<p>‘ನಮ್ಮ ಕೊಹ್ಲಿ ಹುಡುಗರು ಕಂಡೋರ ಸ್ಟೇಡಿಯಂನಲ್ಲಿ ಕ್ರಿಕೆಟ್ ಆಡೋ ಪರಿಸ್ಥಿತಿ ಬಂತಲ್ಲ ಅಂತ ಹೊಟ್ಟೆ ಉರಿಯುತ್ತಿದೆರೀ...’ ಟಿ.ವಿ.ಯಲ್ಲಿ ಕ್ರಿಕೆಟ್ ನೋಡುತ್ತಿದ್ದ ಸುಮಿಗೆ ಸಂಕಟವಾಯ್ತು.</p>.<p>‘ಪಾಪ! ನಮ್ಮ ಸ್ಟೇಡಿಯಂನಲ್ಲಿ ಬೌಂಡರಿ ಬಾರಿಸುವ ಭಾಗ್ಯ ಅವರಿಗಿಲ್ಲ. ಬೇಕಾದ್ರೆ ಮನೆ ಕಾಂಪೌಂಡ್ನಲ್ಲಿ ಆಡಿಕೊಳ್ಳಬಹುದಷ್ಟೇ’ ಎಂದ ಶಂಕ್ರಿ.</p>.<p>‘ಕಾಂಪೌಂಡ್ನಲ್ಲಿ ಆಡೋಕೆ ಗೋಲಿ, ಬುಗುರಿ ಆಟ ಅಲ್ಲ. ದೊಡ್ಡ ಸ್ಟೇಡಿಯಂನಲ್ಲಿ ಚಪ್ಪಾಳೆ ತಟ್ಟುವ ಪ್ರೇಕ್ಷಕರ ಸಮ್ಮುಖದಲ್ಲಿ ಆಡೋ ಆಟ ಕ್ರಿಕೆಟ್...’</p>.<p>‘ಕ್ರಿಕೆಟ್ ಆಡಬೇಕೂಂದ್ರೆ ಫಾರಿನ್ಗೇ ಹೋಗಬೇಕೇನ್ರೀ?’ ಸುಮಿಗೆ ನೋವು.</p>.<p>‘ಹೌದು, ಮೊನ್ನೆ ಐಪಿಎಲ್ ಟೂರ್ನಿಯನ್ನು ಫಾರಿನ್ ಅಂಗಳದಲ್ಲಿ ಆಡಿಬಂದರು. ಕೊರೊನಾ ವೈರಾಣು ಚೆಂಡಿನಂತೆ ಉಂಡೆಯಾಗಿ, ಹಿಟ್ಮ್ಯಾನ್ ರೋಹಿತ್ ಶರ್ಮಾನ ಬ್ಯಾಟಿಗೆ ಸಿಕ್ಕಿದರೆ, ಬಿಡದೆ ಅರಬ್ಬಿ ಸಮುದ್ರಕ್ಕೆ ಬಾರಿಸಿಬಿಡುತ್ತಾನೆ, ಅಷ್ಟೊಂದು ರೋಷ ಬಂದಿದೆಯಂತೆ. ಬ್ಯಾಟಿಗೂ ಸಿಗಲ್ಲ, ಕ್ಯಾಚಿಗೂ ಸಿಗಲ್ಲ ಈ ಕೊರೊನಾ, ಇದನ್ನು ಔಟ್ ಮಾಡೋದು ಹೆಂಗೆ?’</p>.<p>‘ಪ್ಲೇಯರ್ಗಳೇನೋ ಫಾರಿನ್ಗೆ ಹೋಗಿ ಆಟ ಆಡಿಕೊಂಡು ಬರ್ತಾರೆ. ಅವರ ಅಭಿಮಾನಿ ಪ್ರೇಕ್ಷಕರನ್ನು ಫಾರಿನ್ಗೆ ಕರ್ಕೊಂಡು ಹೋಗೋರು ಯಾರು?’</p>.<p>‘ಹೋಗೋ ಕಡೆಗೆಲ್ಲಾ ಪ್ಲೇಯರ್ಗಳು ಬ್ಯಾಟು, ಬಾಲು ಹೊತ್ಗೊಂಡು ಪ್ರೇಕ್ಷಕರನ್ನೂ ಕರ್ಕೊಂಡು ಹೋಗಲು ಆಗಲ್ಲ. ಟಿ.ವಿ.ಯಲ್ಲಿ ಮ್ಯಾಚ್ ನೋಡಿಕೊಂಡು ಸಮಾಧಾನ ಮಾಡಿಕೊಳ್ಳಬೇಕಷ್ಟೇ’.</p>.<p>‘ಥರ್ಡ್ ಅಂಪೈರ್ಗಿಂಥಾ ಸುಪ್ರೀಮ್ ಆಗಿಬಿಟ್ಟಿದೆ ಕೊರೊನಾ. ಆಡಿದ್ದೇ ಆಟ, ಹೇಳಿದ್ದೇ ತೀರ್ಪು, ಅಪೀಲಿಗೂ ಅವಕಾಶವಿಲ್ಲ. ಹೀಗೇ ಆದರೆ ನಮ್ಮ ಸ್ಟೇಡಿಯಂಗಳು ಹುಲ್ಲುಗಾವಲು ಆಗಿಬಿಡ್ತವೆ. ಆಮೇಲೆ ಕ್ರಿಕೆಟ್ ಮಂಡಳಿ ಪಶುಪಾಲನೆ ಮಾಡಿಕೊಂಡು ಹೈನುಗಾರಿಕೆ ಆರಂಭಿಸೋ ಸ್ಥಿತಿ ಬಂದುಬಿಟ್ರೆ ಗತಿ ಏನ್ರೀ...?’</p>.<p>‘ಹಾಗೇನಾಗೊಲ್ಲ, ಹುಟ್ಟಿಸಿದ ದೇವ್ರು ಹುಲ್ಲು ಮೇಯ್ಸೋದಿಲ್ಲ, ಲಸಿಕೆ ಹಂಚಿ ಕೊರೊನಾವನ್ನು ಔಟ್ ಮಾಡ್ತೀವಿ ಅಂತ ಡೆಲ್ಲಿ ಅಂಪೈರ್ ಆಶ್ವಾಸನೆ ಕೊಟ್ಟಿದ್ದಾರೆ’ ಎಂದ ಶಂಕ್ರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಮ್ಮ ಕೊಹ್ಲಿ ಹುಡುಗರು ಕಂಡೋರ ಸ್ಟೇಡಿಯಂನಲ್ಲಿ ಕ್ರಿಕೆಟ್ ಆಡೋ ಪರಿಸ್ಥಿತಿ ಬಂತಲ್ಲ ಅಂತ ಹೊಟ್ಟೆ ಉರಿಯುತ್ತಿದೆರೀ...’ ಟಿ.ವಿ.ಯಲ್ಲಿ ಕ್ರಿಕೆಟ್ ನೋಡುತ್ತಿದ್ದ ಸುಮಿಗೆ ಸಂಕಟವಾಯ್ತು.</p>.<p>‘ಪಾಪ! ನಮ್ಮ ಸ್ಟೇಡಿಯಂನಲ್ಲಿ ಬೌಂಡರಿ ಬಾರಿಸುವ ಭಾಗ್ಯ ಅವರಿಗಿಲ್ಲ. ಬೇಕಾದ್ರೆ ಮನೆ ಕಾಂಪೌಂಡ್ನಲ್ಲಿ ಆಡಿಕೊಳ್ಳಬಹುದಷ್ಟೇ’ ಎಂದ ಶಂಕ್ರಿ.</p>.<p>‘ಕಾಂಪೌಂಡ್ನಲ್ಲಿ ಆಡೋಕೆ ಗೋಲಿ, ಬುಗುರಿ ಆಟ ಅಲ್ಲ. ದೊಡ್ಡ ಸ್ಟೇಡಿಯಂನಲ್ಲಿ ಚಪ್ಪಾಳೆ ತಟ್ಟುವ ಪ್ರೇಕ್ಷಕರ ಸಮ್ಮುಖದಲ್ಲಿ ಆಡೋ ಆಟ ಕ್ರಿಕೆಟ್...’</p>.<p>‘ಕ್ರಿಕೆಟ್ ಆಡಬೇಕೂಂದ್ರೆ ಫಾರಿನ್ಗೇ ಹೋಗಬೇಕೇನ್ರೀ?’ ಸುಮಿಗೆ ನೋವು.</p>.<p>‘ಹೌದು, ಮೊನ್ನೆ ಐಪಿಎಲ್ ಟೂರ್ನಿಯನ್ನು ಫಾರಿನ್ ಅಂಗಳದಲ್ಲಿ ಆಡಿಬಂದರು. ಕೊರೊನಾ ವೈರಾಣು ಚೆಂಡಿನಂತೆ ಉಂಡೆಯಾಗಿ, ಹಿಟ್ಮ್ಯಾನ್ ರೋಹಿತ್ ಶರ್ಮಾನ ಬ್ಯಾಟಿಗೆ ಸಿಕ್ಕಿದರೆ, ಬಿಡದೆ ಅರಬ್ಬಿ ಸಮುದ್ರಕ್ಕೆ ಬಾರಿಸಿಬಿಡುತ್ತಾನೆ, ಅಷ್ಟೊಂದು ರೋಷ ಬಂದಿದೆಯಂತೆ. ಬ್ಯಾಟಿಗೂ ಸಿಗಲ್ಲ, ಕ್ಯಾಚಿಗೂ ಸಿಗಲ್ಲ ಈ ಕೊರೊನಾ, ಇದನ್ನು ಔಟ್ ಮಾಡೋದು ಹೆಂಗೆ?’</p>.<p>‘ಪ್ಲೇಯರ್ಗಳೇನೋ ಫಾರಿನ್ಗೆ ಹೋಗಿ ಆಟ ಆಡಿಕೊಂಡು ಬರ್ತಾರೆ. ಅವರ ಅಭಿಮಾನಿ ಪ್ರೇಕ್ಷಕರನ್ನು ಫಾರಿನ್ಗೆ ಕರ್ಕೊಂಡು ಹೋಗೋರು ಯಾರು?’</p>.<p>‘ಹೋಗೋ ಕಡೆಗೆಲ್ಲಾ ಪ್ಲೇಯರ್ಗಳು ಬ್ಯಾಟು, ಬಾಲು ಹೊತ್ಗೊಂಡು ಪ್ರೇಕ್ಷಕರನ್ನೂ ಕರ್ಕೊಂಡು ಹೋಗಲು ಆಗಲ್ಲ. ಟಿ.ವಿ.ಯಲ್ಲಿ ಮ್ಯಾಚ್ ನೋಡಿಕೊಂಡು ಸಮಾಧಾನ ಮಾಡಿಕೊಳ್ಳಬೇಕಷ್ಟೇ’.</p>.<p>‘ಥರ್ಡ್ ಅಂಪೈರ್ಗಿಂಥಾ ಸುಪ್ರೀಮ್ ಆಗಿಬಿಟ್ಟಿದೆ ಕೊರೊನಾ. ಆಡಿದ್ದೇ ಆಟ, ಹೇಳಿದ್ದೇ ತೀರ್ಪು, ಅಪೀಲಿಗೂ ಅವಕಾಶವಿಲ್ಲ. ಹೀಗೇ ಆದರೆ ನಮ್ಮ ಸ್ಟೇಡಿಯಂಗಳು ಹುಲ್ಲುಗಾವಲು ಆಗಿಬಿಡ್ತವೆ. ಆಮೇಲೆ ಕ್ರಿಕೆಟ್ ಮಂಡಳಿ ಪಶುಪಾಲನೆ ಮಾಡಿಕೊಂಡು ಹೈನುಗಾರಿಕೆ ಆರಂಭಿಸೋ ಸ್ಥಿತಿ ಬಂದುಬಿಟ್ರೆ ಗತಿ ಏನ್ರೀ...?’</p>.<p>‘ಹಾಗೇನಾಗೊಲ್ಲ, ಹುಟ್ಟಿಸಿದ ದೇವ್ರು ಹುಲ್ಲು ಮೇಯ್ಸೋದಿಲ್ಲ, ಲಸಿಕೆ ಹಂಚಿ ಕೊರೊನಾವನ್ನು ಔಟ್ ಮಾಡ್ತೀವಿ ಅಂತ ಡೆಲ್ಲಿ ಅಂಪೈರ್ ಆಶ್ವಾಸನೆ ಕೊಟ್ಟಿದ್ದಾರೆ’ ಎಂದ ಶಂಕ್ರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
