<p>‘ನನ್ನ ಮಗ ಬೆಳಿಗ್ಗೆ ಕ್ಯಾಮೆರಾ ಹಿಡಿದುಕೊಂಡು ಹೊರಗೆ ಹೋದ…’, ತಿಂಗಳೇಶನ ಮಾತಿನಲ್ಲಿ ಪುತ್ರನ ಬಗ್ಗೆ ದೂರು ಇತ್ತೋ, ಹೆಮ್ಮೆ ಇತ್ತೋ ಗೊತ್ತಾಗಲಿಲ್ಲ.</p>.<p>‘ಸೂರ್ಯೋದಯದ ಸೀನು ಸೆರೆ ಹಿಡಿಯಲು ಹೋಗಿರ್ತಾನೆ’.</p>.<p>‘ಅಪ್ಪನಿಗೆ ಕ್ಯಾಮೆರಾ ತೋರಿಸಿ ಹೊಸಕೋಟೆ ಬಿರಿಯಾನಿ ಬಾರಿಸಲು ಹೋಗಿರಬಹುದು…’</p>.<p>ಬೈಟು ಬಳಗದವರು ಸಿಪ್ಪು ಹೀರುತ್ತಾ ಹೇಳಿದರು. ಕಪ್ಪೊಳಗೆ ಅರ್ಧ ಕಾಫಿ, ಕಣ್ಣೊಳಗೆ ‘ಕಪ್ಪು ನಮ್ಮದೇ’ ಎಂಬ ಗರ್ವ! ‘ಎಲ್ಲೆಲ್ಲೂ ಗುಂಡಿ ಫೋಟೊ ತೆಗೆಯಲು <br />ಹೋಗಿರಬಹುದಲ್ಲವೇ…?’</p>.<p>‘ಅಯ್ಯೋ… ಬೆಂಗಳೂರಿನ ರಸ್ತೆಗುಂಡಿಗಳ ಕಥೆ ಒತ್ತಟ್ಟಿಗಿರಲಿ, ಎಷ್ಟೋ ಕೋಟಿ ತೆರಿಗೆ ಹಣ ತಿಂದು ಅವು ಮುಚ್ಚಿಕೊಳ್ಳುತ್ತವೆ. ರಾಜಕಾರಣಿಗಳು ತಮ್ಮ ಎದುರಾಳಿ<br />ಗಳನ್ನು ಬೀಳಿಸಲು ತೋಡುವ ಗುಂಡಿಗಳು ಒಂದಾ ಎರಡಾ…’</p>.<p>‘ಅದಕ್ಕೆಂದೇ ನಮ್ಮ ಬಂಡೆಕುಮಾರ, ಹೈಕಮಾಂಡಿನ ಅಶ್ವಶಕ್ತಿಗಿಂತ ಲೋ–ಕಮಾಂಡಿನ ಜನಶಕ್ತಿ ಮಿಗಿಲು ಎಂದು ಸೈಕಲ್ ಏರಿದ್ದಾರೆ’.</p>.<p>‘ವಿಧಾನಸೌಧದ ಗುಂಡಿಗಳಿಲ್ಲದ ಆವರಣದಲ್ಲಿ ಸೈಕಲ್ ತುಳಿಯೋದು ಅದ್ಯಾವ ದೊಡ್ಡ ಸಾಹಸ…?’</p>.<p>‘ವಿಧಾನಸೌಧದ ರಸ್ತೆಯಲ್ಲಿ ತೋಡಿದ ಗುಂಡಿಗಳು ಮಾಮೂಲು ರಸ್ತೆಗುಂಡಿಗಳಂತೆ ಕಣ್ಣಿಗೆ ಕಾಣುವುದಿಲ್ಲ, ಕ್ಯಾಮೆರಾ ಕ್ಲಿಕ್ಕಿಗೂ ಸಿಕ್ಕುವುದಿಲ್ಲ. ಅವುಗಳಿಗೆ ಯಾರನ್ನು ಎಲ್ಲಿ ಯಾವಾಗ ಹೇಗೆ ಕೆಡವಬೇಕೆಂಬ ಮರ್ಮ ತಿಳಿದಿರುತ್ತದೆ’.</p>.<p>‘ಹೌದು… ಬೀಳಿಸುವ ಗುಂಡಿ ಯಾವ ರೂಪದಲ್ಲೂ ಎದುರಾಗಬಹುದು. ಕೈಬೀಸುತ್ತಾ ವಿಧಾನಸೌಧ ಸುತ್ತ ಪೆಡಲ್ ತುಳಿದ ಬಂಡೆಕುಮಾರ ಇನ್ನೇನು ಮೆಟ್ಟಿಲ ಮೇಲೆ ಕಾಲಿಟ್ಟು ನಿಲ್ಲಬೇಕು ಎನ್ನುವಾಗ ಕುಸಿಯಲಿಲ್ಲವೇ?’</p>.<p>‘ಕೆಲವೊಮ್ಮೆ ತಾವು ತೋಡಿದ ಗುಂಡಿಯಲ್ಲಿ ತಾವೇ ಬೀಳುವುದುಂಟು, ಲೋಕಾಯುಕ್ತ ಎಸ್.ಪಿ. ಬಿದ್ದಂತೆ’.</p>.<p>‘ಸಾಹಿತಿಗಳ ಸರ್ವನಾಶಕ್ಕೆ ಕೈಗೊಂಡಿರುವ ಮಹಾಕಾಳಿ ಹೋಮದಲ್ಲಿ ಗೋಚರ–ಅಗೋಚರ ಗುಂಡಿಗಳ ವಿನಾಶವನ್ನೂ ಸೇರಿಸಬಹುದೇ…?’ ತಿಂಗಳೇಶ ಮುಗಿಸಿದ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನನ್ನ ಮಗ ಬೆಳಿಗ್ಗೆ ಕ್ಯಾಮೆರಾ ಹಿಡಿದುಕೊಂಡು ಹೊರಗೆ ಹೋದ…’, ತಿಂಗಳೇಶನ ಮಾತಿನಲ್ಲಿ ಪುತ್ರನ ಬಗ್ಗೆ ದೂರು ಇತ್ತೋ, ಹೆಮ್ಮೆ ಇತ್ತೋ ಗೊತ್ತಾಗಲಿಲ್ಲ.</p>.<p>‘ಸೂರ್ಯೋದಯದ ಸೀನು ಸೆರೆ ಹಿಡಿಯಲು ಹೋಗಿರ್ತಾನೆ’.</p>.<p>‘ಅಪ್ಪನಿಗೆ ಕ್ಯಾಮೆರಾ ತೋರಿಸಿ ಹೊಸಕೋಟೆ ಬಿರಿಯಾನಿ ಬಾರಿಸಲು ಹೋಗಿರಬಹುದು…’</p>.<p>ಬೈಟು ಬಳಗದವರು ಸಿಪ್ಪು ಹೀರುತ್ತಾ ಹೇಳಿದರು. ಕಪ್ಪೊಳಗೆ ಅರ್ಧ ಕಾಫಿ, ಕಣ್ಣೊಳಗೆ ‘ಕಪ್ಪು ನಮ್ಮದೇ’ ಎಂಬ ಗರ್ವ! ‘ಎಲ್ಲೆಲ್ಲೂ ಗುಂಡಿ ಫೋಟೊ ತೆಗೆಯಲು <br />ಹೋಗಿರಬಹುದಲ್ಲವೇ…?’</p>.<p>‘ಅಯ್ಯೋ… ಬೆಂಗಳೂರಿನ ರಸ್ತೆಗುಂಡಿಗಳ ಕಥೆ ಒತ್ತಟ್ಟಿಗಿರಲಿ, ಎಷ್ಟೋ ಕೋಟಿ ತೆರಿಗೆ ಹಣ ತಿಂದು ಅವು ಮುಚ್ಚಿಕೊಳ್ಳುತ್ತವೆ. ರಾಜಕಾರಣಿಗಳು ತಮ್ಮ ಎದುರಾಳಿ<br />ಗಳನ್ನು ಬೀಳಿಸಲು ತೋಡುವ ಗುಂಡಿಗಳು ಒಂದಾ ಎರಡಾ…’</p>.<p>‘ಅದಕ್ಕೆಂದೇ ನಮ್ಮ ಬಂಡೆಕುಮಾರ, ಹೈಕಮಾಂಡಿನ ಅಶ್ವಶಕ್ತಿಗಿಂತ ಲೋ–ಕಮಾಂಡಿನ ಜನಶಕ್ತಿ ಮಿಗಿಲು ಎಂದು ಸೈಕಲ್ ಏರಿದ್ದಾರೆ’.</p>.<p>‘ವಿಧಾನಸೌಧದ ಗುಂಡಿಗಳಿಲ್ಲದ ಆವರಣದಲ್ಲಿ ಸೈಕಲ್ ತುಳಿಯೋದು ಅದ್ಯಾವ ದೊಡ್ಡ ಸಾಹಸ…?’</p>.<p>‘ವಿಧಾನಸೌಧದ ರಸ್ತೆಯಲ್ಲಿ ತೋಡಿದ ಗುಂಡಿಗಳು ಮಾಮೂಲು ರಸ್ತೆಗುಂಡಿಗಳಂತೆ ಕಣ್ಣಿಗೆ ಕಾಣುವುದಿಲ್ಲ, ಕ್ಯಾಮೆರಾ ಕ್ಲಿಕ್ಕಿಗೂ ಸಿಕ್ಕುವುದಿಲ್ಲ. ಅವುಗಳಿಗೆ ಯಾರನ್ನು ಎಲ್ಲಿ ಯಾವಾಗ ಹೇಗೆ ಕೆಡವಬೇಕೆಂಬ ಮರ್ಮ ತಿಳಿದಿರುತ್ತದೆ’.</p>.<p>‘ಹೌದು… ಬೀಳಿಸುವ ಗುಂಡಿ ಯಾವ ರೂಪದಲ್ಲೂ ಎದುರಾಗಬಹುದು. ಕೈಬೀಸುತ್ತಾ ವಿಧಾನಸೌಧ ಸುತ್ತ ಪೆಡಲ್ ತುಳಿದ ಬಂಡೆಕುಮಾರ ಇನ್ನೇನು ಮೆಟ್ಟಿಲ ಮೇಲೆ ಕಾಲಿಟ್ಟು ನಿಲ್ಲಬೇಕು ಎನ್ನುವಾಗ ಕುಸಿಯಲಿಲ್ಲವೇ?’</p>.<p>‘ಕೆಲವೊಮ್ಮೆ ತಾವು ತೋಡಿದ ಗುಂಡಿಯಲ್ಲಿ ತಾವೇ ಬೀಳುವುದುಂಟು, ಲೋಕಾಯುಕ್ತ ಎಸ್.ಪಿ. ಬಿದ್ದಂತೆ’.</p>.<p>‘ಸಾಹಿತಿಗಳ ಸರ್ವನಾಶಕ್ಕೆ ಕೈಗೊಂಡಿರುವ ಮಹಾಕಾಳಿ ಹೋಮದಲ್ಲಿ ಗೋಚರ–ಅಗೋಚರ ಗುಂಡಿಗಳ ವಿನಾಶವನ್ನೂ ಸೇರಿಸಬಹುದೇ…?’ ತಿಂಗಳೇಶ ಮುಗಿಸಿದ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
