<p>ವಿಕ್ರಮ್ ಲ್ಯಾಂಡ್ ಆಗಿದ್ದನ್ನು, ಪ್ರಜ್ಞಾನ್ ರೋವರ್ ಹಗೂರಕ್ಕೆ ಕೆಳಗಿಳಿದು ಓಡಾಡಿದ್ದನ್ನು ಕಿವಿಗೆ ಇಯರ್ ಫೋನ್ ಹಾಕಿಕೊಂಡು ಬೆಕ್ಕಣ್ಣ ನೋಡಿಯೇ ನೋಡಿತು.</p>.<p>‘ಏನು ಕೇಳಾಕೆ ಹತ್ತೀಯಲೇ’ ಎಂದು ನಾನು ಕುತೂಹಲದಿಂದ ಕೇಳಿದೆ.</p>.<p>‘ಅಲ್ಲೆಲ್ಲಾದರೂ ಚಂದ್ರಬೆಕ್ಕುಗಳ ಮ್ಯಾಂವ್ಗೀಂವ್ ಸದ್ದು ಬರತೈತೇನು ಅಂತ ಕೇಳಾಕೆ ಹತ್ತೀನಿ’ ಎಂದು ಘನಗಂಭೀರವಾಗಿ ಉಲಿಯಿತು.</p>.<p>‘ಮಂಗ್ಯಾನಂಥವ್ನೇ… ಇಲ್ಲೀವರೆಗೆ ಚಂದ್ರನ ಮ್ಯಾಗೆ ಮಾಡಿದ ಯಾವ ಸಂಶೋಧನೆಯಲ್ಲೂ ಜೀವಿಗಳು ಇದ್ದ ಕುರುಹು ಸಿಕ್ಕಿಲ್ಲ, ಅಂತಾದ್ರಾಗೆ ಚಂದ್ರಬೆಕ್ಕುಗಳು ಎಲ್ಲಿರತಾವು?’</p>.<p>‘ನೀರೈತಿ ಅಂತ ಅಲ್ಲಿ ನಮ್ ಚಂದ್ರಯಾನ– 1 ಹೇಳೈತಿ. ನೀರೈತಿ ಅಂದ್ರ ಜೀವಿಗಳಿದ್ದೇ ಇರತಾವು. ಸೇಫ್ ಲ್ಯಾಂಡಿಂಗ್ ಮಾಡೋ ರಹಸ್ಯ ನಮ್ ಇಸ್ರೊ ವಿಜ್ಞಾನಿಗಳಿಗೆ ಈಗ ಕರಗತ ಆಗೈತಿ. ಯಾವುದಕ್ಕೂ ನಾವು ಸ್ವಲ್ಪ ರೊಕ್ಕ ರೆಡಿ ಇಟ್ಕಂಡಿರೂಣು’.</p>.<p>ನನಗೆ ತಲೆಬುಡ ತಿಳಿಯಲಿಲ್ಲ.</p>.<p>‘ತಿಂಗಳ ಖರ್ಚಿಗೆ ರೊಕ್ಕ ಹೊಂದಿಸೂದೆ ರಗಡ್ ಆಗೈತಿ ನನಗ. ರೊಕ್ಕ ಹೆಂಗ ರೆಡಿ ಇಟ್ಕಳದು…?’</p>.<p>‘ನೀ ಎಲ್ಲಾದಕ್ಕೆ ಏನರೆ ಕೊಸರು ತೆಗೀಬ್ಯಾಡ. ನಮ್ ಮೋದಿಮಾಮಾರ ಆಡಳಿತಾವಧಿಯಲ್ಲೇ ಎರಡು ಬಾರಿ ಚಂದ್ರಯಾನ ನಡೆದದ. ಹಿಂಗಾಗಿ ಮುಂದಿನ ವರ್ಷ ಸಂಸತ್ತಿನಾಗೆ ಪ್ರಧಾನಿಯಾನ 3 ಖಂಡಿತಾ ಅವರಿದ್ದೇ! ಅದಾದಮ್ಯಾಗೆ ಅವರು ರೆಗ್ಯುಲರ್ ಸ್ಪೇಸ್ ಶಿಪ್ ಬಿಡ್ತಾರಂತ. ಆಮ್ಯಾಗೆ ಅಲ್ಲಿ ಸೈಟು, ಅಪಾರ್ಟಮೆಂಟು, ರೆಸಾರ್ಟು, ತೋಟ ಎಲ್ಲ ಶುರುವಾಗತೈತಿ. ನಾವು ರೊಕ್ಕ ರೆಡಿ ಇಟ್ಕಂಡಿರೂಣು’.</p>.<p>‘ಮೊದ್ಲು ಚಂದ್ರಯಾನ– 3 ಸಕ್ಸೆಸ್ಫುಲ್ ಮಾಡಿದ ನಮ್ ವಿಜ್ಞಾನಿಗಳಿಗೆ ಛಲೋ ಸಂಬಳಸಾರಿಗೆ ಕೊಡಲಿ, ಬಾಹ್ಯಾಕಾಶ ಇಲಾಖೆಗೆ ಜಾಸ್ತಿ ಅನುದಾನ ಕೊಡಲಿ. ಆಮ್ಯಾಗೆ ಮುಂದಿನ ಯಾನಗಳ ಬಗ್ಗೆ ಮಾತಾಡೂಣು’.</p>.<p>‘ಅವರು ದೇಶಕ್ಕಾಗಿ ಅಂಥವೆಲ್ಲ ತ್ಯಾಗ ಮಾಡತಾರೆ. ನಮ್ ಮೋದಿಮಾಮಾರು ಪ್ರಧಾನಿಯಾನಕ್ಕಾಗಿ ಎಷ್ಟ್ ತ್ಯಾಗ ಮಾಡಿಲ್ಲೇನ್? ಅಲ್ಲದೇ ಮೋದಿಮಾಮಾರು, ಸಿದ್ದುಅಂಕಲ್ಲು ಅವ್ರಿದ್ದಲ್ಲೇ ಹೋಗಿ ಸ್ವೀಟ್ ತಿನ್ನಿಸ್ಯಾರೆ. ಅದೇ ಸಾಕೇಳು’ ಬೆಕ್ಕಣ್ಣ ಉಡಾಫೆಯಿಂದ ನಕ್ಕಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಿಕ್ರಮ್ ಲ್ಯಾಂಡ್ ಆಗಿದ್ದನ್ನು, ಪ್ರಜ್ಞಾನ್ ರೋವರ್ ಹಗೂರಕ್ಕೆ ಕೆಳಗಿಳಿದು ಓಡಾಡಿದ್ದನ್ನು ಕಿವಿಗೆ ಇಯರ್ ಫೋನ್ ಹಾಕಿಕೊಂಡು ಬೆಕ್ಕಣ್ಣ ನೋಡಿಯೇ ನೋಡಿತು.</p>.<p>‘ಏನು ಕೇಳಾಕೆ ಹತ್ತೀಯಲೇ’ ಎಂದು ನಾನು ಕುತೂಹಲದಿಂದ ಕೇಳಿದೆ.</p>.<p>‘ಅಲ್ಲೆಲ್ಲಾದರೂ ಚಂದ್ರಬೆಕ್ಕುಗಳ ಮ್ಯಾಂವ್ಗೀಂವ್ ಸದ್ದು ಬರತೈತೇನು ಅಂತ ಕೇಳಾಕೆ ಹತ್ತೀನಿ’ ಎಂದು ಘನಗಂಭೀರವಾಗಿ ಉಲಿಯಿತು.</p>.<p>‘ಮಂಗ್ಯಾನಂಥವ್ನೇ… ಇಲ್ಲೀವರೆಗೆ ಚಂದ್ರನ ಮ್ಯಾಗೆ ಮಾಡಿದ ಯಾವ ಸಂಶೋಧನೆಯಲ್ಲೂ ಜೀವಿಗಳು ಇದ್ದ ಕುರುಹು ಸಿಕ್ಕಿಲ್ಲ, ಅಂತಾದ್ರಾಗೆ ಚಂದ್ರಬೆಕ್ಕುಗಳು ಎಲ್ಲಿರತಾವು?’</p>.<p>‘ನೀರೈತಿ ಅಂತ ಅಲ್ಲಿ ನಮ್ ಚಂದ್ರಯಾನ– 1 ಹೇಳೈತಿ. ನೀರೈತಿ ಅಂದ್ರ ಜೀವಿಗಳಿದ್ದೇ ಇರತಾವು. ಸೇಫ್ ಲ್ಯಾಂಡಿಂಗ್ ಮಾಡೋ ರಹಸ್ಯ ನಮ್ ಇಸ್ರೊ ವಿಜ್ಞಾನಿಗಳಿಗೆ ಈಗ ಕರಗತ ಆಗೈತಿ. ಯಾವುದಕ್ಕೂ ನಾವು ಸ್ವಲ್ಪ ರೊಕ್ಕ ರೆಡಿ ಇಟ್ಕಂಡಿರೂಣು’.</p>.<p>ನನಗೆ ತಲೆಬುಡ ತಿಳಿಯಲಿಲ್ಲ.</p>.<p>‘ತಿಂಗಳ ಖರ್ಚಿಗೆ ರೊಕ್ಕ ಹೊಂದಿಸೂದೆ ರಗಡ್ ಆಗೈತಿ ನನಗ. ರೊಕ್ಕ ಹೆಂಗ ರೆಡಿ ಇಟ್ಕಳದು…?’</p>.<p>‘ನೀ ಎಲ್ಲಾದಕ್ಕೆ ಏನರೆ ಕೊಸರು ತೆಗೀಬ್ಯಾಡ. ನಮ್ ಮೋದಿಮಾಮಾರ ಆಡಳಿತಾವಧಿಯಲ್ಲೇ ಎರಡು ಬಾರಿ ಚಂದ್ರಯಾನ ನಡೆದದ. ಹಿಂಗಾಗಿ ಮುಂದಿನ ವರ್ಷ ಸಂಸತ್ತಿನಾಗೆ ಪ್ರಧಾನಿಯಾನ 3 ಖಂಡಿತಾ ಅವರಿದ್ದೇ! ಅದಾದಮ್ಯಾಗೆ ಅವರು ರೆಗ್ಯುಲರ್ ಸ್ಪೇಸ್ ಶಿಪ್ ಬಿಡ್ತಾರಂತ. ಆಮ್ಯಾಗೆ ಅಲ್ಲಿ ಸೈಟು, ಅಪಾರ್ಟಮೆಂಟು, ರೆಸಾರ್ಟು, ತೋಟ ಎಲ್ಲ ಶುರುವಾಗತೈತಿ. ನಾವು ರೊಕ್ಕ ರೆಡಿ ಇಟ್ಕಂಡಿರೂಣು’.</p>.<p>‘ಮೊದ್ಲು ಚಂದ್ರಯಾನ– 3 ಸಕ್ಸೆಸ್ಫುಲ್ ಮಾಡಿದ ನಮ್ ವಿಜ್ಞಾನಿಗಳಿಗೆ ಛಲೋ ಸಂಬಳಸಾರಿಗೆ ಕೊಡಲಿ, ಬಾಹ್ಯಾಕಾಶ ಇಲಾಖೆಗೆ ಜಾಸ್ತಿ ಅನುದಾನ ಕೊಡಲಿ. ಆಮ್ಯಾಗೆ ಮುಂದಿನ ಯಾನಗಳ ಬಗ್ಗೆ ಮಾತಾಡೂಣು’.</p>.<p>‘ಅವರು ದೇಶಕ್ಕಾಗಿ ಅಂಥವೆಲ್ಲ ತ್ಯಾಗ ಮಾಡತಾರೆ. ನಮ್ ಮೋದಿಮಾಮಾರು ಪ್ರಧಾನಿಯಾನಕ್ಕಾಗಿ ಎಷ್ಟ್ ತ್ಯಾಗ ಮಾಡಿಲ್ಲೇನ್? ಅಲ್ಲದೇ ಮೋದಿಮಾಮಾರು, ಸಿದ್ದುಅಂಕಲ್ಲು ಅವ್ರಿದ್ದಲ್ಲೇ ಹೋಗಿ ಸ್ವೀಟ್ ತಿನ್ನಿಸ್ಯಾರೆ. ಅದೇ ಸಾಕೇಳು’ ಬೆಕ್ಕಣ್ಣ ಉಡಾಫೆಯಿಂದ ನಕ್ಕಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
