ಚುರುಮುರಿ| ಪಟ್ಟುಗಳ ಪಾಠ!

ತುರುವೇಕೆರೆ ಪ್ರಸಾದ್

. ‘ನಮ್ ಒಸ ಶಾಸಕರಿಗೆ ಅಭಿನಂದನೆ ಸಲ್ಸಣ ಅಂತ ಓಗಿದ್ದೆ. ಆದ್ರೆ ಸಾಹೇಬ್ರು ಊರಲ್ಲೇ ಇಲ್ಲ, ಅದ್ಯಾವುದೋ ಟ್ರೈನಿಂಗ್ಗೆ ಓಗವ್ರಂತೆ’ ಎಂದ ಮಾದೇವ.

. ‘ಹೌದಾ? ಅವ್ರಿಗೂ ಟ್ರೈನಿಂಗ್ ಇರ್ತದಾ? ಕುರಿತೋದದಯಂ, ತರಬೇತಿ ಪಡೆಯದೆಯಂ ಸಿದ್ಧಿಪ ಏಕೈಕ ವಿದ್ಯೆಯೇ ರಾಜಕೀಯ. ಅವರಿಗೆಂತ ತರಬೇತಿನೋ?’ ಕೇಳಿದ ಕಲ್ಲೇಶಿ.

. ‘ಅಂಗಲ್ಲಲೆ, ಒಸ್ದಾಗಿ ವಿದಾನಸೌಧಕ್ಕೆ ಬಂದಿರ್ತಾರಲ್ವಾ? ಎಂಗ್ ಮಾತಾಡ್ಬೇಕು, ಎಂಗ್ ಪ್ರಶ್ನೆ ಕೇಳ್ಬೇಕು ಅದ್ನೆಲ್ಲಾ ಯೋಳ್ ಕೊಡ್ತಾರಂತೆ’.

. ‘ಏನ್ ಮಾತಾಡ್ಬೇಕು ಅನ್ನಾಕಿಂತ ಏನ್ ಮಾತಾಡ್ಬಾರ್ದು ಅಂತ ಯೋಳ್ಕೊಡ್ಬೇಕು ಕಣ್ಲಾ. ಮೆದ್ಲು ಐತಾ, ಕಿಡ್ನಿ ಐತಾ ಅಂತೆಲ್ಲಾ ಮಾತಾಡ್ದಂಗ್ ಬುದ್ದಿ ಯೋಳ್ಬೇಕು’ ಎಂದ ಗುದ್ಲಿಂಗ.

. ‘ಕಾಲ್ ಕೆರ್ಕಂಡು ಗುಟ್ರು ಆಕುದ್ರೇಯ ಗಮ್ಮತ್ತು ಅನ್ಸಾದು? ರಾಜಕೀಯ ಏನ್ ಸಂಗೀತ್ ಕಛೇರಿನೇನ್ಲಾ ತಲೆ ಆಡುಸ್ಕಂಡು, ತಾಳ ಆಕ್ಕಂಡು ಕುಂತಿರಾಕೆ?’

. ‘ಬುದ್ದಿ ಯೋಳೋದ್ರ ಜೊತ್ಗೆ ಬಾವಿಗೆ ಬೀಳೋದೂ ಯೋಳ್ ಕೊಡ್ಬೇಕು’.

. ‘ಬಾವಿಗೆ ಬೀಳೋದಾ? ಅಂಗಂದ್ರೆ?’

. ‘ಈ ಸದನದಲ್ಲಿ ಬಾವಿ ಅಂತ ಇರ್ತದೆ. ಅದ್ರೊಳಗೆ ಇಳ್ದು ಮಸೂದೆ, ಬಜೆಟ್ ಪ್ರತಿ ಅದೂ ಇದ್ನ ಹರ್ದಾಕಿ ಧರಣಿ ಮಾಡ್ತಾರೆ ಕಣ್ಲಾ’.

. ‘ಔದೌದು ಕೇಳಿವ್ನಿ, ಆಮೇಲೆ ಈ ರಾಜಕೀಯ್ದೋರು ಇನ್ನೂ ಔಟ್ಡೇಟೆಡ್ ಸಿ.ಡಿ.ನಲ್ಲೇ ಅವ್ರೆ. ಹಗರಣನೆಲ್ಲಾ ಪೆನ್ಡ್ರೈವ್, ಚಿಪ್ಪಲ್ಲಿ ರೆಕಾರ್ಡ್ ಮಾಡಿ ಅಂತ ಯೋಳಿ ಅಪ್ಡೇಟ್ ಮಾಡ್ಬೇಕು’.

. ‘ಅಮ್ಯಾಕೆ ಇವ್ರಿಗೆ ಪರ್ಸಂಟೇಜ್ ಲೆಕ್ಕ ಅಂದ್ರೆ ಪ್ರಾಣ ಕಣ್ರಲಾ... ಬಿಲ್ಗೆ ಪಾಸ್ ಪರ್ಸಂಟೇಜ್ ಮಡಿಕ್ಕಳಿ, ಫಸ್ಟ್ ಕ್ಲಾಸ್ಗೆ ಓಗ್ಬೇಡಿ ಅಂತ ಯೋಳ್ಬೇಕು’.

. ‘ಹ್ಞೂಂ ಕಣಪ್ಪ, ಅಂಗೇ ಈ ಆಪರೇಶನ್ ಮಾಡಾದು, ರೆಸ್ಟೋರೆಂಟಾಗಿ ಟೆಂಟ್ ಹೊಡೆಯೋದು, ಪಾರ್ಟಿಲಿ ಸಿಪ್ ಮಾಡೋದು, ಮೊಗಸಾಲೇಲಿ ಗಾಸಿಪ್ ಮಾಡೋದು ಎಲ್ಲಾ ಯೋಳ್ ಕೊಟ್ಟಿರ್ಬೇಕು, ಆಪತ್ತಲ್ಲಿ ಇವೇ ಕಾಪಾಡೋದು ನೋಡು’.

. ‘ಒಟ್ನಲ್ಲಿ ನಮ್ ಹೊಸ ಸಾಸಕರು ಸ್ಯಾಂಡಲ್ನಂಗೆ ಗಮ್ ಅಂತಿರ್ಬೇಕು, ಸ್ಕ್ಯಾಂಡಲ್ ಮಾಡ್ಕಬಾರದು ಅಂತ ಯೋಳ್ಕೊಡ್ಬೇಕು’.

. ‘ಸುಮ್ಕಿರಪ್ಪ, ಸ್ಯಾಂಡಲ್ ಎಲ್ಲಿ ಗಮ್ ಅಂತದೆ? ಅದು ಗಬ್ ನಾರೇ ಕಮಲ ದಬಾಕ್ಕಂಡಿದ್ದು. ನಮ್ ಶಾಸಕರೂ ಮುಂದೆ ಇದೇ ತರ ಹೊಸಬರಿಗೆ ಟ್ರೈನಿಂಗ್ ಕೊಡೊ ‘ಸಂಪನ್ಮೂಲ’ ವ್ಯಕ್ತಿಗಳಾಗ್ಬೇಕು’.

. ‘ಹೆಂಗೆ? ಈಗ ರಾಜಕೀಯ ಪಟ್ಟು ಹೇಳ್ಕೊಡೋ ಕೆಲವ್ರು ಮಾಡ್ಕಂಡವ್ರಲ್ಲ, ಸಂಪತ್ತು, ಅದರ ಮೂಲ ಎರಡೂ ಗೊತ್ತಾಗದಂಗೆ, ಅಂಗಾ?’ ಕೇಳಿದ ಗುದ್ಲಿಂಗ. ಎಲ್ಲಾ ಗೊಳ್ಳೆಂದು ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ| ಪಟ್ಟುಗಳ ಪಾಠ!

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ