಡುವ ಧಾರಾಳ ಗುಣಕ್ಕೆ ಕೊರತೆಯಿಲ್ಲ. ಷೇರು ಮಾರುಕಟ್ಟೆ, ಅಮೆರಿಕ ಅಧ್ಯಕ್ಷರ ಚುನಾವಣೆ, ಸಕ್ಕರೆ ಕಾಯಿಲೆಯ ಚಿಕಿತ್ಸೆ ಎಂದೆಲ್ಲ ನಡೆಯುವ ಚರ್ಚೆಯಲ್ಲಿ ಗೆಳೆಯರ ನಡುವೆ ಹೊಸದೊಂದು ವಿಷಯ ಪ್ರಸ್ತಾಪವಾಯಿತು.